Yay günlərinin xəzan yarpaqları (film, 1986)

Vikipediya, açıq ensiklopediya
(Yay gününün xəzan yarpaqları (film, 1986) səhifəsindən istiqamətləndirilmişdir)
Jump to navigation Jump to search
YAY GÜNLƏRİNİN XƏZAN YARPAQLARI
Yay Gününün Xəzan Yarpaqları (1986).JPG
Janr
Rejissor Tofiq İsmayılov
Ssenari müəllifi Asim Cəlilov
Baş rollarda
Operator Valeri Kərimov
Bəstəkar Eldar Rüstəmov
Rəssam Nadir Zeynalov
İstehsalçı "Azərbaycanfilm" Kinostudiyası
İlk baxış tarixi 15 may 1986
Filmin növü tammetrajlı bədii film
Rəng rəngli
Vaxt 75 dəq.
Ölkə Azərbaycan Azərbaycan
Dil Azərbaycan dili
İl 1986
Texniki məlumat

7 hissə

2183 metr

35 mm

"Svema" kinolenti(Şostka kimya kombinatı)

Məzmun[redaktə | əsas redaktə]

Filmdəki hadisələr ucqar dağ kəndində baş verir. Kinolent əbədi bir mövzuya-atalar və oğullar probleminə toxunmuşdur. Burada yaşlılar tərəfindən diktə şəraitində yeniyetmələrin şüurunun formalaşmasından və yetkinləşməsindən danışılır.

Əhvalat ucqar dağ kəndi Daşdatükdə baş verir. İstedadlı və prinsipial pedaqoq Şəmsi (Səyavuş Aslan) kənd məktəbinə direktor təyin olunur. O, şagirdlərdə dərsə məsuliyyət hissini artırmaq üçün dərs ilinin sonunda “direktor yoxlaması” keçirməyi qərara alır. Bu yoxlamadan keçə bilməyən şagirdlərin sinifdə qalacağı bildirilir. Direktorun qərarı valideynlərdə, təhlil idarəsinin rəhbərliyində etiraz doğurur. Müəllimlərdən biri Kazım (Şahmar Qəribli) direktordan yuxarılara donos yazır. Şagirdlər onu ciddiyə almır. Onun məktəbin yarımçıq qalmış tikintisini davam etdirmək üçün yuxarı dairələrə müraciətinə etinasız yanaşılır. Hətta ailəsində arvadı Nərgiz (Nəcibə Hüseynova) ərinə qarşıdır, onun kənd məktəbində direktor işləməsindən narazıdır. O, ərindən şəhərə köçməyi tələb eləyir. Ancaq Şəmsi geri çəkilmək fikrində deyil.[1]

Şəmsinin fədakarlığına baxmayaraq, kənd camaatı onu qəbul etmir. Onun şagirdlərin savadlı olması uğrunda apardığı mübarizəni özlərinə vurulan ziyan kimi qəbul edirlər. Rayon təhsil şöbəsinə şikayətlər də nəticə vermir. Onlar direktorun kənddən getməsini, onun uşaqlara əziyyət verdiyini düşünürlər.[1]

Ümumiyyətlə, Şəmsi müxtəlif cəbhələrdə təkbaşına mübarizə aparır. O, həm dərsin keyfiyyətini qaldırmaq istəyir, həm ailələrlə görüşür, onlarla maarifləndirmə işi aparır, həm kənddən gənclərin getməsinin qarşısını almaq üçün çalışır, həm məmurlarla mübarizə aparır və üstəlik, vicdanlı olduğuna görə evdə arvadının tənbehləriylə üzləşir. Hətta oğlu belə onu ciddiyə almır. Şəmsinin mübarizəsi Don Kixotun yel dəyirmanı ilə mübarizəsini xatırladır. Buna baxmayaraq, direktor yolundan dönmür və yoxlama imtahanını keçirir.[1]

Film haqqında[redaktə | əsas redaktə]

  • Film Mərkəzi televiziyanın (Moskva) sifarişi ilə çəkilmişdir.
  • Azərbaycanda filmin rus variantı saxlanılmışdır. Azərbaycan variantı isə çox güman ki, Moskvada saxlanılır.
  • 2011-ci ildə filminin bərpası başa çatıb. Bərpa Dövlət Film Fondu və Rusiya Teleradio Fondu ilə birlikdə həyata keçirilib. Rus dilində olan film Azərbaycan Dövlət Televiziyası tərəfindən dublyaj olunub[2].

