Ziya Əzizov

Vikipediya, azad ensiklopediya
Naviqasiyaya keçin Axtarışa keçin
Ziya Əzizov
Ümumi məlumatlar
Tam adı Ziya Qalib oğlu Əzizov[1]
Doğum tarixi (25 yaş)
Doğum yeri Moskva, Rusiya
Vətəndaşlığı Azərbaycan Azərbaycan / Niderland Niderland[2]
Boyu 1.78 m
Mövqeyi Mərkəz yarımmüdafiəçisi
Klub haqqında məlumat
Klub Den Boş
Nömrəsi 12
Karyerası
Klub karyerası[* 1]
2016— Niderland Den Boş 30 (4)
Milli yığma[* 2]
2014 Azərbaycan Azərbaycan (17 yaşlılar) 1 (0)
2016— Azərbaycan Azərbaycan (19 yaşlılar) 2 (0)
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.

Ziya Əzizov (4 oktyabr 1998[3][4]) — Niderlandın "Den Boş" komandasının və 19 yaşlılardan ibarət Azərbaycan yığmasının heyətində çıxış edən peşəkar azərbaycanlı futbolçu. Mərkəz yarımmüdafiəçisi mövqeyində çıxış edir.

Erkən illəri[redaktə | mənbəni redaktə et]

Əzizov 4 oktyabr 1998-ci ildə Rusiyanın paytaxtı Moskva şəhərində anadan olub.[5] 5 yaşından futbol oynamağa başlamışdır.[5] Futbolda ilk addımlarını "De Yonq"un futbol akademiyasında atıb.[5] Bir müddət sonra, 2009-cu ildə "Den Boş"a keçmişdir. Bu komandanın məşqçiləri Əzizovun oyununu görmüş və baxışa çağırmadan birbaşa müqavilə təklif etmişdilər.[5]

Klub karyerası[redaktə | mənbəni redaktə et]

Əzizov 17 yaşında "Den Boş"un aşağı yaş qrupundan əsas komandaya cəlb olunub. 8 avqust 2016-cı ildə futbol üzrə Hollandiya birinci divizionunda "Yonq PSV" komandasına qarşı keçirilmiş oyunda əsas komandanın heyətində debüt edib. 22-ci dəqiqədə meydana çıxan Əzizov 45-ci dəqiqədə 0:4 hesabı ilə geridə olan komandasının 1-ci hissədəki yeganə qoluna imza atıb. Ardınca o, "Den Boş"un 2-ci və 4-cü qollarının məhsuldar ötürməsini verib. Amma onun bu fəallığı komandasını məğlubiyyətdən xilas etməyib. "Den Boş" rəqibinə 4-5 hesabı ilə məğlub olub.[6]

"Den Boş" 2 dekabr 2016-cı ildə futbol üzrə Hollandiya birinci divizionunun 17-ci turu çərçivəsində səfərdə "Dordrext" klubu ilə qarşılaşıb. Ziya bu görüşə start heyətdə başlayıb. O, matçın 33-cü dəqiqəsində qol vuraraq, komandasını hesabda önə keçirib - 2:1. Görüş 2:2 hesabı ilə başa çatıb.[7][8]

29 dekabr 2016-cı ildə "Den Boş"la olan müqaviləsinin müddətini 2019-cu ilin yayınadək artırıb.[9]

3 fevral 2017-ci ildə "Den Boş" doğma meydanda "NAK Breda" ilə qarşılaşıb. Görüş "Den Boş"un 2:1 hesablı qələbəsi ilə başa çatıb. Start heyətdə meydana çıxan və sonadək mübarizə aparan Əzizov matçın 76-cı dəqiqəsində komandasının qələbə qolunu vurub.[10]

31 mart 2017-ci ildə "Den Boş" səfərdə "Eydhoven" klubunun qonağı olub. Qarşılaşma meydan sahiblərinin 4:2 hesablı qələbəsiylə başa çatıb. Əzizov bu görüşün 67-ci dəqiqəsində komandasının ikinci qolunu vurub.[11][12]

Milli komanda karyerası[redaktə | mənbəni redaktə et]

17 yaşlılar[redaktə | mənbəni redaktə et]

Əzizov 17 yaşlılardan ibarət Azərbaycan millisinin heyətində cəmi 1 oyunda çıxış edib. Onun debüt oyunu 28 oktyabr 2014-cü ildə 17 yaşlılardan ibarət Bosniya və Herseqovina milli komandasına qarşı keçirilmiş oyuna təsadüf edib.[13]

