Zülfüqar bəy Bağırbəyov

Vikipediya, azad ensiklopediya
Jump to navigation Jump to search
Zülfüqar bəy Bağırbəyov
Zülfüqar bəy Mirzə Ələkbər bəy oğlu Bağırbəyov
Zülfüqar bəy Bağırbəyov.jpg
Doğum tarixi 1874(1874)
Doğum yeri Şuşa şəhəri
Vəfat tarixi 1915(1915)
Vəfat yeri Qafqaz cəbhəsi, Olti qəzası
Vəfat səbəbi Döyüş zamanı ölüm
Vətəndaşlığı Azərbaycan Azərbaycan
Atası Mirzə Ələkbər bəy Bağırbəyov
Təhsili Şuşa şəhər realni məktəbi
Fəaliyyəti hərbi qulluqçu

Zülfüqar bəy Bağırbəyov (azərb. Zülfüqar bəy Mirzə Ələkbər oğlu Bağırbəyov‎; d. 1874 Şuşa şəhəri, ö. 1915) — çar ordusunun podpolkovniki.

Həyatı[redaktə | əsas redaktə]

Zülfüqar bəy Bağırbəyov 1874-cü ildə Şuşa şəhərində anadan olmuşdu. Şuşa şəhər real məktəbini bitirmişdi. O, I Dünya müharibəsinə qatılmış, poruçik rütbəsi almışdı. "Niva" jurnalının 1905-ci il iyirmi beşinci nömrəsinin 496-cı səhifəsində onun adı və şəkili var. Həmin jurnalda onun haqqında bu sözlər yazılıb:

" Otuz üçüncü Şərqi Sibir atıcı polkunun poruçiki Zülfüqar Mirzə Ələkbər oğlu Bağırbəyov fevral döyüşlərində igidliklə vuruşub kontuziya oldu. "

Port-Artur döyüşlərindən sağ-salamat qayıdan Zülfüqar bəy Bağırbəyov Novobəyazid süvari alayında ştabs-kapitan rütbəsində xidmət edir. 1912-ci ildən 1914-cü ilə qədər Bakı şəhərinin hərbi komendantı olur. Həmin dönəmdə rütbəsi mayor idi. Birinci dünya müharibəsi illərində Avstriya və Ruminiya cəbhələrində iştirak edib. [1][2]

Ölümü[redaktə | əsas redaktə]

Nağı bəy Şeyxzamanlının Türkiyədə çap etdirdiyi "Xatirələrim" adlı kitabında Zülfüqar bəy Bağırbəyov haqqında yazılmışdır:[1][2]

" Zülfüqar bəy Bağırbəylinin Birinci Dünya müharibəsində, 1915-ci ildə Qafqaz cəbhəsində ucqar Olti qəzasında məchul bir güllə ilə vurulduğunu ailəsinə xəbər verdilər. Sonradan məlum oldu ki, Zülfüqar bəy bir erməni tərəfindən vurulmuşdur. Ancaq rus komandanlığı tərəfindən qatil axtarılmamış və cinayət "məchul güllə ilə törədilmiş" deyə ört-basdır edilmiĢdir. "

Mənbə[redaktə | əsas redaktə]

Ənvər Çingizoğlu, Məhəmmədbağır bəy Cavanşirin törəmələri (Bağırbəyovlar), "Soy" elmi-kütləvi dərgi, 2011, №6, səh.3-6.

İstinadlar[redaktə | əsas redaktə]

  1. 1 2 "anl.az" (azərb. ‎). 15 aprel 2019 tarixində arxivləşdirilib.
  2. 1 2 Nəzirli Ş. (2002). "Topoqraf-general İbrahim ağa Vəkilov". Bakı: "Zaman". 296.