Əhməd-Cabir Əhmədov

Əhməd-Cabir Əhmədov
Doğum tarixi	6 fevral 1942(1942-02-06)
Doğum yeri	Nuxa, Nuxa rayonu, Azərbaycan SSR, SSRİ
Vəfat tarixi	8 mart 2021(2021-03-08) (79 yaşında)

Əhməd-Cabir Əhmədov İsmayıl oğlu – «Azərbaycan Dövlət İqtisad Universitetinin» «Ərzaq malları əmtəəşünasliğı və ekspertizası» kafedrasının müdri, texnika üzrə fəlsəfə doktoru (1973), «Ərzaq malları əmtəəşünaslığı» üzrə professor (2001), «Əməkdar müəllim» (2002), «Azərbaycan yazıçılar birliyinin» və «Azərbaycan jurnalistlər birliyinin» üzvü, «Qızıl Qələm» mükafatçısı (2010). 300-dən çox elmi işlərin, o cümlədən 60 kitabın müəllifidir.

Bioqrafiya

1942-ci ilin fevralın 6-da Şəki şəhərində, Azərbaycanda anadan olmuşdur. Orta məktəbi bitirdikdən sonra (1958), «Bakı Ticarət Kulinar Şagirdliyi» məktəbində oxumuş, 7-ci dərəcəli qənnadçı ixtisasına yiyələnmişdir (1960). 1960-cı ilin noyabrından 1964-cü ilin avqustunadək Sovet Ordusunun sıralarında xidmət etmişdir.

İnstituta qəbul olunduqdan əvvəl (1964) Şəkidə qənnadçı və hərbi santoriyada aşbaz işləmişdir. 1968-ci ildə ali məktəbi fərqlənmə diplomu ilə bitirmişdir. 1968-ci ilin dekabrından 1971-ci ilin dekabrınadək «Yeyinti məhsulları əmtəəşünaslığı» ixtisası üzrə aspiranturada oxumuş, 1973-cü ildə «Azərbaycanda becərilən zəfəranın əmtəəşünaslıq xassələrinin öyrənilməsi» mövzusunda texniki elmlər üzrə namizədlik dissertasiyası müdafiə etmişdir.

1971-ci ildən ali məktəbdə assistent, baş müəllim, dekan müavini (1977-1983), dekan (1984-1987) və kafedra müdri (1983-1984, 1989-2001, 2006-2011) işləmişdir. 2001-ci il iyun ayının 5-də “Azərbaycan Dövlət İqtisad Universiteti” Elmi Şurasının qərarı ilə Ə.Əhmədova “Ərzaq malları əmtəəşünaslığı” kafedrası üzrə professor elmi adı verilmişdir.

2006-cı ilin dekabrında, Məkkədə Həcc ziyarətində olmuşdur. İki oğlu və beş nəvəsi var.

Yaradıcılıq

315-dən çox elmi iş, o cümlədən 37 kitab və monoqrafiya, 10 dərslik, 13 dərs vəsaiti və 40-dan çox tədris-metodik vəsaitin müəllifidir. 2002-ci ilin iyununda Azərbycan Respublikasının prezidenti – H. Əliyevin fərmanı ilə, Ə.Əhmədova «Azərbaycanın Əməkdar müəllimi» fəxri adı verilmişdir. Ə.Əhmədov «Azərbaycan jurnalistlər birliyinin» üzvüdür (2001). Hal-hazırda «Azərbaycan Dövlət İqtisad Universitetində» «Ərzaq mallarını əmtəəşünaslığı və ekspertizası» kafedrasının müdridir.

2003-cü ildən «Azərsun Holding» şirkətinin müşaviridir. 2010-cu ilin iyun ayının 5-də Ə.Əhmədov «Qızıl Qələm» media premiyasına layiq görülmüşdür. 2012-ci ildə «Əsrin ziyalısı» və «Elm fədaisi» fəxri diplomları ilə təltif olunmuşdur.

«Azərbaycan kulinariyası» kitab albomu 15-dən çox xarici ölkələrə yayılmış, Türkiyədə nəşr olunmuşdur. 10 cildlik «Azərbaycan Sovet Ensiklopediyasında» ərzaq mallarına dair 72 məqaləsi nəşr olunmuşdur.

Əhməd-Cabir Əhmədov tərəfindən yazılan kitabların siyahısı

Dərsliklər siyahısı

1. «Tamlı malların əmtəəşünaslığı» (1993)
2. «Ərzaq malları əmtəəşünaslığı» (1996)
3. «Yeyinti yağları, süd və süd məhsullarının ekspertizası» (2002)
4. «Bitki mənşəli məhsulların ekspertizası» (2005)
5. «Heyvanat mənşəli məhsulların ekspertizası» (2005)
6. «Ərzaq malları əmtəəşünaslığı» (2-ci nəşri - 2006)
7. «Meyvə - tərəvəzin əmtəəşünaslığı» (2009)
8. «Qənnadı malların əmtəəşünaslığı» (2010)
9. «Tamlı malların əmtəəşünaslığı» (2-ci nəşri - 2010)
10. «Ərzaq malları əmtəəşünaslığı» (3-cü nəşri - 2012)

Monoqrafiyalar

1. «Ədviyyələr, qatmalar» (1998)
2. «Azərbaycan üzümündən qidalı məhsullar» (2009)
3. «Ədviyyələr və tamlı qatmalar» (2009)
4. «Azərbaycan çayı» (2010)
5. «Azərbaycan çörəyi» (2010)
6. «“Qurani-Kərim”-də qida məhsulları və islamda qidalanma» (2013)

Elmi-kütləvi kitablar

1. «Azərbaycan kulinariyası» (на азербайджанском, русском, английском яз.) (1987, 1990, 1997)
2. «Min bir şirniyyat» (1993)
3. «Dadlı və ləzzətli xörəklərin sirri» (1995)
4. «Evdə konservləşdirmə» (1996, 2010)
5. «Azərbaycan kulinariyasının inciləri» (1997)
6. «Müasir Azərbaycan mətbəxinin xörəkləri (2006)
7. «Блюда современной азербайджанской кухни (rus dilində) (2006)
8. «Азербайджанская кухня» (rus dilində) (2008)
9. «Min iki şirniyyat (2010)
10. «Tortların hazırlanması (2010)
11. «Novruz süfrəsi (2011)
12. «Azərbaycan mətbəx ensiklopediyası» (2011)

Publisistik kitablar

1. «Həcc ziyarətində» (2007)
2. «Hacı İsmayıl – 100» (2007)
3. «50 il əmək cəbhəsində» (2008)
4. «Yaddaşlarda iz qalanda…» (2012)

Xarici keçidlər

• [1]
• [2]