Müzakirə:Vayra Vike-Freyberqa

Məni çoxdan maraqlandıran bir sual var. Prezident sözü cümlənin ortasında böyük hərflə yazılır? --Robert Langdon 14:41, 11 fevral 2011 (UTC)

Sözün hansı mənada işlənməsindən asılıdır. --Cek Li Taran 14:47, 11 fevral 2011 (UTC)

Məsələn: o ikinci dəfə prezident seçildi (ölkə prezidenti). Burda böyük olmalıdır yoxsa kiçik?--Robert Langdon 15:13, 11 fevral 2011 (UTC)

Məncə kiçik. --N KOzi 15:16, 11 fevral 2011 (UTC)

Məqaləni bitirdim. Məncə, əla alındı. Seçilmiş məqalə statusu ala bilər, fikrimcə. Siz necə fikirləşirsiniz? --Robert Langdon 22:42, 11 fevral 2011 (UTC)

Məqalə bu saytdan demək olar ki, eynilə köçürmədir. Heç bir istinad da verilməmişdir. Bir cümlənin belə eynilə köçürülməsi plagiatdır. Bu məsələ həll olunmamış seçilmiş məqalə namizədliyindən söhbət gedə bilməz. --TimBits 01:55, 12 fevral 2011 (UTC)

Razıyam. Üstəlik həcmi də kiçikdir. --N KOzi 06:15, 12 fevral 2011 (UTC)

Məqalə həm göstərilmiş saytdan götürmədir, amma diqqət yetirsəniz görərsiniz ki, EnVikidə ardıcıllıq eynidir. Yəni, saytın özü bu məqaləni EnVikidən götürüb. --Robert Langdon 09:59, 12 fevral 2011 (UTC)

Saytın özü yox, çox guman ki, Qənirə xanım onu EnVikidən götürüb. Həmin saytdakı məqalədə ilk cümləyə diqqət yetirin: Millət vəkili Qənirə Paşayeva Lent.az-a “Tarixə adını yazan Qadınlar” silsiləsini yazır. --Cek Li Taran 10:38, 12 fevral 2011 (UTC)

Mən uzun müddətdir elmi iş yazan və plagiata da məruz qalmış bir adam kimi bu barədə bir az daha həssasam. Xahiş eliyirəm müəllif bunu qətiyyən işinə hörmətsizlik kimi başa düşməsin. Burda saytdan eynilə, sözbəsöz köçürmədən söhbət gedir. Faktların və bioqrafik məlumatların götürülməsindən yox. Bunlar en vikidən də, həmin saytdan da, başqa bir mənbədən də götürülə bilər, həmin sayt da envikidən götürə bilər. Burdakı məqalə isə saytdakı yazıları ədəbi stili də qoruyaraq köçürmüşdür. Saytdakı məqalənin müəllifi Qənirə Paşayevadır, vikidəki məlumatlardan istifadə edilə bilər amma məqalənin xeyli yaradıcılıq komponentinin də olması, daha doğrusu məqalənin tamamilə müəllif işi olduğu və ancaq faktlar üçün digər saytlardan istifadə edildiyi aşkardır. İndiki məqalə üçün mən təklif edirəm ki, müvəqqəti müddət üçün sayta və müəllifə istinad verilsən və məqalənin əsasən saytdan köçürülmüş olduğu bildirilsin. Daha sonra isə faktlar və məlumatlar qalmaqla yenidən yazılsın. Başqa bir variant da məqalənin en vikidəki məqalənin əsasında yazılmasıdır. --TimBits 14:24, 12 fevral 2011 (UTC)

Hörmətli TimBits. Ümumiyyətlə bir vikidən məqalənin olduğu kimi tərcümə edib Azvikiyə atılmasına münasibətiniz necədir, bu Vikipediya qaydalarına nə dədərcədə uyğundur (qaydalarda nəsə bir şey tapa bilmədim). →VagoMüzakirə 14:28, 12 fevral 2011 (UTC)

Texniki olaraq problem görümürəm. Biz bunu əvvəllər də eləmişik, bəzi məqalələrdə qismən, bəzilərində daha geniş miqyasda. Əvvəlan vikipediyadakı məqalələrdən istifadə sərbəst olduğu üçün bunları həm digər vikilər, həm də xarici saytlar problemsiz istifadə edə bilər. Ondan başqa həm də digər vikilərdəki məlumat elə viki formatda olacağı üçün burda da bir məsələ olmayacaq. Sadəcə bunu çox geniş formada eləmək və ümumi vikipediyanın məqalələrini tərcümə üstündə qurmaq düzgün deyil. Bura tərcümə-viki deyil ki, Azərbaycanca vikipediyadır, yoxsa yeri gəlsə ingiliscədə 3 milyondan çox məqalə var, ver onları maşın tərcüməyə, ora-burasını düzəlt, olsun sənə milyonluq azviki. Elə eləmək də olmaz. Müəyyən mənada, əgər ehtiyac varsa istifadə eləmək problem deyil amma həddi aşmamaqla. Həm də nəzərə almaq lazımdır ki, mənbə məsələsi də var. Bildiyiniz kimi məqalələr mötəbər mənbələrə əsaslanmalıdır, istifadəçilərin özfəaliyyətinə yox. Əgər köçürülüən məqalənin də mənbələri qaydasında deyilsə onda sırf digər dildəki viki başqa vikiyə mənbə ola bilməz, çünki status olaraq eynidir, onu da adi internet istifadəçiləri yazır. Hər halda bu geniş müzakirədir, indiki səhifədə çox uzatmağın yeri yoxdur, mən bu barədə ümumi fikrimi dedim.