Hacı İsmayılov

Vikipediya, azad ensiklopediya
Jump to navigation Jump to search
Hacı İsmayılov
Hacı İsmayılov 01.03.2019.jpg Azərbaycanın mədəniyyət və incəsənət xadimlərinin bir qrupunun Prezident İlham Əliyev və birinci xanım Mehriban Əliyeva ilə görüşü zamanı. 1 mart 2019-cu il[1].
Doğum tarixi 22 yanvar 1944 (1944-01-22) (75 yaş)
Doğum yeri Bakı, Azərbaycan SSR, SSRİ
Həyat yoldaşı Fəzilət xanım
Vətəndaşlığı SSRİ SSRİ
Azərbaycan Azərbaycan
Peşəsi aktyor
Milliyyəti azərbaycanlı
Təhsili M.Əliyev adına Azərbaycan Dövlət Teatr İnstitutunun Dram və kino aktyorluğu fakültəsi
Fəaliyyət illəri 1967–indiyə kimi
Teatr Akademik Milli Dram Teatrı
Mükafatları "Azərbaycan Respublikasının xalq artisti" fəxri adı — 2000 "Azərbaycan SSR əməkdar artisti" fəxri adı — 1989 Azərbaycan SSR dövlət mükafatı — 1980 "Sənətkar" medalı
"Şöhrət" ordeni (Azərbaycan) — 2019
IMDb ID 0411350

İsmayılov Hacı Məcid oğlu — Azərbaycan teatr və kino aktyoru,[2] Azərbaycanın xalq artisti (2000),[3] Azərbaycan Teatr Xadimləri İttifaqının yaradıcılıq üzrə sədr müavini[4].

Həyatı[redaktə | əsas redaktə]

Hacı İsmayılov 22 yanvar 1944-cü ildə Bakıda doğulub. 190 nömrəli orta məktəbdə təhsil alıb. 1963-cü ildə Mirzağa Əliyev adına Azərbaycan Dövlət Teatr İnstitutunun Dram və kino aktyorluğu fakültəsinə daxil olub. Sumqayıt Dövlət Dram Teatrına aktyor işləməyə dəvət alıb və 1968-ci il sentyabr ayının 2-də gənc truppada fəaliyyətə başlayıb. Bu teatrda M.F. Axundovun "Müsyö Jordan və dərviş Məstəlişah" komediyasında dərviş Məstəlişah rolunu ifa edib. Bundan sonra C. Patrikin "Qəribə missis Səvic" dramında Ceffi, A.Papayanın "Bəli, dünya dəyişib" komediyasında Səməndər, C.Cabbarlının "Sevil" pyesinin tamaşasında Məmmədəli bəy rolunda çıxış edib. 1970-ci il fevral ayının 16-dan Akademik Milli Dram Teatrında çalışır. Elə ilk gündən H.Cavidin "Xəyyam" faciəsindəki İkinci Qulam rolunu alıb.

"Azərbaycanfilm" kinostudiyasında ilk dəfə "Ad günü" filmində Mustafa rolunda çəkilib, bu rolla böyük uğur qazanıb və 22 aprel 1980-ci ildə Respublikanın Dövlət mükafatı laureatı adına layiq görülüb.

17 may 1989-cu ildə Azərbaycan SSR əməkdar artisti, 18 dekabr 2000-ci ildə Azərbaycan Respublikasının xalq artisti fəxri adları ilə təltif olunub. Prezident təqaüdçüsüdür. Azərbaycan Teatr Xadimləri İttifaqının təsis etdiyi "Sənətkar" medalına layiq görülüb. 21 yanvar 2019-cu ildə "Şöhrət" ordeni ilə təltif olunmuşdur.[5]

Yaradıcılığının xarakterik sənətkarlıq xüsusiyyətlərinə görə realist aktyor məktəbinin poetika göstəricilərinə daha uyğundur. Akademik teatrda oynadığı əllidən çox rolun böyük bir qismi məhz həmin üslubun estetik səciyyələrinə uyğundur.

