Azərbaycan

Vikipediya, açıq ensiklopediya
Keçid et: naviqasiya, axtar
Koordinatlar: 40°30′00″ şm. e. 48°10′00″ q. u. (G)
Azərbaycan Respublikası
Azərbaycan
Azərbaycan bayrağı Azərbaycan gerbi
Bayrağı Gerbi
Himn: Azərbaycan Respublikasının Dövlət Himni
National Anthem of the Republic of Azerbaijan instrumental.ogg
Azərbaycan – xəritədə yeri
Paytaxt Bakı
Böyük şəhərlər Bakı
Rəsmi dil Azərbaycan dili
Etnik qruplar Azərbaycanlılar
Prezident İlham Əliyev
Baş nazir Artur Rəsizadə
Müstəqillik: Rusiya İmperiyasından 
Azərbaycan Respulikasının yaradılması 28 may 1918 
Azərbaycanın Sovet işğalı 28 aprel 1920 
Müstəqilliyin bərpası elan edilib 30 avqust 1991 
Müstəqilliyin bərpası təsdiq olunub 18 oktyabr 1991 
Ərazi
• Ümumi
• Su sahəsi (%-lə)
86 600[1] km² (113-cü)
1,7[1]
Əhali
• Təxmini sayı (2011)
• Siyahıyaalma (2009)
• Əhali sıxlığı
9 164 600 nəfər[2] nəfər
8 896 900[3] nəfər
103 nəfər/km²  (104-cü)
İnsan inkişafı indeksi (2010) ▲ 0.713  (yüksək) (67-ci)
Pul vahidi Azərbaycan manatı (AZN)
Saat qurşağı AZV (UKV+4)
Yay vaxtı AZYV (UKV+5)
İnternet domeni .az
Telefon kodu +994

Azərbaycan və ya rəsmi Azərbaycan Respublikası — Cənubi Qafqazda dövlət, Xəzər dənizi hövzəsində yerləşir. Şimaldan Rusiya (Dağıstan)[4], Gürcüstan, qərbdən Ermənistan, cənubdan İran və Türkiyə ilə həmsərhəddir[5]. Azərbaycanın anklavı olan Naxçıvan Muxtar Respublikası Ermənistanla şimal-şərqdə, Türkiyə ilə qərbdən həmsərhəddir. Paytaxtı Bakı şəhəridir. Azərbaycan ərazisinin bir hissəsi Ermənistan Respublikası tərəfindən işğal edilib.[6].

28 May – Respublika Günü 1918-ci ildə müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yarandığı gündür. 30 avqust 1991-ci ildə SSRİ tərkibində müttəfiq respublika statusunda olan Azərbaycan Respublikasının Ali Soveti "Azərbaycan Respublikasının dövlət müstəqilliyinin bərpası haqqında" deklarasiya, 18 oktyabr 1991-ci il tarixində isə "Azərbaycan Respublikasının dövlət müstəqilliyi haqqında", Konstitusiya Aktı qəbul etdi. Bu tarix müasir Azərbaycan dövlətinin müstəqilliyinin bərpası günü sayılır.

Hazırda Azərbaycan qədim tarix və mədəniyyət irsinə malik dünyəvi və unitar dövlət olub, etnik azərbaycan çoxluğuna sahib ölkədir. Azərbaycan altı müstəqil türk dövlətindən biridir. Respublikanın 158 ölkə ilə diplomatik münasibəti vardır, 38 beynəlxalq təşkilatın üzvüdür.

