Cəlil Cavanşir

Cəlil Cavanşir
Cəlil Cavanşir
	Cəlil Cavanşir oğlu Hacıyev
Doğum adı	Cəlil Hacıyev
Təxəllüsləri	Ay Han, Cavanşir
Doğum tarixi	2 yanvar 1984 (41 yaş)
Doğum yeri	Vartaşen, Xaçmaz
Vətəndaşlığı	SSRİ→; Azərbaycan
Milliyyəti	azərbaycanlı
Təhsili	Gəncə Dövlət Universiteti
İxtisası	filoloq
Fəaliyyəti	redaktor, ssenarist, jurnalist
Fəaliyyət illəri	2004 – h. h.
Əsərlərinin dili	Azərbaycanca
İstiqamət	postmodern
Janrlar	şeir, esse, roman, hekayə, ssenari
İlk əsəri	"Axı bu dünyaya nəyə gəlmişəm" - 1998
Tanınmış əsərləri	"Qadın corabları", "Azğın"
	celilizm.blogspot.com

Cəlil Cavanşir (tam adı: Hacıyev Cəlil Cavanşir oğlu; 2 yanvar 1984, Xaçmaz, Vartaşen rayonu) — azərbaycanlı yazıçı, tərcüməçi, ssenarist, jurnalist.

Həyatı

Cəlil Cavanşir 1984-cü ildə Oğuz rayonunun Xaçmaz kəndində dünyaya gəlib.

2001-ci ildə M. F. Axundov adına Oğuz rayon, Xaçmaz kənd 1 saylı orta məktəbini bitirib. 2002–2003-cü illərdə hərbi xidmətdə olub. 2004-cü ildə Gəncə Dövlət Universitetinin Xarici dillər fakültəsinin alman dili ixtisasına qəbul olunub və 2008-ci ildə ali təhsilini başa vurub.

Mətbu fəaliyyəti

Tələbəlik illərindən jurnalistika fəaliyyətinə başlayıb, müxtəlif mətbu orqanlarda çalışıb. "Töhfə", "Türküstan", "Vətəndaş Həmrəyliyi" qəzetləri, "Alatoran", "Yurddan səslər", "Pirsultan", "Doqquz iqlim", "Ənvər Paşa" dərgiləri ilə əməkdaşlıq edib.

"Palma" ədəbi-bədii tərcümə jurnalının və "Region xəbər" qəzetinin təsisçisi olub.

2009-cu ildə doqquziklim.net elektron ədəbiyyat dərgisini təsis edib və 2010-cu ilə qədər həmin dərgiyə rəhbərlik edib.

2010-cu ildə II Nəsimi Ədəbiyyat Müsabiqəsində şeir nominasiyasında II yer tutub.

2010-cu ilin may-noyabr aylarında Azad Azərbaycan Televiziyasında "Azərbaycan sirrləri" adlı tarixi-etnoqrafik layihədə redaktor-ssenarist kimi fəaliyyət göstərib.

2011-ci ilin yanvar ayından "Mərkəz" qəzetində fəaliyyətə başlayıb və qəzetin ədəbiyyat səhifəsini hazırlayıb.

2012-ci ilin mart ayından "Ədalət" və "Gündəlik Teleqraf" qəzetləri və Publika.az xəbər potalı ilə əməkdaşlıq edib, "Publika Art" layihəsində redaktor olaraq çalışıb.

2020–2022 "Sputnik-Azərbaycan" Agentliyində (www.sputnik.az) köşə yazarı kimi fəaliyyət göstərib.

Şeirləri ingilis, alman, özbək, rus və fars dillərinə tərcümə olunub.

Redaktor və tərcüməçi kimi fəaliyyəti

2011-ci ildən Qanun (nəşriyyat) ilə tərcüməçi və redaktor kimi əməkdaşlıq edir, 2022-ci ildən Qanun Nəşrlər Evinin "Dinlə Kitab" audio-kitab layihəsinin rəhbəri və nəşriyyatın aparıcı redaktorudur. 2012-ci ildə "Hədəf" Nəşrlərinin baş redaktoru və "Xan" Nəşrlərinin tərcüməçisi işləyib. 2017-ci ilin fevral ayından "TEAS press" Nəşriyyatı ilə tərcüməçi və redaktor kimi əməkdaşlıq edir. 2019-2020-ci illərdə "Mücrü" Nəşriyyatının baş redaktoru kimi fəaliyyət göstərib.

Azərbaycan dilində nəşr olunan 200-dən artıq kitabın redaktoru, 28 kitabın tərcüməçisidir.

