Şoqoro Tsuboy

Şoqoro Tsuboy
yap. 坪井正五郎
Doğum tarixi	22 fevral 1863(1863-02-22)
Doğum yeri	Edo[d], Toşima rayonu[d], Musaşi əyaləti[d], Tokaydo[d], Yaponiya
Vəfat tarixi	26 may 1913(1913-05-26) (50 yaşında)
Vəfat yeri	Sankt-Peterburq, Rusiya imperiyası
Vəfat səbəbi	peritonit
Dəfn yeri	Somey qəbiristanlığı[d]
Təhsili	Tokio Universiteti
Fəaliyyəti	müəllim
Elmi dərəcəsi	elmlər doktoru[d]
Mükafatları
Vikianbarda əlaqəli mediafayllar

Şoqoro Tsuboy (坪井正五郎, Tsuboy Şoqoro, 22 fevral 1863, Edo^[d] – 26 may 1913, Sankt-Peterburq) – Yaponiya arxeoloqu və fiziki antropoloqu.

Həyatı

Şoqoro Tsuboy 1863-cü ildə Yaponiyanın Edo şəhərində doğulmuşdur. 1884-cü ildə Tokio Universitetində zoologiya üzrə bakalavr təhsili alarkən Şozo Arisaka ilə birlikdə Mukoqaoka qabıq təpəsində qazıntı işləri aparmış və Yayoy dulusçuluğunun ilk nümunələrini kəşf etmişdir.

O, 1884-cü ildə Antropologiya Assosiasiyasının əsasını qoymuşdur. Tokio Universitetindən antropologiya üzrə məzun olduqdan sonra 1889–92-ci illərdə Britaniya və Fransada təhsil almışdır. Qayıtdıqdan sonra 1893-cü ildə Tokio Universitetində antropologiya üzrə ilk kursları təşkil etmişdir. Ryuzo Torii 1892-ci ildə Tsuboyun tələbəsi olmuşdur.

Tsuboy yaponların mənşəyi haqqında irəli sürdüyü nəzəriyyələrə görə tanınır. Məsələn, onun nəzəriyyəsinə görə aynu mifologiyasındakı koropokkurular arxipelaqın ilk sakinlərini təmsil edirlər. O, Koqoişi strukturları haqqında nəzəriyyələr də vermişdir. Lakin onun nəzəriyyələri daha sonra qüvvədən düşmüşdür. Tsuboy yokoanalarda və qabıq təpələrində apardığı qazıntı işləri haqqında ətraflı hesabatlar yazmışdır. Hesabatları Tokio Antropologiya Cəmiyyətinin "Jinrui gakkai hokoku" jurnalında nəşr olunmuşdur.

Ədəbiyyat

• Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 79 və 116. ISBN 0-87011-628-2. İstifadə tarixi: 2 sentyabr 2022.