Azərbaycan GUAM və Kimyəvi silahdan istifadə qadağası təşkilatlarının təsisçilərindən biridir. 1993-cü ilin sentyabrından Müstəqil Dövlətlər Birliyinin üzvüdür. 9 may 2006-cı ildə Azərbaycan BMT-nin yeni yaradılan insan haqları komitəsinə üzv seçilib. Səlahiyyətli nümayəndəlik 19 iyul 2006-cı ildən başlayıb. Azərbaycan həmçinin BMT, ATƏT, Avropa Şurası və NATO-nun sülh naminə tərəfdaşlıq proqramının üzvüdür. Bundan əlavə ölkə Birləşməyənlər Hərəkatı, Beynəlxalq Ticarət Təşkilatı və Beynəlxalq Elektrorabitə İttifaqında müşahidəçi statusuna malikdir.

BMT Baş Assambleyasında 24 oktyabr 2011-ci il seçkiləri zamanı Azərbaycan 155 səs toplayaraq 2012-2014-cü illər üçün BMT Təhlükəsizlik Şurasının 10 qeyri-daimi üzvündən biri seçilib.[7]

Mündəricat

[redaktə / تحریر] Coğrafiya

Əsas məqalə: Azərbaycan Respublikasının coğrafiyası

Azərbaycan ərazisi düzənlik və dağlıq relyefə malik olub, mütləq yüksəkliyi 28 m-dən (Xəzərsahili düzənlik) 4488 m-ə Bazardüzü dağına qədərdir. Azərbaycan Respublikasının ovalıq və düzənlik relyefi Gəncə, Qazax, Qarabağ, Mil, Muğan, Şirvan, Salyan, Lənkəran, Samur-Şabran, Arazyanı və Şərurdan ibarətdir. Azərbaycan Respublikasının ərazisi beş coğrafi vilayətə bölünür: onlardan dördü (Böyük Qafqaz, Kiçik Qafqaz, Naxçıvan MR, Lənkəran) dağlıq, biri isə (Kür-Araz və ya Mərkəzi Aran) ovalıqdır. Böyük Qafqazın Azərbaycan hissəsi hüdudunda iki əsas dağ silsiləsi – Baş Qafqaz (Bazardüzü dağı – 4466 m) və Yan silsilə (Şahdağ – 4243 m) uzanır. Dağlıq Şirvan, Qobustan və Abşeron yarımadası Cənub-şərqi Qafqazda yerləşir. Baş Qafqaz dağ silsiləsinin cənub yamacı ətəyi boyunca Qanıx-Əyriçay dağarası çökəkliyi, ondan cənuba isə geniş Ceyrançöl və Acınohur öndağlığı uzanır. Baş Qafqaz silsiləsi Bazardüzü dağından şərqə Azərbaycan ərazisi daxilində şimal-qərbdən (Tinovroso dağı) cənub-şərqə doğru uzanmaqla 4000 metrdən 1026 metrə qədər Kəmçi dağı alçalır. Azərbaycan və Dağıstan xalqları arasında tarixən gediş-gəliş, o cümlədən də ticarət əlaqələri Baş Qafqaz silsiləsinin Tinovroso (2800 m), Maçxalroso (2900 m), Malarasa (2865 m), Qudurdağ (2500 m), Dindidağ (2992 m), Attaqay (2657 m), Ağbulaq (3200 m), Qərbi Salavat (2832 m), Nohurlar (3250 m), Qdım (2906 m), Fiy (3104 m) və bir çox başqa aşırımlar vasitəsilə saxlanılmışdır. Kiçik Qafqazın Azərbaycan hissəsində Şahdağ (Qara-arxac -2901 m, Hinaldağ – 3367 m), Murovdağ Gamışdağ – 3724 m, Qarabağ (Böyük Kirs – 2725 m) sıra dağları və Qarabağ vulkanik yaylası (Böyük İşıqlı – 3552 m, Dəlidağ – 3616 m) relyefdə üstünlük təşkil edir. Naxçıvan MR ərazisində Dərələyəz (Küküdağ – 3120 m) və Zəngəzur sıra dağları (Qapıcıq dağı – 3904 m) uzanır. Hər iki sıra dağların qovuşağında Biçənək aşırımı (2346 m) yerləşir. Lənkəran ovalığı cənub-qərbdə Talış sıra dağları ilə (Gömürgöy – 2493 m) sərhədlənir. Bu dağların ön hissəsi boyu Burovar silsiləsi (914 m), mərkəz hissəsi boyu isə Peştəsər (2200 m) sıra dağları uzanır.