2014-cü ildən Azərbaycan Teatr Xadimləri İttifaqının yaradıcılıq üzrə sədr müavinidir.[6]

Ailəlidir, iki övladı və üç nəvəsi var.[7]

Teatr səhnəsindəki rolları[redaktə | əsas redaktə]

  • İkinci Qulam və İbn Tahir ("Xəyyam", Hüseyn Cavid)
  • Dördüncü qaçaq ("Mahnı dağlarda qaldı" İlyas Əfəndiyev)
  • Muradalı ("Xurşidbanu Natəvan" İlyas Əfəndiyev)
  • Fariz ("Büllur sarayda" İlyas Əfəndiyev)
  • Ağadadaş Nəcəfov ("Dəlilər və ağıllılar", İlyas Əfəndiyev)
  • Kişi ("Şöhrət və ya unudulan adam", Nazim Hikmət)
  • Səmərqəndli ("Məhəbbət əfsanəsi", Nazim Hikmət)
  • Lakey və Novruz bəy ("Aydın", Cəfər Cabbarlı)
  • Məmmədəli bəy ("Sevil", Cəfər Cabbarlı)
  • Sönməz ("Od gəlini", Cəfər Cabbarlı)
  • Fransisko ("Fırtına", Uilyam Şekspir)
  • Həkim ("Maqbet", Uilyam Şekspir)
  • Qraf Kent ("Kral Lir", Uilyam Şekspir)
  • Yaralı zabit ("İblis", Hüseyn Cavid)
  • Mehdiqulu ("Ah, Paris… Paris!..", Elçin)
  • Məsul katib ("Mənim sevimli dəlim", Elçin)
  • Qonşu ("Mənim ərim dəlidir", Elçin)
  • Yan Çinq ("Özümüzü kəsən qılınc", Bəxtiyar Vahabzadə)
  • İbn Zeyd ("Dar ağacı", Bəxtiyar Vahabzadə)
  • Şükür bəy ("İkinci səs", Bəxtiyar Vahabzadə)
  • Qoşqar Kəngərli ("Bu dünyanın adamları", Hidayət Orucov)
  • Mirzə Ələkbər Sabir ("Hərənin öz payı", Xeyrəddin Qoca)
  • Hacı Həsən ("Ölülər", Cəlil Məmmədquluzadə)
  • Məşədi İslam ("Dirilən adam", Mir Cəlal)
  • Məhkəmə sədri ("Uçqun", Tuncer Cücenoğlu)
  • Timote ("Xanuma", Avksentiya Saqarelli)
  • Pera ("Nazirin xanımı", Branislav Nuşiç)
  • Tahir ("Mənim günahım", İlyas Əfəndiyev)
  • Vağzal məmuru ("21:15 qatarı", Toyqun Orbay)
  • Mirzə Hüseyn müəllim ("Ölülər", Cəlil Məmmədquluzadə)
  • Aftil ("Almaz", Cəfər Cabbarlı)

Filmoqrafiya[redaktə | əsas redaktə]

İstinadlar[redaktə | əsas redaktə]

  1. İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər. president.az, 01.03.2019  (azərb.)
  2. "ИСМАИЛОВ Гаджи" (rus). Энциклопедия кино. 2010. İstifadə tarixi: 24 fevral 2016.
  3. Azərbaycan Respublikasının kino xadimlərinə fəxri adların verilməsi haqqında Azərbaycan Respublikası Prezidentinin Fərmanı
  4. Hacı İsmayılov: "Qaçaq qocalar" oyun tərzi deyil, yaşam tərzidir
  5. President.Az (21.01.2019). "H.M.İsmayılovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-01-21.
  6. Aliyə (03.05.2018). ""O binanın böyük bir hissəsi restorana çevrilib" – Sənət adamları teatrdan danışır..." (azərb.). Kulis.az. İstifadə tarixi: 2018-05-22.
  7. ""Nəvələrimin üzünə həsrət qalmışam" - Xalq artisti". Milli.Az (azərb.). 1 dekabr 2016. İstifadə tarixi: 1 dekabr 2016.

Xarici keçidlər[redaktə | əsas redaktə]