Yaşar Səfərov
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
| Yaşar Səfərov | |
|---|---|
| Səfərov Yaşar Abutalıb oğlu | |
| Ümumi məlumatlar | |
| Doğum tarixi | |
| Doğum yeri | Şahbuzkənd kəndi, Şahbuz rayonu, Azərbaycan SSR |
| Vəfat tarixi | |
| Vəfat yeri | Bakı, Azərbaycan |
| Dəfn yeri | Mehdiabad qəbristanlığı |
| Musiqiçi məlumatları | |
| Fəaliyyəti | Müğənni |
| Janrlar | Xalq, estrada, klassik |
| Mükafatları |
 |
Yaşar Abutalıb oğlu Səfərov (1940, Azərbaycan – iyul 2007, Bakı) — Azərbaycan müğənnisi, vokalist, Azərbaycan Dövlət Filarmoniyası və Azərbaycan Televiziyasının solisti, Azərbaycan SSR əməkdar artisti (1989).[1]
Həyatı
[redaktə | vikimətni redaktə et]Yaşar Səfərov 25 iyun 1940-cı ildə Naxçıvanın Şahbuz rayonunun Şahbuzkənd kəndində anadan olmuşdur. Asəf Zeynallı adına Musiqi Texnikumunun əvvəlcə kamança, daha sonra vokal şöbəsində təhsil almışdır. Sonralar Azərbaycan Dövlət İncəsənət İnstitutunun (indiki Azərbaycan Dövlət Mədəniyyət və İncəsənət Universiteti) musiqili komediya aktyorluğu fakültəsini bitirmişdir.
Uzun illər Azərbaycan Dövlət Radio və Televiziya Verilişləri Komitəsinin solisti olmuşdur. Həmçinin Fikrət Əmirov adına Azərbaycan Dövlət Mahnı və Rəqs Ansamblının solisti kimi fəaliyyət göstərmişdir. Kuba, Avstriya, Macarıstan, Danimarka, Türkiyə və başqa ölkələrdə konsert proqramları ilə çıxış etmişdir.
Azərbaycan bəstəkarlarının bir sıra mahnı və romanslarının ilk ifaçılarından olmuşdur. Repertuarında xalq mahnıları, bəstəkar mahnıları, romanslar, eləcə də Azərbaycan və Qərb bəstəkarlarının opera əsərlərindən ariyalar yer almışdır.
Azərbaycan Dövlət Mədəniyyət və İncəsənət Universitetində pedaqoji fəaliyyətlə də məşğul olmuşdur.
Yaşar Səfərov 18 iyun 2007-ci ildə vəfat etmiş, Mehdiabad qəbiristanlığında dəfn olunmuşdur.
Yaradıcılığı
[redaktə | vikimətni redaktə et]Yaşar Səfərovun ifa etdiyi mahnılar arasında "Oxu tar", "Şeir deyildi", "Ağ çiçəklər", "Süsən qızlar", "Küçələrə su səpmişəm" və "Gözəlim sənsən" kimi əsərlər olmuşdur.
Onun repertuarında Naxçıvana həsr olunmuş mahnılar da yer almışdır. İfa etdiyi bu qəbildən əsərlər arasında Ramiz Mustafayevin "Sevimli Naxçıvan", Nəriman Məmmədovun "Sirab", Mehriban Əhmədovanın "Arazüstü şəhərim", Ramiz Mirişlinin "Qızlar bulağı", "Doğma diyar" və "Naxçıvan" mahnıları göstərilir.
Yaşar Səfərov Elmira Rəhimova ilə birlikdə bir sıra duetlər də ifa etmişdir. Bu duetlər arasında "Səadət", "Günəşi gözləyirik", "Həyat, söylə sən kiminsən" və "Ulduzlar" mahnıları qeyd olunur.
Mükafatları
[redaktə | vikimətni redaktə et]- "Azərbaycan SSR əməkdar artisti" fəxri adı — 1989[2]
İstinadlar
[redaktə | vikimətni redaktə et]- ↑ ""Naxçıvan"ın ən mahir ifaçısı". nuhcixan.az (az.). 25 iyun 2020. İstifadə tarixi: 25 mart 2026.
- ↑ Республиканын мәдәнијјәт хадимләринә Азәрбајҹан ССР фәхри адлары верилмәси һаггында Азәрбајҹан ССР Али Совети Рәјасәт Һеј'әтинин Фәрманы // Азәрбајҹан Совет Сосиалист Республикасы Али Советинин Мә'луматы. № 10 (791). Бакы: Азәрбајҹан ССР Али Советинин нәшри. 31 мај 1989-ҹу ил. С. 4–6.
Xarici keçidlər
[redaktə | vikimətni redaktə et]- Rejissor Elşən Zeynallının Yaşar Səfərova həsr etdiyi "Ömür qatarı" (2004) sənədli televiziya filmi: YouTube
- Yaşar Səfərovun Mehdiabad qəbiristanlığındakı məzarının yeri: Google Maps