Zaur Darğalı
| Zaur Darğalı | |
|---|---|
| gürc. ზაურ დარგალი | |
| Şəxsi məlumatlar | |
| Doğum tarixi | 4 iyul 1988 (36 yaş) |
| Partiya | |
| Fəaliyyəti | dövlət rəsmisi, siyasətçi |
Zaur Darğalı və ya Zaur Darğallı[1] — 2017–2019-cu illər Kvemo Kartli bölgə qubernatorunun müavini. 2019-cu ilin 19 may tarixində keçirilən seçkilərə əsasən 78,6% səs toplayaraq Marneulinin bələdiyyə sədri seçilib.[2]
Həyatı
[redaktə | mənbəni redaktə et]Zaur Darğalı 4 iyul 1988-ci ildə anadan olub. O, 2005–2009-cu ildə İlia adına Dövlət Universitetinin Kompüter texnologiaları və ingilis dili ixtisası üzrə təhsil alıb, bakalavr dərəcəsi üzrə həmin universiteti bitirib. Azərbaycan, gürcü, rus, ingilis, türk dillərini bilir.
Fəaliyyəti
[redaktə | mənbəni redaktə et]Zaur Darğalı 2007–2012-ci illərdə Marneuli Gənclər Mərkəzinin yaranmasında iştirak edib. Həmin proqram çərçivəsində Avrasia İnkişaf Fondu komitəsinin və Marneuli Gənclər Şurasının üzvü olub. O, 2007–2011-ci ilər ərzində Müharibə və Sülh İnstitutu (IWPR), Qafqaz Jurnalistləri Şəbəkəsi, Regional Jurnalistlər Şəbəkəsi, İcma Radiosu, "Timer" qəzeti kimi media təşkilatlarında çalışıb. Zaur Darğalı 2008–2011-ci illərdə Marneuli Gənclər Mərkəzinin layihələr üzrə meneceri vəzifəsini icra edib. Həmçinin 2008–2011-ci illərdə müxtəlif layihələrdə fəal şəkildə iştirak edib, onlardan "Effektiv inteqrasiya naminə, daha yaxşı komunikasiya" (layihə eyni zamanda məcburi köçkün şəxslərlə bağlı məsələləri nəzərdə tuturdu), "Marneuli QHT-ləri inkişaf və əməkdaşlıq forumu" (layihə Marneulidə 12 QHT-nı əhatə edib) və s. Zaur Darğalı 2011–2013-cü illərdə Marneuli Mülki Məşğulluq Mərkəzinin koordinator müavini, növbəti illərdə isə USAD ofisinin koordinatoru vəzifəsində çalışıb. Habelə 2013-cü ildə "Gürcü arzusu" koalisiasının Marneulidə gənclər şöbəsinin rəhbəri olaraq fəaliyyət göstərib. Zaur Darğalı2013-cü ildə baş tutan prezident seçkilərində Marneuli rayon gərərgahının işlərində fəal şəkildə iştirak edib. O, 2014–2017-ci illərdə Barış və Vətəndaş Bərabərliyi Məsələləri üzrə Gürcüstanın Dövlət Nazirinin Kvemo-Kartli bölgə təmsilçisi olub. Bununla yanaşı, 2017-ci ildən Kvemo Kartli bölgə qubernatorunun müavini vəzifəsini icra edir.[3] 2019-cu ilin 19 may tarixində Gürcüstanın Mərkəzi Seçki Komissiyası Marneuli rayonunda 90 seçki məntəqəsinin hamısı üzrə nəticələri elan edib. "Gürcü Arzusu" partiyasının namizədi Zaur Darğallı səslərin 78,6%-ni əldə edərək Marneulinin bələdiyyə sədri seçilib.[2][2]
Ailəsi
[redaktə | mənbəni redaktə et]Ailəlidir, 2 övladı var.
İstinadlar
[redaktə | mənbəni redaktə et]- ↑ Rüstəmova, Nuray. "Marneulidə azərbaycanlıların etiraz aksiyası". Politicon.co (az.). Topçubaşov Mərkəzi. 15 aprel 2020. 2022-01-25 tarixində arxivləşdirilib. İstifadə tarixi: 20 sentyabr 2021.
- ↑ 1 2 3 Cəmilə Babayeva. "Zaur Darğallı 78,6% səslə Marneuli rayonunun rəhbəri seçilib". report.az. 20 may 2019. 20 May 2019 tarixində orijinalından arxivləşdirilib.
- ↑ "Güllələnərək yaralanmış azərbaycanlı bələdiyyə namizədinin "vəziyyəti yaxşılaşıb"" (azərb. ). 26 aprel 2019 tarixində arxivləşdirilib.