Canəli Əkbərov

Vikipediya, açıq ensiklopediya
Keçid et: naviqasiya, axtar
CANƏLİ ƏKBƏROV
Canəli Xanəli oğlu Əkbərov
Canəli Əkbərov.jpg
Ümumi məlumatları
Doğum tarixi 10 mart 1940 (1940-03-10) (77 yaş)
Lənkəran rayonu Tükəvilə kəndi
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Peşəsi Xanəndə, aktyor,
Mükafatları
"Şöhrət" ordeni
"Şərəf" ordeni
Azərbaycan Respublikasının Xalq artisti

IMDb səhifəsi

Canəli Xanəli oğlu Əkbərov — xanəndə, aktyor. Azərbaycan Respublikasının xalq artisti (1992).[1]

Həyatı[redaktə | əsas redaktə]

Əbərov Canəli Xanəli oğlu 10 mart 1940-cı ildə Lənkəran rayonunun Tükəvilə kəndində anadan olmuşdur. 2002-ci ildə Şöhrət ordeni ilə təltif olunmuşdur. Canəli Əkbərov muğamın sirrlərini atasından öyrənmişdir. Canəli Əkbərov musiqi təhsilini Bakıda Azərbaycan Dövlət Musiqi Məktəbində almışdır.

Müəllimləri Seyid Şuşinski və Xan Şuşinskidən muğam ifaçılığının qayda-qanunlarını mənimsəyir və öz ifaçılıq qabiliyyətini təkmilləşdirir. 1965 ci ildən Canəli Əkbərov Azərbaycan Dövlət Filarmoniyasının solistidi, 1976-cı ildən bu günə kimi Azərbaycan Dövlət Opera və Balet Teatrı-nın solistidir.

Xanəndə bu teatr səhnəsində muğam operalarında bir sıra yadda qalan obrazlar: Məcnun və İbn-Səlam (Ü.Hacıbəyov – “Leyli və Məcnun”), Şah İsmayıl (M.Maqomayev – “Şah İsmayıl”), Aşıq qərib (Z.Hacıbəyov – “Aşıq Qərib”) obrazlarını yaratmışdır. Canəli Əkbərov xarici ölkələrdə - Almaniyada, Malidə, Avstriyada və s. ölkələrdə dəfələrlə qastrol səfərlərində olmuşdur.

Səmərqənddə keçirilən Şərq musiqi simpoziumunda və Kuybışevdə Şərq xalqlarının musiq festivalında böyük nailiyyət əldə etmişdir. Canəli Əkbərov ifa etdiyi bütün muğamlar dəsgahlar vallara və disklərə yazılmlşdır. Canəli Əkbərov hal-hazırda muğam müəllimi kimi, gənc xanəndələr nəslini yetişdirir. Azərbaycan Dövlət Mədəniyyət və İncəsənət Universitetində “Muğam sənəti” kafedrasının müdiri vəzifəsində çalışır.

BMM-ni və ADÜ-ni bitirib. Azərbaycan Respublikasının əməkdar artisti (1989) və xalq artisti (1992) fəxri adları var. 1976-cı ildən teatrın solistidir.

Əsas rolları[redaktə | əsas redaktə]

Məcnun ("Leyli və Məcnun"), Kərəm ("Əsli və Kərəm"), Qərib ("Aşıq Qərib"), Camal ("Gəlin qayasi"), Şah İsmayıl ("Şah İsmayıl), Azançı ("Sevil"), Axund ("Aldanmış ulduzlar", Məmməd Quliyev).

Filmoqrafiya[redaktə | əsas redaktə]

  1. Havalansın Xanın səsi (film, 2001)
  2. Mənsuriyyə sorağında (film, 2002)
  3. Zəlimxan dastanı (film, 2007)
  4. Biz qayıdacağıq (film, 2007)
  5. Muğamat var olan yerdə... (film, 2009)
  6. Sevda yolu. Canəli Əkbərov (film, 2010)

İstinadlar[redaktə | əsas redaktə]

  1. "M.F. Axundov adına Azərbaycan Dövlət Akademik Opera və Balet Teatrının bir qrup əməkdaşına "Azərbaycan Respublikasının xalq artisti" fəxri adının verilməsi haqqında" Azərbaycan Respublikası Prezidentinin 18 noyabr 1992-ci il tarixli, 320 nömrəli Fərmanı  (azərb.)

Ədəbiyyat[redaktə | əsas redaktə]

  • Abdullayeva, S. Xalq artisti Canəli Əkbərovun 75 yaşı qeyd olunub: [Müslüm Maqomayev adına Dövlət Flarmoniyasında] //525-ci qəzet.- 2015.- 10 aprel. - S.7.
  • Aydınoğlu, T. Yarım əsr milli musiqimizin xidmətində //Xalq qəzeti.- 2015.- 11 aprel.- S.7.
  • Hüseynov, F. Sənətin 75-ci zirvəsində: Xalq artisti Canəli Əkbərovun yubileyi qeyd olundu: [Azərbaycan Dövlət Filarmoniyasında] //Mədəniyyət.- 2015.- 10 aprel. - S.5.
  • Musaqızı, L. Uşaqlığı nağılvari keçən xanəndə //Kaspi.- 2015.- 17 aprel.- S.21.

Xarici keçidlər[redaktə | əsas redaktə]