Şahlar Quliyev
| Şahlar Quliyev | |
|---|---|
| Şahlar Həsənağa oğlu Quliyev | |
| Ümumi məlumatlar | |
| Doğum tarixi | |
| Doğum yeri | Cəlilabad rayonu, Azərbaycan SSR, SSRİ |
| Vətəndaşlığı |
 SSRİ Azərbaycan |
| Uşağı | Nofəl Şahlaroğlu |
| Musiqiçi məlumatları | |
| Fəaliyyəti | opera müğənnisi |
| Mükafatları |
  |
Quliyev Şahlar Həsənağa oğlu — müğənni, Azərbaycanın xalq artisti, prezident təqaüdçüsü.
Həyatı[redaktə | mənbəni redaktə et]
Şahlar Quliyev 25 sentyabr 1946-cı ildə Cəlilabad rayonunda anadan olmuşdur.[1] Ü. Hacıbəyov adına Azərbaycan Dövlət Konservatoriyasını (professor E. Quliyevanın sinfi) bitirmişdir. 1975-ci ildən Azərbaycan Dövlət Akademik Opera və Balet teatrının solistidir. Aparıcı səhnə ustası-yüksək kateqoriyalı solist-vokalçı kimi Şahlar Quliyev teatrın repertuarında olan əksər milli və klassik opera tamaşalarında əsas rollarda çıxış edir. "Leyli və Məcnun"da Nofəl, "Şah İsmayıl"da Aslan şah, "Aşıq Qərib"də Şahvələd, "Sevil"də Atakişi, "Arşin mal alan"da Süleyman, "Gəlin qayası"nda Xan, "Koroğlu"da Həsən xan, "Aida"da Amonasro, "Riqoletto"da Monterone, "Toska"da Skarpia, "Karmen"də Eskamilio, "Payatsı"da Tonio, "Bohema"da Şonar, "Natəvan"da Qasım bəy Zakir kimi rollar onun tərəfindən professionallıqla ifa olunur və tamaşaçı rəğbəti qazanır.
Şahlar Quliyev Şimali Kipr, Türkiyə və s. ölkələrdə Azərbaycan opera sənətini təmsil edərək uğurla çıxış etmişdir. Vaxtaşırı dövlət əhəmiyyətli tədbirlərdə çıxış edir.
2005-ci ildə Azərbaycan Xalq Artisti fəxri adına layiq görülüb, prezident təqaüdçüsüdür.
Oğlu Nofəl Şahlaroğlu filologiya üzrə fəlsəfə doktoru, aktyor və aparıcıdır.[2]
Filmoqrafiya[redaktə | mənbəni redaktə et]
İstinadlar[redaktə | mənbəni redaktə et]
- ↑ "Quliyev Şahlar Həsənağa oğlu Xalq Artisti, Prezident mükafatçısı". 2013-09-28 tarixində arxivləşdirilib. İstifadə tarixi: 2013-12-14.
- ↑ "Onkoloji xəstəliyə tutulan Xalq artistinin oğlu: "Onu bu vəziyyətdə görmək..." - MÜSAHİBƏ". publika.az (az.). 2020-06-24. 2022-09-08 tarixində arxivləşdirilib. İstifadə tarixi: 2024-01-06.