Zəhər tuluğu

Zəhər tuluğu
Janr	dram komediya
Rejissorlar	Taleh Yüzbəyov Orxan Mərdan
Prodüser	Orxan Mərdan
Ssenari müəllifləri	Taleh Yüzbəyov Orxan Mərdan Pərviz Həsənov Cəlil Cavanşir
Baş rollarda	Taleh Yüzbəyov Ləman Mərrih Əlixan Rəcəbov Nəzakət Heydərova Cavidan Novruz Səidə Quliyeva Rasim Cəfər Zülfiyyə Qurbanova Hüsniyyə Mürvətova
Operator	İman İmanov
Bəstəkar	Tərlan Məmmədhüseynov
İlk baxış tarixi	22 dekabr 2021
Filmin növü	Tammetrajlı bədii film
Yaş həddi	16+
Ölkə	Azərbaycan
Dil	azərbaycanca
İl	2021
Rəng	rəngli
IMDb	ID16751922

Zəhər tuluğu — Ssenari müəllifləri Taleh Yüzbəyov, Orxan Mərdan, Pərviz Həsənov və Cəlil Cavanşir olan, Taleh Yüzbəyovun və Orxan Mərdanın rejissorluğu ilə çəkilən, tammetrajlı bədii Azərbaycan filmi.

Filmin bəstəkarı Tərlan Məmmədhüseynovdur.

Məzmun

Bıçaqlandıqdan sonra sağ qalan Adil (Taleh Yüzbəyov), müalicə olunduğu xəstəxanadan çıxıb öz monoton həyatına geri dönməyə hazırlaşır. O hər zamanki kimi, "zəhər tuluğudur" – iş yoldaşlarını, dostlarını, onu müalicə edən həkimi və tibb bacılarını acılamağa, incitməyə, kobudluğa davam edir. Dostu Şakirin və artıq həyat tərzini dəyişdiyini iddia edən tələbə yoldaşı, keçmiş "həyat qadını" Rənanın müşayəti ilə xəstəxanadan çıxıb normal həyatına davam etməyi düşünən Adil inanılmaz bir sınaqla qarşılaşır. Xəstəxananın həyətindən çıxmamış Şakirin maşınına tanımadıqları hamilə qadın əyləşir. Dünyaya gətirəcəyi qız övladını qorumaq üçün ərindən və onun ailəsindən, daha doğrusu abortdan qaçan qadını qorumaq üçün Şakir və Rəna israr edir. Adil bu işə mane olmağa çalışsa da, getdikcə bütün şərtlər onu dünyaya gələcək körpənin xilaskarına çevirir.