Ssenarist kimi fəaliyyəti

Azad Azərbaycan Televiziyasında yayımlanan "Azərbaycan sirrləri" adlı tarixi-etnoqrafik layihədə 20 sənədli filmin ssenari müəllifidir.

Müxtəlif sifarişlər əsasında 50-yə yaxın sosial çarx və təbliğat videosunun hazırlanmasında məsləhətçi və ssenarist kimi iştirak edib.

2021-ci ildə Taleh Yüzbəyov, Orxan Mərdan, Pərviz Həsənovla birlikdə Zəhər tuluğu tammetrajlı bədii filminin ssenarisini yazıb. Film Azərbaycanda, Türkiyədə, Rusiyada, Qazaxstanda uğurla nümayiş etdirilib.

2021-ci ildə Əmək və Əhalinin Sosial Müdafiəsi Nazirliyinin dəstəyi ilə ərsəyə gələn "Vətən dastanı" filminin ssenari müəllifidir.

Digər fəaliyyətləri

2015-ci ilin oktyabr ayından, 2019-cu ilin yanvar ayınadək Azərbaycan Respublikasının Prezidenti yanında Bilik Fondunun mütəxəsisi vəzifəsində fəaliyyət göstərib.

Müxtəlif vaxtlarda mətn yazarı, kopirayter və SEO mütəxəsisi kimi fəaliyyət göstərib.

Kitabları

Kitabın adı	İçindəkilər	Şəhər	Nəşriyyat	İl	Səhifə	ISBN
Daha məni xatırlama	Şeirlər	Gəncə	AGAH	2004	100
Öz ruhunun işığında	Xatirələr, esselər	Bakı	EL	2009	200
Underground sevgilər	Şeirlər	Bakı	Qanun	2011	78
İtirilmiş əlyazma	Roman	Bakı	Qanun	2012	167
Dinlər, təriqətlər, peyğəmbərlər	Dini araşdırma	Bakı	Hədəf Nəşrləri	2013	120
Qadın corabları	Roman	Bakı	Hədəf Nəşrləri	2014	200	-
P. S: Darıxıram	Şeir, esse	Bakı	XAN Nəşriyyatı	2015	120
Sola dönmək qadağandır	Esselər	Bakı	Xan Nəşriyyatı	2017	196
Miladdan sonra	Şeirlər	Bakı	XAN Nəşriyyatı	2018	76	ISBN:903942835302
Azğın	Roman	Bakı	XAN Nəşriyyatı	2019	204	ISBN:905328910632
Eşq və intihar	Motivasiya, esselər	Bakı	Mücrü Nəşriyyatı	2020	108	ISBN:9789952405217
Ədəbiyyatın bəxtsiz və şıltaq övladları	bioqrafik araşdırmalar	Bakı	Mücrü Nəşriyyatı	2021	140	ISBN:9789241220583
Gənc şairin dilemması	hekayələr	Bakı	Qanun Nəşriyyatı	2023	95	ISBN:978-9952-38-574-8
Miladdan sonra	Şeirlər	Təbriz	"Nəbati" (Azər-Turan)	2020	76	ISBN:903942835302

Tərcümə kitabları

Bernhard Şlink. Qiraətçi (Fərican Quliyeva ilə birlikdə).
Ziqmund Freyd. Totem və Tabu.
Brijit Ober. Doktor Marçın dörd oğlu.
Fridrix Nitsşe. Dəccal
Artur Konan Doyl. Baskomb vadisinin sirri
Artur Konan Doyl. Subay Zadəgan
Artur Konan Doyl. Polkovnikin ölümü
Artur Konan Doyl. Detektiv ölüm yatağında
Artur Konan Doyl. Son Hadisə
Orhan Aras. Son Cənnət
Vulf Dorn. Şizofrenik
Vulf Dorn. Oyunbaz
Vulf Dorn. Xain ürəyim
Vulf Dorn. Fobiya
Vulf Dorn. Gecə qurdlarındır
Nevzat Kösoğlu. Şəhid Ənvər Paşa
Əmrah Sərbəs. Hər təmas iz buraxır
Əmrah Sərbəs. Sonuncu qazıntı
İmmanuel Kant. Təhsil haqqında
Con Boyn. Zolaqlı pijamalı oğlan
Kinsun. Yol sənin içindədir
Çinar Ata. Sura üfürülənə qədər- Sarı Saltuk
Borxertdən Borxesə qədər. 10 Hekayə
Robert Makki. Hekayə
Robert Makki. Dialoq
Qrim Qardaşlarının nağılları ilə. Alman dili addım-addım
Doğan Cücəloğlu. Uğura aparan ailə
İlbər Ortaylı. Gəl, dünyanı kəşf edək

Filmoqrafiya

İstinadlar

Xarici keçidlər