İrina Netreba
İrina Netreba | |
---|---|
İrina Netreba | |
Şəxsi məlumatlar | |
Tam adı | İrina Petr qızı Netreba |
Vətəndaşlığı | Azərbaycan |
Doğum tarixi | |
Doğum yeri | |
Boyu | 176 sm. |
İdman növü | Güləş (Sərbəst) |
21 mart 2016 tarixində yenilənib. |
İrina Netreba — 26 aprel 1991-ci ildə anadan olmuşdur. Ukrayna əsilli Azərbaycanlı sərbəst güləşçidir. 2014-cü ildə Finlandiyanın Vantaa şəhərində keçirilən Avropa Çempionatının gümüş medalçısıdır. 2013-cü ildə Rusiyanın Kazan şəhərində keçirilən Tələbələr arasında Yay Universiada Oyunlarının bürünc medalçısıdır. Gənclər arasında Avropa Çempionatının qızıl və bürünc medalçısıdır. Yeniyetmələr arasında Avropa Çempionatının isə qızıl və bürünc medalçısıdır.
Karyerası[redaktə | mənbəni redaktə et]
Ukrayna karyerası[redaktə | mənbəni redaktə et]
İrina Netreba 2004-cü ildən güləş üzrə yarışlarda iştirak edir. İrina Netreba ilk uğurunu doğma vətənini təmsil edərkən qazandı. O Ukrayna bayrağı altında 2007-ci ildə Gənclər arasında Avropa Çempionatında 3-cü yeri tutdu və bürünc medal qazandı. 1 ildən sonra isə İrina Netreba analoji yarışda, Gənclər arasında Avropa Çempionatında 1-ci yeri tutdu və qızıl medal qazandı. Elə həmin ildə Yeniyetmələr arasında Avropa Çempionatında 1-ci yeri tutdu və qızıl medal qazandı. 2009-cu ildə isə İrina Netreba Ukrayna bayrağı altında sonuncu uğurunu qazandı. O yenə də Yeniyetmələrin Avropa Çempionatında iştirak etdi və 3-cü yeri tutaraq bürünc medal qazandı.
Azərbaycan karyerası[redaktə | mənbəni redaktə et]
Daha sonra İrina Netreba Azərbaycanın uğurları üçün çalışdı. İrina Netreba Azərbaycan bayrağı altında ilk uğurunu 2013-cü ildə Rusiyanın Kazan şəhərində qazandı. O Tələbələr arasında Yay Universiada Oyunlarında bürünc medal qazandı.
İrina Netrebanın ən böyük uğurunu isə 2014-cü ildə Finlandiyanın Vantaa şəhərində qazandı. O 2014 Avropa Çempionatında yalnızca finalda məğlub olaraq gümüş medal qazandı. İrina Netreba mübarizəyə 1/4 final mərhələsindən qoşuldu. O 1/4 final mərhələsində Bolqarıstanlı Viktoriya Bobeva ilə üz-üzə gəldi. Həmin qarşılaşmadan İrina Netreba 8-4 hesablı qələbə ilə ayrıldı. Daha sonra o 1/2 final mərhələsində Belaruslu Anastasiya Huçok ilə üz-üzə gəldi. Həmin qarşılaşmadanda İrina Netreba qələbə ilə ayrıldı. Finala vəsiqə qazanan İrina Netrebanın bu mərhələdə rəqibi Rusiyalı Valeriya Jolobova idi. İrina Netreba güclü rəqibi ilə qarşılaşmadan məğlub ayrıldı, 0-5 və İrina Netreba 2014 Avropa Çempionatı 2-ci yerdə başa vuraraq gümüş medal qazandı.
2015 Avropa Oyunları[redaktə | mənbəni redaktə et]
İrina Netreba 2015-ci ildə ən əsas yarışlarından birinə Azərbaycanın paytaxtı Bakı şəhərində keçirilən 2015 Avropa Oyunlarında qatıldı. O mübarizəyə 16 iyun tarixində qoşuldu. İrina Netreba ilk olaraq 1/8 final mərhələsində İtaliyalı Karola Raynero ilə üz-üzə gəldi. İrina Netreba həmin qarşılaşmadan 8-4 hesablı qələbə ilə ayrıldı. Daha sonra 1/4 final mərhələsində İrina Netreba Bolqarıstanlı Mimi Xristova ilə üz-üzə gəldi və 6-4 hesabı ilə qələbə qazanaraq yarım-finala adladı. Yarım-final mərhələsində İrina Netreba İsveçli məşhur güləşçi 1 qat Dünya və 3 qat Avropa Çempionu Sofiya Mattsson ilə üz-üzə gəldi. Güclü və təcrübəli rəqibi ilə qarşılaşmadan İrina Netreba məğlub ayrıldı. 1-3. Amma bu məğlubiyyətə baxmayaraq İrina Netreba medal uğrunda mübarizəni dayandırmadı, o yenədə medal qazana bilərdi. Bunun üçün o bürünc medal uğrunda görüşdə Norveçli Qras Bullenə qalib gəlməli idi. Amma İrina Netreba güclü rəqibi ilə qarşılaşmadanda məğlub ayrıldı. 0-4. Belə olan xalda İrina Netreba 2015 Avropa Oyunlarını 5-ci yerdə başa vurdu.
2015 Dünya Çempionatı[redaktə | mənbəni redaktə et]
İrina Netreba 2015-ci ildə Amerika Birləşmiş Ştatlarının Las-Veqas şəhərində keçirilən Dünya Çempionatında iştirak etdi. O 60 kq. çəki dərəcəsində 1/8 final mərhələsində Türkiyəli Hafize Şahin ilə üz-üzə gəldi və 11-6 hesabı ilə qalib gələrək növbəti mərhələyə adladı. Növbəti 1/4 final mərhələsində isə İrina Netreba Ukraynalı Oksana Herhel ilə üz-üzə gəldi və 5-4 hesabı ilə məğlub olaraq qızıl medal şanslarını itirdi. Bürünc medal üçün İrina Netreba ilk olaraq Kanadalı Breanne Qraam ilə üz-üzə gəldi. Kanadalı rəqibi ilə görüşdən İrina Netreba 12-5 hesablı qələbə ilə ayrıldı. Bürünc medal uğrunda qarşılaşmada isə İrina Netreba Amerika Birləşmiş Ştatlarının nümayəndəsi Leig Jaynes ilə üz-üzə gəldi. Drammatik idman mübarizəsi şəraətində keçən görüş 4-4 hesabı ilə başa çatdı. Qalib isə son xalı qazanan Leig Jaynes oldu. İrina Netreba isə Dünya Çempionatını 5-ci yerdə başa vurdu.
Nəticələri[redaktə | mənbəni redaktə et]
İstinadlar[redaktə | mənbəni redaktə et]
Xarici keçidlər[redaktə | mənbəni redaktə et]
- İrina NETREBA Arxivləşdirilib 2011-07-27 at the Wayback Machine