Yenikənd bələdiyyəsi (Siyəzən)

Vikipediya, açıq ensiklopediya
Keçid et: naviqasiya, axtar

Tarixi[redaktə | əsas redaktə]

1999-cu ildə yaradılmışdır. 2010-cu ildə Tağay bələdiyyəsi də Yenikənd bələdiyyəsinin tərkibinə qatılmışdır.

Yenikənd bələdiyyəsi- Siyəzən rayonunun ərazisində yerləşən kənd bələdiyyəsi.1999-cu ildə keçirilmiş ilk bələdiyyə seçkiləri zamanı təşkil olunmuşdur. Kiçik bələdiyyələrin birləşdirilməsi prosesi nəticəsində 2010-cu ildə qonşuluqda yerləşən Tağay kənd bələdiyyəsi də Yenikənd bələdiyyəsinin tərkibinə daxil edilmişdir. Bələdiyyənin ərazisi Xəzər dənizinin sahilində,Bakı-Rostov magistral yolunun 115-ci kilometri üzərində yerləşir. Relyef baxımından bələdiyyə ərazisinin qərb hissəsi əsasən alçaq dağlıq, şərq hissəsi isə düzənlik ərazidir. Bələdiyyə ərazisindən Gilgilçay çayı, Samur-Abşeron kanalı, Taxtakörpü-Abşeron su kanalı, Şollar-Bakı işməli su xətti keçir,Taxtakörpü su anbarının bir hissəsi də bələdiyyə ərazisinə düşür. Bələdiyyənin ərazisində 3 məktəb -V.Qasımov adına Yenikənd kənd tam orta məktəbi, Gilgilçay stansiya orta məktəbi və Tağay kənd orta məktəbi yerləşir. Bələdiyyənin ərazisindən eramızın V əsrinə aid olan dünya əhəmiyyətli tarixi abidə olan Gilgilçay səddi keçir.

Bələdiyyə sədrləri[redaktə | əsas redaktə]

1.Rzayev Mirzə Abdulməmməd oğlu (1999-2007-ci illər)

2.İlyasov Şirinbala Əli oğlu (2007-2014-cü illər)

Bələdiyyə sədrlərinin müavinləri[redaktə | əsas redaktə]

1. İlyasov Şirinbala Əli oğlu (1999-2007-ci illər)

2. Qasımov Abgül Abuzər oğlu (2007-2009-cü illər)

3. Mirzəyev Saməddin Səddər oğlu (2009-2014-cü illər)

4. Ağasiyev Pərvin Əlizadə oğlu (2015-ci ildən etibarən)

Tərkibi[redaktə | əsas redaktə]

  • Yenikənd kəndi , Tağay kəndi, Kolanı kəndləri və Alxanlı adlandırılan qədim kənd ərazisi.

Ərazisi və coğrafi mövqeyi[redaktə | əsas redaktə]

Ərazisi 7819,3 ha-dır. Onun 4017 ha sahəsi bələdiyyə mülkiyyətində olan torpaqlardır. Ərazisi Xəzər dənizindən Baş Qafqaz dağlarının Yan silsiləsinin alçaq dağlıq hissəsinədək uzanır. Bakı-Rostov avtomobil yolu və Bakı-Mahaçqala dəmir yolu xətti bələdiyyə ərazisindən keçir.

Əhalisi[redaktə | əsas redaktə]

Bələdiyyə əhalisi 3925 nəfərdir. Əhalinin əsas məşğuliyyəti maldarlıq, quşçuluq və balıqçılıqdır.