Zülfüqar Abbasov (rejissor)

Vikipediya, azad ensiklopediya
(Zülfüqar Abbasov (xalq artisti) səhifəsindən istiqamətləndirilmişdir)
Naviqasiyaya keç Axtarışa keç
Vikipediyada bu ad-soyadlı digər şəxslər haqqında da məqalələr var; bax: Zülfüqar Abbasov.
Zülfüqar Abbasov
Doğum tarixi 3 may 1940(1940-05-03)
Doğum yeri
Vəfat tarixi 1 aprel 2022(2022-04-01) (81 yaşında)
Vəfat səbəbi uzun sürən xəstəlik
Vətəndaşlığı
Fəaliyyəti aktyor, kinorejissor, teatr rejissoru
Fəaliyyət illəri 1960-cı ildən
Təhsili
Mükafatları "Azərbaycan Respublikasının xalq artisti" fəxri adı — 2000 Azərbaycan Respublikası Prezidentinin fəxri diplomu
"Tərəqqi" medalı — 2013

Zülfüqar Qulu oğlu Abbasov (3 may 1940, Yuxarı Saral, Marneuli rayonu – 1 aprel 2022) — Azərbaycan rejissoru, aktyor. Azərbaycan Respublikasının xalq artisti (2000).

Həyatı[redaktə | mənbəni redaktə et]

Zülfüqar Abbasov 1940-cı il may ayının 3-də Gürcüstan SSR-də Borçalı rayonunun Yuxarı Saral kəndində anadan olmuşdur. Əsli-kökü Qərbi Azərbaycanın Vedi və Dərələyəz mahalındandır. Ata babası Dinməz Abbas o mahallarda gedən mənfur erməni qiyamçılarının intiqamçısı olub. Sovetlərdən sonra həbs və sürgünlərdən canını qurtarmaq üçün Borçalıya köçüb. Orta məktəbi Borçalıda bitirib. İki dəfə ali təhsil alıb.[1] 1962-ci ildə A.S.Puşkin adına Tbilisi Dövlət Pedaqoji İnstitutununun Azərbaycan bölməsini və 1966-cı ildə Bakı Teatr İnstitutunu (indiki Mədəniyyət və İncəsənət Universitetini) bitirib.[1][2] Teatr institunda oxuduğu vaxt ona müəllimləri — böyük sənətkar Mehdi Məmmədov və Məlik Dadaşov bu sənətin sirlərini dərindən öyrədiblər. O, rejissor kimi əmək fəaliyyətinə İrəvan Dövlət Dram Teatrında başlayıb. Sonra Mingəçevir Dövlət Dram Teatrı, Qazax teatrlarında-baş rejissor, direktor və bədii rəhbər kimi çalışıb.[1]

Zülfüqar Abbasov 2022-ci il aprelin 1-də, 81 yaşında vəfat etmişdir.[3]

Fəaliyyəti[redaktə | mənbəni redaktə et]

Z.Abbasov təhsil illərində Tbilisidə İ.İsfahanlının rəhbərlik etdiyi dram dərnəyində çıxış etmişdir. 1967–68-ci illər də C.Cabbarlı adına İrəvan Dövlət Azərbaycan Dram Teatrında fəaliyyət göstərmiş, burada "Solğun çiçəklər" (C.Cabbarlı; eyni zamanda Bəhram rolunu oynamışdır), "Yağışdan çıxdıq, yağmura düşdük" (N.Vəzirov) və s. pyesləri tamaşaya qoymuşdur. 1968-ci ildən (fasilələrlə) M.Davudova adına Mingəçevir Dövlət Dram Teatrının rejissorudur (1992-ci ildən həmçinin direktoru, 1999-cu ildən baş rejissor). "Hacı Qara" (M.F. Axundzadə), "Eşq və intiqam" (S.S. Axundov), "Müfəttiş", "Evlənmə" (N.Qoqol), "Əliqulu evlənir" (S.Rəhman), "Cavanşir", "Şeyx Şamil" (M.Hüseyn), "Mahnı dağlarda qaldı", "Sevgililərin cəhənnəmdə vüsalı" (İ.Əfəndiyev), "Şeytan nəsli" (H.Muxtarov), "Dar ağacı" (B.Vahabzadə), "Ölülər" (C.Məmmədquluzadə), "Almaz", "Solğun çiçəklər" (C.Cabbarlı), "Vaqif" (S.Vurğun), "Ayrılmaq anı" (M.Baycıyev) və s. əsərləri tamaşaya qoymuş, aktyor kimi də çıxış etmişdir. Müxtəlif ədəbi mənbələr əsasında yazdığı, həmçinin orijinal süjetli pyeslər yazmışdır.[2]

Orijinal süjetli pyesləri[redaktə | mənbəni redaktə et]

  • "Nabat xalanın çörəyi" (Mingəçevir teatrı),
  • "Vətən dərdi" (Mingəçevir teatrı),
  • "Qisas günü" (Mingəçevir teatrı),
  • "Kefdi, bu millət" (Mingəçevir teatrı),
  • "Qəribə qonşular" (Qazax teatrı) — da oynanılmışdır.[2]

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 3 4 "Xalq artisti Zülfüqar Abbasov (1940)" ( (az.)). Ənvər Durucali Əlifov zim.az. 10.12.2019. 2020-10-22 tarixində arxivləşdirilib. İstifadə tarixi: 31.01.2021.
  2. ↑ 1 2 3 Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 21–22. ISBN 978-9952-441-02-4.
  3. ↑ Xalq artisti Zülfüqar Abbasov vəfat edib

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Zülfüqar_Abbasov_(rejissor)&oldid=7414165"