Xalid Tanrıverdiyev
| Xalid Tanrıverdiyev | |
|---|---|
| Tanrıverdiyev Xalid Kazım oölu | |
| Doğum tarixi | |
| Doğum yeri | Böyük Muğanlı, Marneuli rayonu, Gürcüstan SSR, SSRİ |
| Vəfat tarixi | (80 yaşında) |
| Vəfat yeri | |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Təhsili | Azərbaycan Dövlət Universiteti |
| Fəaliyyəti | coğrafiyaşünas |
| Mükafatları |
 |
Xalid Tanrıverdiyev (Xalid Kazım oğlu Tanrıverdiyev; d. 15.01.1936 Böyük Muğanlı, Marneuli rayonu, Gürcüstan SSR, SSRİ) — coğrafiya elmləri doktoru.
Həyatı[redaktə | mənbəni redaktə et]
Xalid Tanrıverdiyev 15 yanvar 1936-cı ildə Gürcüstan SSR-in Marneuli rayonunun Böyük Muğanlı kəndində anadan olmuşdur. O, 1961-ci ildə Azərbaycan Dövlət Universitetini bitirərək əvvəlcə, Bakı Dövlət Torpaq Ekspedisiyasında, 1966-cı ildən etibarən isə AMEA-nın Coğrafiya İnstitutunda kiçik elmi işçi kimi fəaliyyətə başlamışdır. 1968-ci ildə "Həkəri çayı hövzəsinin geomorfologiyası" mövzusunda dissertasiya müdafiə edərək elmlər namizədi adına layiq görülmüşdür. 1994-cü ildə "Son Kaynazoyda Kür dağarası çökəkliyinin paleogeomorfologiyası (Azərbaycan daxilində)" mövzusunda dissertasiya müdafiə edərək coğrafiya elmləri doktoru adına layiq görülmüşdür. Coğrafiya İnstitutunun Elmi şurasının üzvü olmuşdur. Uzun müddət BDU-nun Fiziki coğrafiya kafedrasında, bakalavr və magistr pilləsində ixtisas fənlərindən dərs demiş, Dövlət imtahan komissiyasının rəhbəri olmuşdur. Tanrıverdiyev Xalid Kazım oğlu 2016-cı il mayın 29-da vəfat etmişdir.
Əsas elmi nailiyyətləri[redaktə | mənbəni redaktə et]
- Azərbaycan Respublikasının ərazisinin geomorfoloji xəritəsi.
- Azərbaycanın paleogeomorfologiyası.
- Geomorfoloji terminlərin izahlı lüğəti (üç dildə).
- Azərbaycan Respublikasının ərazisi üçün iri miqyaslı (1:50000) geomorfoloji xəritələrin tərtibi. Azərbaycanda paleocoğrafi təkamülün dinamikası haqqında elmin əsasını qoymuşdur. Ümumi geomorfologiya, geomorfoloji xəritələşdirmə, paleogeomorfologiya, mofostruktur təhlil, yeni tektonik hərəkətlərin geomorfoloji metodla öyrənilməsi, müasir ekogeomorfologiya, o cümlədən geomorfologiyanın nəzəri və təcrübi məsələlərinin sistemli tədqiqatçısı idi. 170-dən çox elmi əsərin, monoqrafiya və metodik vəsaitin müəllifi olmuşdur. Xaricdə çıxmış elmi əsərlərinin sayı - 30.
Elmi əsərlərinin adları[redaktə | mənbəni redaktə et]
- Kür dağarası çökəkliyinin paleogeomorfologiyası (Azərbaycan daxilində).
- Kür çökəkliyinin relyefinin inkişafında əsas epoxalar və mərhələlər.
- Paleogeomorfoloji tədqiqatlar və qeyri struktur neft yataqlarının axtarışı.
- Ekogeomorfologiyada insan amili.
- Azərbaycan Respublikasının konstruktiv coğrafiyası.
Təltif və mükafatları[redaktə | mənbəni redaktə et]
2016-cı il mayın 29-da "Tərəqqi medalına" layiq görülmüşdür.