Mirzə Bağırov

Vikipediya, açıq ensiklopediya
Jump to navigation Jump to search
Mirzə Bağırov
Mirzə Ağa Əyyub oğlu Bağırov
Şəkil yoxdur.jpg
Doğum tarixi 16 iyun 1927(1927-06-16)
Doğum yeri Lənkəran, Flag of the Azerbaijan Soviet Socialist Republic.svg Azərbaycan SSR
Vəfat tarixi 8 aprel 2011 (83 yaşında)
Vəfat yeri Bakı, Azərbaycan
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Elm sahəsi Elektrofizika
Elmi dərəcəsi Texnika elmləri doktoru
Elmi adı Professor
Mükafatları AMEA-nın Fəxri Fərmanı
"Şərəf Nişanı" ordeni

Mirzə Ağa Əyyub oğlu Bağırov (16 iyun 19278 aprel 2011) — əməkdar elm xadimi, texnika elmləri doktoru, professor.

Həyatı[redaktə | əsas redaktə]

Mirzə Bağırov 1927-ci il iyun ayının 16-da Lənkəran şəhərində anadan olmuşdur. 1949-cu ildə M. Əzizbəyov adına Azərbaycan Sənaye İnstitutunun (indiki Azərbaycan Dövlət Neft Akademiyası) Energetika fakültəsini bitirmişdir.

1953-cü ildə SSRİ Elmlər Akademiyasının Energetika İnstitutunda dissertasiya müdafiə edərək, texnika elmlər namizədi alimlik dərəcəsi almışdır.

Gənc alim tədqiqatlarını davam etdirərək, 1966-cı ildə İ.M. Qubkin adına Moskva Neft-Kimya və Qaz Sənayesi İnstitutunda texnika elmləri doktoru alimlik dərəcəsi almış və həmin il professor elmi adına layiq görülmüşdür.

1976-cı ildə M.Ə. Bağırov Azərbaycan Politexnik İnstitutunun (indiki Azərbaycan Texniki Universiteti) rektoru vəzifəsinə təyin edilir və ardıcıl olaraq 12 il Azərbaycanın mühəndis kadrları hazırlayan əsas ali təhsil ocaqlarından birinə rəhbərlik edir.

200-dən çox elmi əsərin, 3 monoqrafiyanın müəllifi olan alimin əsərlərinin çoxu xarici ölkələrdə, nüfuzlu elmi nəşrlərdə çap olunmuşdur.

M.Ə. Bağırov ABŞ, Almaniya, Polşa, Macarıstan və digər ölkələrdə keçirilən beynəlxalq elmi konfrans və simpoziumlarında Azərbaycan elmini ləyaqətlə təmsil etmişdir. Onun rəhbərliyi altında 30-dək namizədlik və doktorluq dissertasiyaları müdafiə edilmişdir.

1981-ci ildə M.Ə. Bağırova "Əməkdar elm xadimi" fəxri adı verilmişdir. O, "Şərəf Nişanı" ordeni, medallarla təltif edilmiş, bir neçə çağırış Bakı şəhər Sovetinin deputatı olmuş, komissiya sədri seçilmişdir.

Ulu öndər Heydər Əliyevin sərəncamı ilə M.Ə. Bağırov 1997-ci ildə Lənkəran Dövlət Universitetinin rektoru vəzifəsinə təyin edilmiş,[1] 2005-ci ilə qədər bu vəzifədə çalışmışdır.

Lənkəran Dövlət Universitetinə müasir təhsil texnologiyalarının, pedaqoji innovasiyaların gətirilməsində, bölgənin yüksək ixtisaslı kadrlarla təminatında, çoxsaylı ixtisasların, yeni kafedra, laboratoriya və mərkəzlərin açılmasında Mirzə Bağırovun misilsiz şəxsi zəhməti olmuşdur.

ABŞ-ın Bioqrafik İnstitutu prof. M. Bağırovu 2009-cu ildə dünyada elm üzrə "İlin adamı" elan etmişdir. Bu, həm də onun Azərbaycan elminə qazandırdığı böyük nüfuzun təsdiqi idi.

M.Ə. Bağırov 2011-ci il aprel ayının 8-də Bakı şəhərində vəfat etmişdir.

Əsas elmi nailiyyətləri[redaktə | əsas redaktə]

Qaz və bərkdielektiriklərin deşilmə mexanizminin araşdırılması, yüksək gərginlikli elektrik boşalmalarının polimer izolyasiya materiallarının elektrofiziki xassələrinin intensifikasiyası üçün istifadə edilməsi, elektrik sahəsinin və radiasiya şüalanmalarının təsiri altında kompozit materialların (polimer və süsə plastiklər) elektrik köhnəlməsinin mexanizmlərinin tədqiqi.

Əsas elmi əsərləri[redaktə | əsas redaktə]

  • Электротермические способы увеличения нефтеотдачи пластов. Монография, 1962
  • Structural variations of polystyrene under the effect of electric discharges. European Polymer Journal, 1971
  • Воздействие электрических разрядов на полимерные диэлектрики. Монография, 1975
  • Электрическое старение полимерных диэлектриков. Монография, 1987
  • Электрический и тепловой расчет силовых кабелей, 1988
  • Улучшение электрофизических свойств стеклопластиковых материалов. Мат. респ. конф. Научно-технические проблемы электроэнергетики, 1997

Pedaqoji fəaliyyəti[redaktə | əsas redaktə]

  • Azərbaycan Politexnik İnstitutu (1973—1976)
  • Lənkəran Dövlət Universiteti (1995 ildə)

Rektorluq fəaliyyəti[redaktə | əsas redaktə]

  • Azərbaycan Politexnik İnstitutu (1976—1988)
  • Lənkəran Dövlət Universiteti (1997—2005)

İstinadlar[redaktə | əsas redaktə]

Xarici keçidlər[redaktə | əsas redaktə]