[redaktə / تحریر] Əhali

Əsas məqalə: Azərbaycan əhalisi


2011-ci il iyul ayına olan rəsmi məlumata əsasən Azərbaycan əhalisinin sayı 9,165,000 nəfər olmuşdur. Əhalinin 53,1 %-ni (4,866,615 nəfər) şəhər, 46,9 %-ni (4,298,385 nəfər) isə kənd sakinləri təşkil edir. O cümlədən, əhalinin 51 %-ni (4,674,150 nəfər) qadınlar, 49 %-ni (4,490,850 nəfər) kişilər təşkil edir. 2010-cu ildə əhalinin artım göstəricisi 1,3 % olmuşdur.

Əhalinin yaş strukturu aşağıdakı kimi səciyyələnir: əhalinin ümumi sayından 23 % 0-14 yaşda, 69 % 15-64 yaşda, 8 % isə 65 və yuxarı yaşda olanlardır. Əhalinin 29 % 18-34 yaşda olan gənclərdir, onların yarıdan bir qədər çoxu şəhərlərdə yaşayır.

Əhalinin orta yaşı 31 yaş təşkil edir.

[redaktə / تحریر] Din

Azərbaycanın dinləri ölkənin indiki ərazisində yaşayan xalqlar və etnik qruplar arasında yayılmış dini cərəyanların məcmusundan ibarətdir. Azərbaycan Respublikasında müxtəlif dini konfessiyalar fəaliyyət göstərir. Ən geniş yayılmış din islamdır. Azərbaycanlıların 96%-i müsəlmandır, ondan 85%-i şiə, 15%-i sünni məzhəbinə məxsusdur.[8] Digər dinlər bunlardır: xristianlıq və iudaizm. Xristianların əksəriyyəti rus pravoslav və gürcü pravoslav kilsəsinə məxsusdur. Yəhudilərin çoxu dağ yəhudiləri və əşkinazi yəhudiləridir.

"Dini etiqad azadlığı haqqında" Azərbaycan Respublikasının Qanunu (1992) hər bir şəxsin dinə münasibətini müəyyənləşdirmək və ifadə etmək hüququna və həmin hüququ həyata keçirməsinə təminat yaradır.

[redaktə / تحریر] Dil

Əsas məqalə: Azərbaycan dili


Azərbaycan Respublikası əhalisinin gündəlik ünsiyyət vasitəsi və rəsmi dövlət dili Azərbaycan dilidir.

Azərbaycan dili İran İslam Respublikasında Cənubi Azərbaycanda yaşayan 40 milyonluq Azərbaycanlının da ana dilidir. Rusiya-da, Amerika Birləşmiş Ştatları-nda, Türkiyə-də və Qərbi Avropa ölkələrində bir neçə milyon azərbaycanlı yaşayır. Bir neçə yüzilliklər ərzində müxtəlif ölkələrin sakinləri olmalarına baxmayaraq, bu gün də hansı ölkədə yaşamalarından asılı olmayaraq, Azərbaycanlılar bir-birlərini sərbəst anlayırlar. Beləliklə, yer üzündə hazırda Azərbaycan dilində danışan 60 milyondan çox adam yaşayır.

Azərbaycan dilinin fonem tərkibində 15 sait və 25 samit vardır.[9] Bu 40 fonem Azərbaycan əlifbasında 32 hərflə işarə edilir.

Hazırda Azərbaycanda latın qrafikası əsasında yaradılmış Azərbaycan əlifbasından istifadə edilir.

