Böyük Britaniya İcmalar palatası

Böyük Britaniya İcmalar palatası
Ümumi məlumatlar
Növü	ikipalatalı parlament
Təsis tarixi	1 yanvar 1801
Palatalar	İcmalar palatası
İdarə heyəti
Spiker	Con Berkou, Mühafizəkarlar partiyası 22 iyun 2009 tarixindən
Quruluşu
İcmalar palatasının quruluşu
İcmalar palatası fraksiyalar	Mühafizəkarlar partiyası (365)      Leyboristlər partiyası (202)      Şotlandiya Milli partiyası (47)      Liberal-demokratlar (12)      Demokratik Həmkarlar partiyası (8)      Müstəqil(1)*      Şinn Feyn (7, səs vermir)      Pleu Kamri (4)      Sosyal Demokratik və Leyborist Partiyası (2)      Alyans Partiyası (1)      İngiltərə və Uelsin Yaşıl partiyası (1)      Spiker (1)
Seçkilər
İcmalar palatası Sonuncu seçkilər	8 iyun 2017
Məclis zalı
Parlament binası
Sayt
www.parliament.uk
Vikianbarda əlaqəli mediafayllar

İcmalar Palatası — Böyük Britaniya parlamentinin aşağı palatası.

Tərkibi

İcmalar palatası 650 üzvdən ibarətdir. O, birmandatlı dairələr üzrə nisbi çoxluqlu majoritar sistem əsasında seçilir. Deputatlar indemnitetə (çıxışa görə təqsirsizlik) və yalnız sessiya dövründə, habelə sessiyaya qədər və ondan 40 gün müddətində məhdud immunitetə malikdir. Deputatlara verilən maaş dünyada ən aşağı maaşlardan biri hesab olunur. Deputatlar öz seçki dairələrində çox fəal işləyirlər, çünki hətta partiya rəhbərliyi onların namizədliyini irəli sürsə də, onların yenidən seçilməsi sonda seçicilərdən asılı olur.

Palatanın iclaslarına spiker başçılıq edir və 3 müavini vardır. Palata özünü bütün palatanın komitəsinə çevirdikdə müavinlər də sədr olur. Spiker seçildikdən sonra partiyadan çıxır. O, səs verə bilməz, palata üzvlərinin səsləri bərabərləşəndə həlledici səs hüququ vardır. O palata üzvlərinin çıxışını şərh etmək və çıxış etmək hüququna malik deyildir.

Hazırda icmalar palatasında ixtisaslaşmış komitələr və əlavə olaraq ixtisaslaşmamış komitələr var. Onların sayı azdır. ABŞ-dan fərqli olaraq, Böyük Britaniyada parlamentinin sayı aşağı palatasında ciddi partiya intizamı mövcuddur, lakin deputat seçicilərinin və aşağı partiya təşkilatlarının himayəsindən də asılıdır. Aşağı palatanın iclasi üçün kvorum ən azı 40 deputatın iştirakını nəzərdə tutur.

Mənbə

• "XARİCİ ÖLKƏLƏRİN DÖVLƏT VƏ HÜQUQ TARİXİ" Polis Akademiyası.
• "Mühazirələr toplusu" Polis Akademiyası
• "Xarici Ölkələrin Konstitusiya Hüququ" Çirkin. 2000
• "Müasir Ölkələrin Dövlət və Hüquq Tarixi" M.Məlikova, E.Nəbiyev