Xuan Hormaçea

Vikipediya, azad ensiklopediya
Naviqasiyaya keçin Axtarışa keçin
Xuan Hormaçea
Juan Hormachea Dogfish
Kantabriya Muxtar Bölgəsinin 5-ci Prezidenti
24 iyun 1987 – 5 dekabr 1990
Şəxsi məlumatlar
Doğum adı Juan Antonio Hormaechea Cazón
Doğum tarixi
Doğum yeri Santander, İspaniya
Vəfat tarixi (81 yaşında)
Vəfat yeri Santander, İspaniya
Milliyyəti ispan
Partiya Populyar İttifaq, Kantabriyanın İnkişafı Birliyi
Təhsili Oviedo Universiteti
Fəaliyyəti 1973-1995

Xuan Hormaçea Doqfiş (5 iyun 1939, Santander1 dekabr 2020[1], Santander[2]) — İspaniya siyasətçisi, Kantabriya Muxtar Bölgəsinin 3-cü və 5-ci prezidenti.

Bioqrafiya[redaktə | mənbəni redaktə et]

Xuan Hormaçea Doqfiş 5 iyun 1939-cu ildə İspaniyanın Santander şəhərində anadan olmuşdur.

Siyasi həyat[redaktə | mənbəni redaktə et]

Siyasi karyerasına 1973-cü ildə başlayan Hormaçea həmin il Santander Şəhər Şurasının müşaviri təyin edilmişdi. Daha sonra 1976-cı ildə bələdiyyə sədrinin birinci müavinliyinə qədər yüksəldi. 1977-ci il ümumi seçkilərindən sonra o, vəzifəsini qısa zamanda Santander bələdiyyə başçılığına qədər yüksəltməyə nail oldu. 1983-cü ildə Xalq Koalisiyasının müstəqil başçısı seçilən Hormaçea muxtar hökumətə sıçrayış edənə qədər, yəni, 1987-ci ilə qədər bələdiyyə başçısı vəzifəsini icra etdi.

3-cü Prezidentlik dövrü (1987-1990)[redaktə | mənbəni redaktə et]

1987-ci ildə keçirilən Kantabriya prezident seçkilərində namizəd olan Xuan Hormaçea seçkilərdə yüksək səs toplayaraq Kantabriya Muxtar Bölgəsinin 3-cü prezidenti oldu. Prezidentlik dövründə Xose Maria Aznarın da arasında olduğu partiya üzvləri barədə narahatlıq doğuran açıqlamalar verdi. Bu da milli rəhbərlikdən dəstəyin azalmasına səbəb oldu. Dəstək getdikcə azalanda Hormaçeanın prezidentlik hökmü itirdi. 1990-cı ildə keçirilən növbəti prezident seçkilərində artıq Xalq Partiyası, Kantabriya Sosialist Partiyası, Kantabriya Regionalist Partiyası, Mərkəzi Sosial-Demokrat Partiyası və digər partiyalar ona dəstək verməkdən imtina etdi. Nəticədə, Hormaçea növbəti prezident seçkilərində yüksək səs toplaya bilmədi.

5-ci Prezidentlik dövrü (1991-1995)[redaktə | mənbəni redaktə et]

Yüksək dəstəyin olmamasına rəğmən, 1991-ci ildə daha da öndə olan Hormaçea seçkilərdə qalib gəldi və yenidən ofisinə qayıtdı, yəni, Kantabriyanın 5-ci prezidenti olmağa haqq qazandı. Səlahiyyət müddəti bitmədən, 1994-cü ildə məhkəməyə verildi və barəsində cinayət işi açıldı. Hormaçea 6 il müddətinə azadlıqdan məhrum edildi. 24 oktyabr 1994-cü ildə Hormaçea bir neçə işçilərini və müşavirini işdən azad etdi. 1 il sonra isə tədricən prezidentlikdən istefa verdi. Bundan sonra əfvdən yararlanaraq həbs müddəti bitdi.

Son illəri[redaktə | mənbəni redaktə et]

Hormaçea yenidən prezidentliyə namizəd olmaq istədi, lakin, məhkəmə qərarı ilə geri çəkilməyə məcbur oldu.

28 may 1995-ci ildə artıq parlament üzvlüyündən də azad olan Hormaçea bununla da, mübahisələrlə dolu olan siyasi karyerasını sona çatdırdı. 1998-ci ildə 8 il də diskvalifikasiya cəzasına məhkum edildi. 2002-ci ildə yenidən müttəhim olaraq məhkəməyə verildi və sonra onun cəzası ləğv olundu.

Ölümü[redaktə | mənbəni redaktə et]

Kantabriyanın 3-cü və 5-ci prezidenti Xuan Hormaçea Doqfiş 1 dekabr 2020-ci ildə İspaniyanın Kantabriya Muxtar Bölgəsinin Santander şəhərində vəfat etmişdir.

İstinadlar[redaktə | mənbəni redaktə et]