[redaktə / تحریر] Təhsil

[redaktə / تحریر] Universitetlər

Əsas məqalə: Azərbaycan Ali Təhsil Ocaqları


[redaktə / تحریر] Ərazisi

Azərbaycan Respublikasının ərazisi – 86,6 min km² (11,5% meşələr, 1,6% su hövzələri, 50,0% becərilən torpaqlar, o cümlədən 27,0% otlaqlar, 36,9% sair torpaqlar) təşkil edir.

Ölkə 39° 24', 41° 54' şimal en dairələri arasında və 44° 46', 50° 45' şərq uzunluğunda, paytaxt Bakı 40° paralel üzərində yerləşir.

Sərhədlərinin ümumi uzunluğu 3472 kilometrdir. Bunun 825 kilometri su sərhəddidir. Cənubdan İran-la 765 km, Türkiyə ilə 15 km (bəzi məlumatlarda 13 və ya 11 km.), şimaldan Rusiya ilə 391 km, şimali-qərbdən Gürcüstan ilə 471 km, qərbdən Ermənistan ilə 1007 km həmsərhəddir. Sahil xəttinin uzunluğu – 713 km, Bakıdan şimal qütbünə qədər olan məsafə 5550 km, ekvatora qədər olan məsafə isə 4440 km-dir. Azərbaycan Respublikası Cənubi Qafqazın şərq hissəsində, Xəzər dənizinin qərbi sahilində yerləşir.

Dəniz səviyyəsindən ən ucqar nöqtə Bazardüzü (4466 m.), ən aşağı nöqtə isə (-28 m.) Neftçala rayonu ərazisindədir. Orta yüksəklik 657 m-dir.

[redaktə / تحریر] Azərbaycanın şəhər və rayonları

Azərbaycan (Azərbaycan)
Red pog.png
Flag of Azerbaijan.svg
Coat of arms of Azerbaijan.svg
Bild.gifİşğal altında olan Azərbaycan şəhərləri

[redaktə / تحریر] Paytaxt

Əsas məqalə: Bakı


Bakı Abşeron yarımadasının cənubunda, Xəzər dənizinin sahilində yerləşir, onun ərazisi 2200 kv km, əhalisinin sayı 3 milyona yaxındır. Bundan başqa hazırda Bakı şəhərində erməni qəsbkarlarının işğal etdiyi rayonlardan və Ermənistan Respublikasından qovulmuş 500 minə yaxın qaçqın və məcburi köçkünlər yaşayır.

Bakı özündə 11 inzibati rayonu, 5 şəhər tipli qəsəbəni birləşdirir.

[redaktə / تحریر] Tarix

Əsas məqalə: Azərbaycan tarixi

1989-cu ildən bəri davam edən silahlı münaqişəyə səbəb olmuşdur. Hal – hazırda Dağlıq Qarabağ və ona bitişik rayonlar Erməniştanın işğalı altındadır.İşğal altında olan ərazi Azərbaycanın ümumi ərazisinin 20%-ni təşkil edir. Silahlı münaqişə nəticəsində Dağlıq Qarabaq və 7 ətraf rayonun 1 000 000-a yaxın azərbaycanlı əhalisi öz yaşayış yerlərini tərk etmiş, 24 000 -dən çox adam qətlə yetirilmiş, 50 000 nəfər yaralanmış və ya şikəst olmuşdur. Hazırda ölkələr arasında 1994-cü ildə imzalanmış atəşkəs qüvvədə olsa da erməni tərəfin muntəzəm olaraq atəşkəsi pozması nəticəsində 10000-ə qadər azərbaycanlı həlak olmuşdur.

Hərbi təcavüz zamanı ələ keçirilmiş Azərbaycan ərazilərində 927 kitabxana, 464 tarixi abidə və muzey, 100-dən çox arxeoloji abidə, 6 dövlət teatrı və konsert studiyası dağıdılmışdır. Talan edilmiş muzeylərdən 40 mindən çox qiymətli əşya və nadir eksponat oğurlanmışdır.

