Ziya Rəcəbov

Vikipediya, açıq ensiklopediya
Jump to navigation Jump to search
Ziya Rəcəbov
Ziya Racabov.jpg
Şəxsi məlumatlar
Vətəndaşlıq Flag of Azerbaijan.svg Azərbaycan
Doğum tarixi 14 avqust 1982 (1982-08-14) (35 yaş)
Doğum yeri Flag of Azerbaijan.svg Ağsu Azərbaycan
Boyu 182 sm
Çəкisi 89 kq
Zərbəsi 320 sm.
Bloкu 315 sm.
Mövqeyi Oyun hücumçusu
Karyerası
Komandası "Şimşək" Bakı (2000-2003); "Loğman" Bakı (2003-2004); "Metropoliten" (2004-2005); "Neftçi" Bakı (2008-2014)
Milli komanda karyerası
İl Komanda
2016-2017 Milli yığma komanda (kişilər, köm.məşqçi)
Son yeniləmə: 6 yanvar 2018

Ziya Rəcəbov (d. 14 avqust 1982) — Azərbaycanlı voleybolçu və məşqçi. Məşqçi kimi - 2-ci dərəcəli beynəlxalq məşqçi, voleybolçu kimi - idman ustasına namizəddir. 2015-ci ildən etibarən kişilərdən ibarət Azərbaycan Milli komandasında köməkçi məşqçi vəzifəsini icra edir.

Həyatı[redaktə | əsas redaktə]

Rəcəbov Ziya Gündüz oğlu 14 avqust 1982-ci ildə Ağsu rayonunda anadan olub. 1989-cu ildə Ağsu şəhərində 1 saylı orta məktəbə gedib. 7-ci sinifə kimi bu məktəbdə oxuyub. Daha sonra ailəsi ilə birlikdə Bakıya köçüb və təhsilini Bakının Mikayıl Müşviq adına 18 saylı orta məktəbində davam etdirib. 2000-2005-ci illərdə Azərbaycan Dövlət Bədən Tərbiyəsi və İdman Akademiyasının İdman Oyunları bölməsində təhsil alıb. 2005-2008-ci illərdə hərbi xidmətdə olub. 2008-ci ildə ailə həyatı qurub. İki qızı var.

Voleybolla məktəbdə oxuyarkən, 7-ci sinifdə məşğul olmağa başlayıb. Buna qədər sambo ilə məşğul olub. Bu idman növü üzrə keçirilən müxtəlif turnirlərdə iştirak edərək, respublika çempionu adını da qazanıb. 10-cu sinifdən, tanınmış məşqçi İqor Kutukovun rəhbərliyi altında voleybolla daha ciddi məşğul olub.

Karyerası[redaktə | əsas redaktə]

Klub karyerası[redaktə | əsas redaktə]

Professional voleybolçu karyerasına 2000-ci ildə, birinci liqada çıxış edən "Şimşək" komandasında başlayıb. 2003-2004-cü illərdə yüksək liqada çıxış edən "Loğman" klubunun şərəfini qoruyub. 2004-cü ildə "Metropoliten" klubuna keçib. Əsgərliyini bitirdikdən sonra, 2008-ci ildə "Neftçi" klubunda çıxış etməyə başlayıb. Voleybolçu karyerasını da 2014-cü ildə bu klubda bitirib.

Məşqçi karyerası[redaktə | əsas redaktə]

Məşqçilik karyerasına 2010-cu ildə qadınlardan ibarət "Şirvan" voleybol klubunda başlayıb. Bir il bu klubda 2-ci məşqçi vəzifəsində fəaliyyət göstərib.

2011-2015-ci illərdə "Rabitə" qadın voleybol klubunda köməkçi məşqçi[1], eyni müddət ərzində bu klubun əvəzediciləri sayılan "Telekom" komandasında da eyni vəzifədə çalışıb.

2015-ci ildən etibarən kişilərdən ibarət Azərbaycan Milli komandasında köməkçi məşqçidir.

2015-2016-cı illərdə qadınlardan ibarət "Azəryol" komandasında ilk öncə ikinci məşqçi, daha sonra isə baş məşqçi vəzifələrində çalışıb. Eyni zamanda kişilərdən ibarət Milli yığma komandanın da köməkçi məşqçisi vəzifəsini icra edib.[2]

2017-ci ildə, 4 ay ərzində "Neftçi" kişi voleybol klubunun baş məşqçisi olub.

Statusları[redaktə | əsas redaktə]

Ziya Rəcəbov 2000-ci ildə Azərbaycan Voleybol Federasiyası tərəfindən idman ustasına namizəd, 2016-cı ildə isə CEV tərəfindən ikinci dərəcəli məşqçi adına layiq görülüb.

Uğurları[redaktə | əsas redaktə]

Voleybolçu kimi[redaktə | əsas redaktə]

"Şimşək" KVK[redaktə | əsas redaktə]

  • 2000-2001 "Şimşək" KVK, birinci liqanın qalibi
  • 2001 "Şimşək" KVK, "Bahar Kuboku"nda 3-cü yer

"Metropoliten" KVK[redaktə | əsas redaktə]

  • 2004-2005 "Metropoliten" KVK, Respublika çempionatının qalibi

"Neftçi" KVK[redaktə | əsas redaktə]

  • 2008-2009 "Neftçi" KVK, Respublika çempionatının qalibi
  • 2009-2010 "Neftçi" KVK, Respublika çempionatının qalibi
  • 2010-2011 "Neftçi" KVK, Respublika çempionatının qalibi
  • 2011-2012 "Neftçi" KVK, Respublika çempionatının qalibi
  • 2012-2013 "Neftçi" KVK, Respublika çempionatının qalibi
  • 2013-2014 "Neftçi" KVK, Respublika çempionatının qalibi

Məşqçi kimi[redaktə | əsas redaktə]

Milli yığma komanda (kişilər)[redaktə | əsas redaktə]

  • 2016 - Lüksemburq "Novo Cup" beynəlxalq turnir, 3-cü yer
  • 2017 - İslam Həmrəyliyi Oyunları, 2-ci yer

"Rabitə" QVK[redaktə | əsas redaktə]

  • 2011 - "Rabitə" QVK, Klublararası dünya çempionatı, 1-ci yer
  • 2012 - "Rabitə" QVK, Klublararası dünya çempionatı, 2-ci yer
  • 2012/13 - "Rabitə" QVK, Çempionlar Liqası, 2-ci yer
  • 2013/14 - "Rabitə" QVK, Çempionlar Liqası, 3-ci yer
  • 2011/12 - "Rabitə" QVK, Respublika çempionatı, 1-ci yer
  • 2012/13 - "Rabitə" QVK, Respublika çempionatı, 1-ci yer
  • 2013/14 - "Rabitə" QVK, Respublika çempionatı, 1-ci yer
  • 2014/15 - "Rabitə" QVK, Respublika çempionatı, 1-ci yer

"Azəryol" QVK[redaktə | əsas redaktə]

  • 2015/2016 - CEV Kuboku, 3-cü yer

"Lokomotiv" QVK[redaktə | əsas redaktə]

  • 2016/2017 - Respublika çempionatı, 1-ci yer

İstinadlar[redaktə | əsas redaktə]

  1. BAK / Rabita Baku (ing.)
  2. Ziya Rajaboving.

Xarici keçidlər[redaktə | əsas redaktə]