Zəminə Həsənova

Vikipediya, azad ensiklopediya
Jump to navigation Jump to search
Zəminə Həsənova
Zəminə Həsən qızı Həsənova
Zəminə Həsənova.png
Doğum tarixi
Doğum yeri Corat, Bakı qəzası, Azərbaycan SSR, ZSFSR, SSRİ
Vəfat tarixi
Vəfat yeri Sumqayıt, Azərbaycan
Vətəndaşlığı SSRİ SSRİ
Azərbaycan Azərbaycan
Fəaliyyəti metallurq, siyasətçi
Tanınır Azərbaycanın ilk qadın metallurqu
Mükafatları Sosialist Əməyi Qəhrəmanı
"Lenin" ordeni "Oktyabr inqilabı" ordeni

Zəminə Həsənova (10 may 1922, Corat, Bakı qəzası2006, Sumqayıt) — Sosialist əməyi qəhrəmanı, Sumqayıtın fəxri vətəndaşı və Azərbaycanın ilk qadın metallurqu.[1]

Həyatı[redaktə | mənbəni redaktə et]

Zəminə Həsən qızı Həsənova 1922-ci ilin mayın 10-da Sumqayıtda, indiki Corat qəsəbəsində anadan olub.

Fəaliyyəti[redaktə | mənbəni redaktə et]

O əmək fəaliyyətinə Sumqayıt Elektrik Stansiyasında başlayıb. Sovet dövründə Energetika Birliyinin sədri vəzifəsində çalışıb və yaşayış binalarının bünövrəsinin qoyulması ilə məşğul olub. Böyük Vətən Müharibəsi illərində Bakının vətəndaş müdafiəsi sistemində fəaliyyət göstərib. Müharibədən sonra əmək fəaliyyətini "Boruprokat" zavodunda operator kimi davam etdirib. Daha sonra briqadir vəzifəsində çalışıb. Həsənova 1970-ci ildə isə baş briqadir olub və həmin zavodda 4 briqadaya rəhbərlik edib.

İctimai fəlaiyyəti[redaktə | mənbəni redaktə et]

Z. Həsənova Azərbaycanın ictimai həyatında da fəal iştirak edib. Məktəbli uşaqlar üçün yaradılan "Horizont 8" klubunun təşkilatçılarından biri olub. O, dəfələrlə Sumqayıt Şəhər Şurasının deputatı seçilib, VI Çağırış SSRİ Ali Sovetinin deputatı olub.

Mükafatları[redaktə | mənbəni redaktə et]

SSRİ-nin Ali Sovetinin Prezidiumunun qərarı ilə 7 mart 1960-cı ildə Beynəlxalq Qadınlar Günü münasibətilə və əmək fəaliyyətindəki uğurlarına görə Lenin ordeniSosialist Əməyi Qəhrəmanı adı və "Oraq və Çəkic" qızıl medalı təltif edilib. 1969-cu ildə isə Sumqayıtın fəxri vətəndaşı adına layiq görülüb. 2002-ci ilin 2 oktyabr tarixində Azərbaycan Prezidentinin Sərəncamıyla Zəminə Həsənova elm, təhsil, mədəniyyət, iqtisadiyyat sahəsində göstərdiyi fəaliyyətinə və böyük əməyinə görə, Azərbaycan Prezidentinin fərdi təqaüdünə layiq görülüb.

Xatirəsi[redaktə | mənbəni redaktə et]

O, 2006-cı ildə Sumqayıt şəhərində vəfat edib və onun xatirəsini əbədiləşdirmək üçün yaşadığı binaya xatirə lövhəsi vurulub. Görkəmli metallurq Z.Həsənovaya Ələkbər Tağıyevin bəstələdiyi, sözləri R.Zəkaya məxsus "Zəminə" adlı mahnı həsr olunub və müəllifinin Z.Əliyeva olduğu kitab da yazılıb.[2]

İstinadlar[redaktə | mənbəni redaktə et]