Xətayi Əzizov
| Xətayi Əzizov | |
|---|---|
| Doğum tarixi | 12 mart 1963 (61 yaş) |
| Doğum yeri | |
| Fəaliyyəti | jurnalist |
| Mükafatları |
 |
Xətayi Kamal oğlu Əzizov (12 mart 1963, Qalınçaq, İsmayıllı rayonu) – Azərbaycanlı jurnalist[1], Gürcüstanın əməkdar jurnalisti,[2] Tərəqqi medalı[3] və "Qızıl qələm" mükafatı laureatı.
Bioqrafiyası[redaktə | mənbəni redaktə et]
1963-cü il martın 12-də İsmayıllı rayonunun Qalınçaq kəndində anadan olub. 1970–1980-ci illərdə Qalınçaq kənd orta məktəbində oxuyub. 1981–83-cü illərdə Sovet ordu sıralarında hərbi xidmətdə olub. 1983-cü ildə Bakı Yeyinti Sənayesi Texnikumuna qəbul olub və 1986-cı ildə həmin məktəbi texnik-texnoloq ixtisası üzrə bitirib. 1986–87-ci illərdə Rusiyanın Kuybışev şəhərində Yağ-Piy Kombinatında müxtəlif vəzifələrdə işləyib. 1987-ci ilin sonlarından 1989-cu ilin avqust ayına qədər İsmayıllı rayonunda Yağ-Pendir Zavodunda çalışıb. 1989-cu ildə seçki yolu ilə Qalınçaq kənd azad komsomol komitə katibi seçilib və 1991-ci ilədək azad komsomol katibi işləyib.
1991-ci ildə Bakı Sosial İdarətemə və Politologiya İnstitutuna daxil olub və 1996-cı ildə institutu "Politoloq, ali və orta ixtisas məktəblərində humanitar fənlər müəllimi" ixtisası üzrə bitirib. Eyni zamanda, 1992-ci ildə könüllü olaraq Birinci Qarabağ döyüşlərində iştirak edib. Elə həmin ildə də paralel olaraq dövri mətbuatda çalışıb. Azərbaycan-Türk Agentliyində (ATA), AssA İrada İnformasiya Agentliyində, Midiya Press İnformasiya Agentliyində, 2003-cü ildən Azərbaycan Dövlət İnformasiya Ahentliyində (AZƏRTAC) müxbir, xüsusi müxbiri, redaktor, baş redaktor vəzifələrində çalışıb. Eyni zamanda 1996-cı ildən 2007-ci ilədək Heydər Əliyev adına Ali hərbi Məktəbdə politologiya, psixologiya, sosiologiya və kulturologiya fənlərindən dərs deyib.
Hazırda AZƏRTAC-ın Gürcüstan üzrə xüsusi müxbiri vəzifəsində çalışır.[4][5][6] "Hərbi və Ümumi Sosiologiya" dərs vəsaitinin həmmmüəlifidir.[7] 2015-ci ildə Azərbaycan Prezidentinin Sərəncamı ilə Tərəqqi medalı ilə təltif olunub. Gürcüstanın Əməkdar Jurnalistidir. "Qızıl Qələm" və digər mükafatlara layiq görülüb.
Ailəlidir, üç övladı var.
İstinadlar[redaktə | mənbəni redaktə et]
- ↑ ""Azad İfadə" verilişində Xətai Əzizov gündəmdə olan sualları cavablandırdı". 2024-01-13 tarixində arxivləşdirilib. İstifadə tarixi: 2024-01-13.
- ↑ "Azərbaycanın iki jurnalisti Gürcüstanın "Əməkdar Jurnalisti" fəxri adına layiq görülüb". 2024-01-13 tarixində arxivləşdirilib. İstifadə tarixi: 2024-01-13.
- ↑ "Azərbaycan Respublikasının kütləvi informasiya vasitələri nümayəndələrinin təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 2024-01-13 tarixində arxivləşdirilib. İstifadə tarixi: 2024-01-13.
- ↑ "Jurnalist Xətai Əzizov yubiley yaşına çatdı - FOTOLAR". 2024-01-13 tarixində arxivləşdirilib. İstifadə tarixi: 2024-01-13.
- ↑ "Azərbaycanın dövlət müstəqilliyinin 25-ci ildönümü Gürcüstanda qeyd olunub". 2024-01-13 tarixində arxivləşdirilib. İstifadə tarixi: 2024-01-13.
- ↑ "Marneulidə AZƏRTAC-ın təşəbbüsü ilə "Heydər Əliyev və müasir Gürcüstan" mövzusunda konfrans və fotosərgi keçirilib – FOTO". 2024-01-13 tarixində arxivləşdirilib. İstifadə tarixi: 2024-01-13.
- ↑ "Ümumi Və Hərbi Sosiologiya N.R Rzayev X.K Əzizov". 2024-01-13 tarixində arxivləşdirilib. İstifadə tarixi: 2024-01-13.