Xalik Məmmədov

Vikipediya, açıq ensiklopediya
Jump to navigation Jump to search
Xalik Məmmədov
Xalik Rəfi oğlu Məmmədov
Xalik Məmmədov.jpg
Doğum tarixi:28 iyun 1958(1958-06-28)
Doğum yeri: Astara rayonu, Azərbaycan SSR
Təltifləri:II dərəcəli "Əmək" ordeni

Xalik Rəfi oğlu Məmmədov (28 iyun 1958, Astara, Azərbaycan SSR) - Azərbaycan Respublikası Dövlət Neft Şirkətinin Kadr, rejim və informasiya texnologiyaları üzrə vitse-prezidenti.

Həyatı[redaktə | əsas redaktə]

Məmmədov Xalik Rəfi oğlu 27 iyun 1958-ci ildə Astara rayonunda anadan olmuşdur. 1984-cü ildə M.Əzizbəyov adına Azərbaycan Neft və Kimya İnstitutunu mühəndis-elektrik ixtisası üzrə bitirmişdir. 8 elmi məqalənin müəllifidir. "Personalın idarə olunmasında motivasiyanın rolu" mövzusunda elmi işi sayəsində İqtisadiyyat üzrə fəlsəfə doktorudur.

Əmək fəaliyyətinə 1976-cı ildə Yeni Bakı Neftayırma Zavodunda başlamışdır. Energetik, enerji təchizatı sexinin rəis müavini, 1985-1991-ci illər ərzində Yeni Bakı Neftayırma Zavodunun Həmkarlar İttifaqı Komitəsinin sədri, 1991-1992 illərdə Bakı şəhəri Nizami rayonu XDS İcraiyyə Komitəsinin sədr müavini, Bakı şəhəri Nizami rayonu İcra Hakimiyyəti başçısının 1-ci müavini, Yeni Bakı Neftayırma Zavodu nəzdində "Azinteroyl" Müştərək Müəssisəsinin texniki direktoru, 1992-1994-cü illər ərzində Azərbaycan Həmkarlar İttifaqı Konfederasiyasının Təşkilat şöbəsinin baş mütəxəssisi, 1994-2005-ci illərdə "Azərneftyanacaq" İstehsalat Birliyində (daha sonra "Azərneftyanacaq" Neft Emalı Zavodu, Heydər Əliyev adına Bakı Neft Emalı Zavodu adlandırılmışdır) kadrlar şöbəsinin rəisi, baş direktorun müavini, direktorun rejim və kadrlar üzrə müavini vəzifələrində çalışmışdır.

1986-1991 ci illər ərzində Azərbaycan Həmkarlar İttifaqı Komitəsinin Rəyasət heyyətinin üzvü, 1990-1992-ci illər ərzində Ümumittifaq Həmkarlar İttifaqı Konfederasiyasının (ÜHİK) üzvü, ÜHİK-in Əməyin Mühafizəsi və Ekologiya Komissiyasının Əməyin mühafizəsi üzrə alt komissiyasının sədri seçilmişdir.

Azərbaycan Beynəlxalq Təhsil Mərkəzinin (ABTM), Bakı Fransız Liseyinin (BFL) və SOCAR Medianın idarə heyətinin sədri, SOCAR plyus jurnalının baş redaktorudur.

2005-2007-ci illərdə ARDNŞ-nin İşlər İdarəsinin rəisi olmuşdur. 2007-ci ildən Azərbaycan Respublikası Dövlət Neft Şirkətinin Kadr, rejim və informasiya texnologiyaları üzrə vitse-prezidentidir.

1990-cı ildə SSRİ Ümumittifaq Həmkarlar İttifaqı mükafatı laureatı olmuş, 2008-ci ildə Azərbaycan Respublikasının Prezidentinin sərəncamı ilə “Əməkdar mühəndis” fəxri adına layiq görülmüşdür. Yeni Azərbaycan Partiyasının üzvüdür.

İstinadlar[redaktə | əsas redaktə]