Filmin heyəti[redaktə | əsas redaktə]

Film üzərində işləyənlər[redaktə | əsas redaktə]

Ssenari müəllifi: Asim Cəlilov
Quruluşçu rejissor: Tofiq İsmayılov
Quruluşçu operator: Valeri Kərimov
Quruluşçu rəssam: Nadir Zeynalov
Bəstəkar: Eldar Rüstəmov
Səs operatoru: Nataliya Nuriyeva
Rejissor: Zəfər Murtuzov
Məsləhətçi: Əjdər Ağayev (pedaqogika elmləri namizədi)
Quraşdırılmış səhnələrin operatoru: Ramiz Babayev
Quraşdırılmış səhnələrin rəssamı: Eduard Abdullayev
Montaj edən: Nataliya Albitskaya, Lyudmila Lotina
Qrim rəssamı: Telman Yunusov
Geyim rəssamı: Məlahət Hümbətova
Rejissor assistenti: A. Əliyev, E. Bayramov
Operator assistenti: Xaqani Hüseynov, R. Səfərəliyev
Redaktor: L. Kazaçenko
İnzibatçı: Vladimir Dudniçenko, Liliya Zöhrabova
Çalır: SSRİ Dövlət Kinematoqrafiya Komitəsinin Simfonik Orkestri
Dirijor: Konstantin Krimets
Mahnıların mətni : M. Muradov
Mahnı ifa edən: Mübariz Tağıyev
Filmin direktoru: Əli Məmmədov

Rollarda[redaktə | əsas redaktə]

Səyavuş Aslan-Şəmsi
Nəcibə Hüseynova-Nərgiz
Firəngiz Şərifova-Güllü
Əşrəf Quliyev-Musa
Şahmar Qəribli(Şahmar Qəribov kimi)-Kazım
Yaşar Nuri-Rizvan
Yalçın Əfəndiyev-Yalçın
Aygül İsmayılova-Gülçöhrə
Elnur Məmmədov-Qurban
Natiq Abdullayev-Şəhriyar
Əminə Yusifqızı-Firuzə
Hacı İsmayılov-Mühasib
Rəfael Dadaşov-İnspektor
Qəmbər Yusifov-İsfəndiyar
Rafiq Kərimov-Lətif
Şücaət Həbibov-Briqadir
Zəroş Həmzəyeva-Səməngül
Arif Quliyev-Bufetçi
Cahangir Aslanoğlu-Rayon maarif müdiri
Sona Mikayılova-Poçt işçisi
F. Əsgərova
B. Hacıyev
N. Axundova
E. Hüseynova
R. Abdullayeva
E. Əliyev
K. Rzayev
Muxtar Maniyev-Rayon təhsil işçisi
Mayak Kərimov-Rayon təhsil işçisi
Larisa Xələfova-Rayon təhsil işçisi

İstinadlar[redaktə | əsas redaktə]

  1. 1,0 1,1 1,2 Sevda Sultanova. "O məktəb direktorunu kənddə niyə qəbul etmirdilər?" (azərb.). Lent.az (21 oktyabr 2017).
  2. "Yay gününün xəzan yarpaqları"  (azərb.)

Həmçinin bax[redaktə | əsas redaktə]

Azərbaycan filmlərinin siyahısı

Xarici keçid[redaktə | əsas redaktə]

Filmi izlə