Aqafokl

AQAFÓKL (yun. ΆγαJοκλής) (e.ə. təqr. 360– 289) – Sirakuza (Siciliya) şəhərinin hakimi (e.ə. 316 ildən), sərkərdə. Demosa arxalanaraq oliqarxiyanı devirmiş və hakimiyyəti ələ keçirmişdi. E.ə. 313 ilədək Siciliyadakı bütün yunan şəhərlərini tutmuşdu. Siciliyanı tamamilə nəzarət altına almaq məqsədilə karfagenlilərlə müharibə aparmışdı. Cənubi İtaliyada brutti tayfalarını tabe etməyə çalışırdı. 304-cü ildə çar titulunu qəbul etsə də, irsi monarxiya yarada bilməmişdir. E.ə. 299 ildə Kerkira (indiki Korfu) Aqafoklnı ələ keçirmişdi. Aqafoklun hakimiyyət illəri Sirakuzanın çiçəklənmə dövrü olmuşdur.

Mənbə

• Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 273. ISBN 978-9952-441-02-4.