19 yaşlılar[redaktə | mənbəni redaktə et]

Əzizov 4 sentyabr 2016-cı ildə Avropa Çempionatının seçmə mərhələsi çərçivəsində Avstriya yığması ilə oynanılan görüşdə 19 yaşlılardan ibarət Azərbaycan millisinin heyətində debüt edib.[14] Ziya birinci hissədən sonra əvəzlənib. Bu görüş Avstriya millisinin 4:1 hesablı qələbəsi ilə başa çatıb.[15]

Klub statistikası[redaktə | mənbəni redaktə et]

12 may 2017 tarixində yenilənib[16][17][18]
Klub Mövsüm Liqa Ölkə Kuboku Avropa Digər Cəmi
Çempionat Oyun Qol Ötürmə Oyun Qol Ötürmə Oyun Qol Ötürmə Oyun Qol Ötürmə Oyun Qol Ötürmə
Den Boş 2016–17 Eerste Diviziya 30 4 5 0 0 0 — — 30 4 5
Cəmi 30 4 5 0 0 0 — — 30 4 5
Karyera cəmi 30 4 5 0 0 0 — — 30 4 5

İstinadlar[redaktə | mənbəni redaktə et]

  1. ↑ "Zija Galib Azizov". www.sport.de. 2016-12-20 tarixində arxivləşdirilib. İstifadə tarixi: 14 Dekabr 2016.
  2. ↑ "Zija Azizov". Transfermarkt.com. 2017-06-19 tarixində arxivləşdirilib. İstifadə tarixi: 2016-08-13.
  3. ↑ Zija Azizov // Transfermarkt (çd.). 2000.
  4. ↑ Zija Azizov // FBref.com (çd.).
  5. ↑ 1 2 3 4 "Ziya Əzizov: Azərbaycanın əsas yığmasında oynaya bilərəm". Azerisport.com. 2020-07-26 tarixində arxivləşdirilib. İstifadə tarixi: 3 Oktyabr 2016.
  6. ↑ "Həmyerlimiz Hollandiyada debüt oyununda 1 qol, 2 asistlə yadda qaldı". Sportarena.az. 10 Avqust 2016.
  7. ↑ "Азизов забил в Голландии". Azerisport.com. 3 Dekabr 2016. 2016-12-05 tarixində arxivləşdirilib. İstifadə tarixi: 2016-12-04.
  8. ↑ "DORDRECHT VS. DEN BOSCH 2 - 2". Soccerway. 2021-09-15 tarixində arxivləşdirilib. İstifadə tarixi: 2016-12-04.
  9. ↑ "FC DEN BOSCH BINDT ZIJA AZIZOV". Fcdenbosch.nl. 29 Dekabr 2016. 2016-12-31 tarixində orijinalından arxivləşdirilib. İstifadə tarixi: 2017-01-13.
  10. ↑ "Millimizin üzvü Hollandiyada növbəti qolunu vurdu". Qol.az. 2017-02-06 tarixində arxivləşdirilib. İstifadə tarixi: 2017-02-03.
  11. ↑ "Ziya Əzizovdan növbəti qol". Azeritimes.az.[ölü keçid]
  12. ↑ "Ziya Əzizov Hollandiyada növbəti qolunu vurdu". Newsport.az. 2017-04-02 tarixində arxivləşdirilib. İstifadə tarixi: 2017-04-01.
  13. ↑ "Bosnia and Herzegovina 1-1 Azerbaijan". UEFA.com. 2017-11-14 tarixində arxivləşdirilib. İstifadə tarixi: 2016-08-13.
  14. ↑ "Zija Azizov". UEFA.com.
  15. ↑ "AUSTRIA U19 VS. AZERBAIJAN U19 4 - 1". Soccerway. 2016-10-07 tarixində arxivləşdirilib. İstifadə tarixi: 2016-12-04.
  16. ↑ "Zija Azizov soccerway profile". Soccerway. 2022-09-29 tarixində arxivləşdirilib. İstifadə tarixi: 2016-08-13.
  17. ↑ "Zija Azizov footballdatabase profile". Footballdatabase. 2017-04-02 tarixində arxivləşdirilib. İstifadə tarixi: 2016-12-04.
  18. ↑ "Zija Azizov transfermarkt profile". Transfermarkt. 2017-06-19 tarixində arxivləşdirilib. İstifadə tarixi: 2016-08-13.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Ziya_Əzizov&oldid=7568915"