Şuiçi Qoto
| Şuiçi Qoto | |
|---|---|
| yap. 後藤守一 | |
| Doğum tarixi | 10 avqust 1888 |
| Doğum yeri | |
| Vəfat tarixi | 30 iyul 1960 (71 yaşında) |
| Fəaliyyəti | arxeoloq |
Şuiçi Qoto (後藤 守一, Qoto Şuiçi?, 10 avqust 1888, Şizuoka prefekturası – 30 iyul 1960) – Yaponiya arxeoloqu.
Həyatı
[redaktə | mənbəni redaktə et]Şuiçi Qoto 1888-ci ildə Yaponiyanın Şizuoka prefekturasında doğulmuşdur.[1] 1913-cü ildə Tokio Ali Normal Məktəbindən[a] məzun olduqdan sonra Şizuokada bir orta məktəbdə işləməyə və arxeologiya ilə maraqlanmağa başlamışdır.[1] 1921-ci ildə Tokio İmperiya Evi Muzeyinin[b] işçisi olmuşdur.[1] 1927-ci ildə Avropa və ABŞ-yə səyahət edərək muzeyləri tədqiq etmişdir.[1] Daha sonra Meyci Universitetinin professoru və Mədəni Mülklərin Qorunması üzrə Milli Komissiyanın məsləhətçisi olmuşdur.[1]
Qoto Yaponiyanın ibtidai icma quruluşuna və erkən tarixinə maraq göstərmişdir.[1] Onun ixtisası kofunlar və Kofun dövrünün mədəniyyəti olmuşdur.[1] O, Toro yerində və Oyu daş sahələrində aparılmış arxeoloji qazıntı işlərinə rəhbərlik etmiş, Nippon Arxeologiya Cəmiyyətinin katibi vəzifəsini yerinə yetirmişdir.[1]
Əsərləri
[redaktə | mənbəni redaktə et]- "Nihon kokoqaku" (1927, "Yaponiya arxeologiyası").[1]
- "Nihon rekişi kokoqaku" (1937, "Yaponiyanın tarixi arxeologiyası").[1]
Qeydlər
[redaktə | mənbəni redaktə et]- ↑ Daha sonra Tokio Təhsil Universiteti.
- ↑ Hazırda Tokio Milli Muzeyi.
İstinadlar
[redaktə | mənbəni redaktə et]Ədəbiyyat
[redaktə | mənbəni redaktə et]- Kodansha Encyclopedia of Japan (ingiliscə). III cild (G–I). Tokio: Kodansha. 1983. səh. 54. ISBN 0-87011-623-1. İstifadə tarixi: 29 avqust 2022.
| ||||
