Xalik Məmmədov

Xalik Məmmədov
Xalik Məmmədov
Azərbaycan Respublikası Dövlət Neft Şirkətinin vitse-prezidenti
	27 dekabr 2007 – 28 iyul 2023
Şəxsi məlumatlar
Doğum tarixi	28 iyun 1958 (67 yaş)
Doğum yeri	Kakalos, Astara rayonu, Azərbaycan SSR, SSRİ;
Partiya	Yeni Azərbaycan Partiyası;
Fəaliyyəti	siyasətçi
Təltifləri	;

Xalik Rəfi oğlu Məmmədov (28 iyun 1958, Kakalos, Astara rayonu) — Azərbaycan Respublikası Dövlət Neft Şirkətinin kadr, rejim və informasiya texnologiyaları üzrə vitse-prezidenti (2007–2023), Azərbaycan Respublikası Dövlət Neft Şirkəti prezidentinin müşaviri (2023-cü ildən-2025-ci ilin mart ayına qədər), hazırda təqaüdçüdür.^[1]

Həyatı

Xalik Rəfi oğlu Məmmədov 28 iyun 1958-ci ildə Astara rayonunun Kakalos kəndində anadan olmuşdur. 1984-cü ildə M. Əzizbəyov adına Azərbaycan Neft və Kimya İnstitutunu mühəndis–elektrik ixtisası üzrə bitirmişdir. "Personalın idarə olunmasında motivasiyanın rolu" mövzusunda elmi işi sayəsində İqtisadiyyat üzrə fəlsəfə doktorudur. 8 elmi məqalənin müəllifidir.

Əmək fəaliyyətinə 1976-cı ildə Yeni Bakı Neftayırma Zavodunda başlamışdır. Energetik, Enerji təchizatı sexinin rəis müavini, 1985–1991-ci illər ərzində Yeni Bakı Neftayırma Zavodunun Həmkarlar İttifaqı Komitəsinin sədri, 1991–1992-ci illərdə Bakı şəhəri Nizami Rayon Xalq Deputatları Soveti İcraiyyə Komitəsi sədrinin müavini, Bakı şəhəri Nizami Rayon İcra Hakimiyyəti başçısının birinci müavini, Yeni Bakı Neftayırma Zavodu nəzdində "Azinteroyl" Müştərək Müəssisəsinin texniki direktoru, 1992–1994-cü illər ərzində Azərbaycan Həmkarlar İttifaqı Konfederasiyasının Təşkilat şöbəsinin baş mütəxəssisi, 1994–2005-ci illərdə "Azərneftyanacaq" İstehsalat Birliyində (daha sonra "Azərneftyanacaq" Neft Emalı Zavodu, Heydər Əliyev adına Bakı Neft Emalı Zavodu adlandırılmışdır) kadrlar şöbəsinin rəisi, 1996-cı ildən baş direktorun müavini, direktorun rejim və kadrlar üzrə müavini vəzifələrində çalışmışdır.

2005-ci ilin noyabr ayından SOCAR-da İşlər İdarəsinin rəisi və 2007-ci ildən isə SOCAR-ın kadr rejim və informasiya texnologiyaları üzrə vitse prezidenti, 2021-ci ildən 2023-cü ilə qədər Dövlət Neft Şirkətinin vitse-prezident vəzifəsində çalışıb.^[2]

1986–1992-ci illər ərzində Azərbaycan Həmkarlar İttifaqı Şurasının Rəyasət Heyətinin üzvü, 1990–1992-ci illər ərzində Ümumittifaq Həmkarlar İttifaqı Konfederasiyasının (ÜİHİK) üzvü, ÜİHİK-in Əməyin Mühafizəsi və Ekologiya Komissiyasının Əməyin mühafizəsi üzrə alt komissiyasının sədri seçilmişdir. SSRİ Həmkarlar İttifaqının XVIII və XIX qurultaylarına nümayəndə seçilmişdir.

Azərbaycan Beynəlxalq Təhsil Mərkəzinin (ABTM), (2013–2024) Bakı Fransız Liseyinin (BFL) və (2013–2023) SOCAR Medianın idarə heyətinin sədri və "SOCAR plyus" jurnalının baş redaktorudur.

Yeni Azərbaycan Partiyasının üzvüdür.^[3]

Təltiflər

SSRİ Həmkarlar İttifaqının mükafatı — 1990
Azərbaycan Respublikasının əməkdar mühəndisi — 18 sentyabr 2008
2-ci dərəcəli "Əmək" ordeni — 7 noyabr 2017

İstinadlar

↑ "SOCAR-ın daha 3 keçmiş vitse-prezidentinə şirkətdə vəzifə verilib". 2 avqust 2023 tarixində arxivləşdirilib. İstifadə tarixi: 2 avqust 2023.
↑ "X. R. Məmmədovun Azərbaycan Respublikası Dövlət Neft Şirkətinin vitse-prezidenti vəzifəsindən azad edilməsi haqqında Azərbaycan Respublikası Prezidentinin Sərəncamı". 28 iyul 2023 tarixində arxivləşdirilib. İstifadə tarixi: 28 iyul 2023.
↑ "Arxivlənmiş surət". 29 iyun 2020 tarixində arxivləşdirilib. İstifadə tarixi: 23 oktyabr 2021.

[1] "SOCAR-ın daha 3 keçmiş vitse-prezidentinə şirkətdə vəzifə verilib". 2 avqust 2023 tarixində arxivləşdirilib. İstifadə tarixi: 2 avqust 2023.

[2] "X. R. Məmmədovun Azərbaycan Respublikası Dövlət Neft Şirkətinin vitse-prezidenti vəzifəsindən azad edilməsi haqqında Azərbaycan Respublikası Prezidentinin Sərəncamı". 28 iyul 2023 tarixində arxivləşdirilib. İstifadə tarixi: 28 iyul 2023.

[3] "Arxivlənmiş surət". 29 iyun 2020 tarixində arxivləşdirilib. İstifadə tarixi: 23 oktyabr 2021.

[1]

[2]

[3]