Xoşiyli dovşanalması

Xoşiyli dovşanalması
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Maleae Yarımtriba: Malinae Cins: Dovşanalması Növ: Xoşiyli dovşanalması
Beynəlxalq elmi adı
Cotoneaster suavis
Şəklin VikiAnbarda axtarışı

Xoşiyli dovşanalması (lat. Cotoneaster suavis) — bitkilər aləminin gülçiçəklilər dəstəsinin gülçiçəyikimilər fəsiləsinin dovşanalması cinsinə aid bitki növü.

Təbii yayılması

Vətəni Şərqi Sibirdir. Hazırda "Qırmızı kitab"a salınmışdır.

Botaniki təsviri

Parlaq dovşanalması həmişəyaşıl koldur. Budaqları düz dayanandır. Bir il ərzində 2 m-dək böyüyür. Yarpaqlar sıx, yaşıl rəngli, payızda al-qırmızı olur, uzunsovdur. Çiçək qurupları çəhrayı, kiçik, bir saplaqda 5-8 çiçək olur. Çiçəkləmə mayın axırları başlayır və iyunun ortalarınadək davam edir. Çiçəkləmədən sonra yumru meyvələri əmələ gəlir. Meyvələri payızadək gövdələrdə qalır. Dovşanalaması həyatının dördüncü ilində meyvə verməyə başlayır.

Ekologiyası

Kölgədə, istənilən torpaqda bitə bilər. Soyuğa davamlıdır, quraqlıq və yüksək nəmişlikdən qorxmur. Şəhərin çirkli havasına dözür.

Azərbaycanda yayılması

Böyük və Kiçik Qafqaz, Talış və Naxçıvan MR-da təbii halda rast gəlinir.

İstifadəsi

Payızda landşaft dizaynında parlaq dovşanalmasından əsasən canlı hasarlarda tez-tez istifadə edilir. Təxminən 50 il yaşayır. Payızda kolun möhkəm köklərindən yamacların bərkidilməsi üçün istifadə etmək olar. Çoxlu yarımnövü vardır.