Binqo vilayəti

Binqo vilayəti (qırmızı ilə göstərilib)

Binqo (yapon dilində 備後国 binqo no kuni, Binqo ölkəsi) — Yaponiyanın Hönsü adasının qərbində, Tüqoku bölgəsində yerləşən tarixi vilayətdir. Müasir dövrün Xirosima prefekturasının qərb hissəsini əhatə etmişdir.

Qədim dövrlərdə Binqo Kibi (吉備国) dövlətinin tərkib hissəsi olmuşdur. VII əsrdə üç hissəyə, Binqo (備後 - Arxa Kibi), Bittyü (備中 - Orta Kibi) və Bidzenə (備前 - Ön Kibi) bölünmüşdür.

Binqo vilayəti Daxili Yapon dənizinin sahilində xüsusi strateji önəmə sahib idi. Tomo və Onomiti limanları paytaxt Kiotodan qərb vilayətlərinə gedən strateji yolun üzərində yerləşirdi. XVI əsrdə Binqo vilayəti Mori klanının ərazisi idi. XVII-XIX əsrlərdə isə sahilyanı torpaqlar Tokuqava klanı ilə qohumluq əlaqələri olan Masudayra ailəsinin torpağı olmuşdur. Şimaldakı dağlıq ərazi qonşuluqdakı Aki vilayətinə sahib olan Asano klanı tərəfindən idarə olunurdu.

1875-ci ildə keçirilmiş inzibati islahat nəticəsində vilayətin ərazisi yeni yaradılmış Okayama prefekturasına daxil edilsə də, bir il sonra Xirosima prefekturasına daxil olmuşdur.