Yapon mahoniyası
| Yapon mahoniyası | ||||||
|---|---|---|---|---|---|---|
 | ||||||
| Elmi təsnifat | ||||||
|
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Dəstə: Fəsilə: Cins: Növ: Yapon mahoniyası |
||||||
| Beynəlxalq elmi adı | ||||||
| ||||||
Yapon mahoniyası (lat. Mahonia japonica) — bitkilər aləminin qaymaqçiçəklilər dəstəsinin zirinckimilər fəsiləsinin mahoniya cinsinə aid bitki növü.
Təbii yayılması
[redaktə | mənbəni redaktə et]Çində və Yaponiyada mədəni şəraitdə geniş yayılmışdır və oradan Avropaya və Amerikaya gətirilmişdir.
Botaniki təsviri
[redaktə | mənbəni redaktə et]Çox az budaqlanan, düz budaqlı, hündürlüyü 4 m-ə qədər olan kiçik ağacdır. Qabığı boz, dərin yarıqlı, qalın mantar təbəqəlidir; birillik odunlaşmamış zoğları göyümsov örtüklüdür. Tumurcaqları enli yumurtavaridir, uzunluğu 2–5 sm-dir, dərivaridir; ensiz üçbucaqşəkilli xarici pulcuqları 1–2 il zoğlarda qalır; daxili pulcuqlar enli ovalşəkilli, küt, otvari, solğun yaşıldır. Salxımları uc tumurcaqların qoltuğunda yerləşir, 10–12 sm uzunluğunda, möhkəm, çox çiçəklidir. Çiçək saplaqları iti bucaq altında yuxarı yönəlmişdir, uzunluğu 1 sm-ə qədərdir; çiçəkləri 8 mm uzunluğunda və 6 mm diametrindədir, qırmızımtıl və yaşılımtıl kasayarpaqları sonradan sarı tac yarpaqlara keçir. Dekabrın axırından yaza qədər çiçəkləyir.
Ekologiyası
[redaktə | mənbəni redaktə et]Məhsuldar, tər, yumşaq torpaqlara üstünlük verir.
Azərbaycanda yayılması
[redaktə | mənbəni redaktə et]Abşeronda, Lənkəranda, Qəbələdə mədəni şəraitdə becərilir.
İstifadəsi
[redaktə | mənbəni redaktə et]Hündür və gözəl formalı koldur. Qrup və tək əkinlər üçün yararlıdır.