Zygomycota

Vikipediya, azad ensiklopediya
Jump to navigation Jump to search
Zygomycota

Ziqomikota (lat. Zygomycota) — göbələklər şöbəsi.

Bu şöbənin nümayəndələrində qamçılı mərhələ yoxdur. Mitseliləri yaxşı inkişaf etmişdir. Mitselinin hüceyrə divarında xitin ,xitozan ,qlükozaamin və qlükoran turşusu vardır. Arakəsmələr və sellüoza yoxdur. Şöbə 500-dən çox nümayəndəni cəmləyir. Bir neçə növ müstəsna olmaqla, qalan bütün növlər quru mühitində yaşamağa uyğunlaşmışdır. Şöbənin əksər nümayəndələri saprotrof həyat tərzi keçirir. Bitkilər,heyvanlar,həşəratlar və insanlarda parazitlik edən az bir qismi də var. Mitselilər çoxnüvəlidir. Qeyri-cinsi çoxalma sporlar və konidilərlə gedir. Ziqomisetlər quru mühitinə uyğunlaşdıqlarından onlarda zoospor mərhələsi yoxdur. Şöbənin bütün nümayəndələrində cinsi çoxalma ziqoqamiya tiplidir. Cinsi çoxalma çoxhüceyrəli və çox nüvəli 2 hüceyrə möhtəviyyatının birləşməsi ilə tamamlanır. Bir çox mikoloqlar buna holoqamiya prosesi kimi də baxırlar.Bir qrup alimlər isə bu şöbənin Oomycota şöbəsindən başlanğıc aldıqlarını söyləyirlər. Şöbə 3 sinifi əhatə edir:Trichomycetes , ZygomycetesGlomeromycetes [1]

Ziqomisetlər[redaktə | əsas redaktə]

Ziqomisetlər sinfinə Zygomycota şpbəsinin böyük əksəriyyət nümayəndələri daxildir. Şöbənin əsas xüsusiyyətləri eyni ilə Zygomycetes sinfini də xarakterizə edir.Bu sinfin Mucorales sırası hüdudlarında bir neçə xətlərini izləmək mümkündür.Zygomycetes sinfinə aid olan göbələklər torpaqda ,bitki qalıqlarında ,peyində, qida məhsullarında saprotrof həyat tərzi keçirirlərBuraya çoxsaylı həşərat parazitləri də aid edilir. Ziqomisetlərin bəziləri bu sinfin digər nümayəndələri üzərində də parazitlik edir. Buna adelfoparazitzm deyilir.[2]

İstinadlar[redaktə | əsas redaktə]

  1. İbrahimov .A. Ş . İbtidai bitkilər.Bakı Universiteti nəşriyyatı 1993.
  2. S.M.Cəbrayılzadə (2011). Mikologiya. Bakı. səh. 110-113.