Ermənistan Respublikası "Hərbi münaqişələr zamanı mədəni sərvətlərin qorunması haqqında" Haaqa Konvensiyasının və "Mədəni sərvətlərin qeyri-qanuni dövriyyəsi haqqında" Paris Konvensiyasının müddəalarını kobudcasına pozaraq Azərbaycanın mədəni sərvətlərini talamaqla məşğuldur.

Birləşmiş Millətlər Təşkilatının Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrində Azərbaycan Respublikasının ərazi bütövlüyünün tanınmasına və işğal olunmuş Azərbaycan ərazilərinin qeyd-şərtsiz azad edilməsi tələblərinə baxmayaraq, Ermənistan Respublikası bu gün də işğalçılıq siyasətini davam etdirir.

Bununla belə 1813-cü ildə Gülüstan müqaviləsi və 1828-ci ildə Türkmənçay müqaviləsinin imzalananması ilə Azərbaycan yenə də bölünməyə məcbur qalmışdır.Bu müqavilələr Azərbaycan xalqının həyatında faciəli rol oynamışdır.

[redaktə / تحریر] Dövlət quruluşu

Azərbaycan Respublikasında qanunvericilik hakimiyyətini həyata keçirən orqan Milli Məclis, icra hakimiyyətini həyata keçirən Prezident, Məhkəmə hakimiyyətini həyata keçirən orqan Azərbaycan Respublikasının məhkəmələridir.

Azərbaycan Respublikasının Konstitusiya ilə müəyyən edilmiş unitarlığı spesifikliyə malikdir. Bu da onun tərkibində Naxçıvan Muxtar Respublikası-nın dövlət hakimiyyəti statusuna malik olmasıdır. Konstitusiyaya görə Naxçıvan Muxtar Respublikası Azərbaycan Respublikasının tərkibində muxtar dövlətdir. Orada qanunverici hakimiyyəti Naxçıvan Muxtar Respublikasının Ali Məclisi, icra hakimiyyətini Naxçıvan Muxtar Respublikasının Nazirlər Kabineti, məhkəmə hakimiyyətini Naxçıvan Muxtar Respublikasının məhkəmələri həyata keçirir. Naxçıvan Muxtar Respublikasında ali vəzifəli şəxs Ali Məclisin sədridir.

[redaktə / تحریر] Dövlət rəmzləri

Azərbaycan Respublikasının dövlət rəmzləri: Azərbaycan Respublikasının Dövlət Bayrağı, Azərbaycan Respublikasının Dövlət gerbi və Azərbaycan Respublikasının Dövlət Himnidir.

Azərbaycan Respublikasının Dövlət Bayrağı bərabər enli üç üfüqi zolaqdan ibarətdir. Yuxarı zolaq mavi, orta zolaq qırmızı, aşağı zolaq yaşıl rəngdədir və qırmızı zolağın ortasında bayrağın hər iki üzündə ağ rəngli aypara ilə səkkizguşəli ulduz təsvir edilmişdir. Bayrağın eninin uzunluğuna nisbəti 1:2-dir.

Azərbaycan Respublikası Dövlət Bayrağının və Azərbaycan Respublikası Dövlət gerbinin təsviri, Azərbaycan Respublikası Dövlət Himninin musiqisi və mətni ölkə Konstitusiyası ilə müəyyən edilir.

[redaktə / تحریر] İqlim

Ölkənin relyefi kimi iqlim şəraiti də çox müxtəlifdir. Bu müxtəliflik ilk növbədə Azərbaycan ərazisinin mülayim və subtropik iqlim qurşaqlarının qovuşduğu sahədə yerləşməsi ilə əlaqədardır.

İqlim əmələ gətirən amillərə günəş radiasiyası və atmosfer sirkulyasiyası daxildir. Bunlarla bərabər, coğrafi enlik, relyef xüsusiyyətləri, dəniz və okean cərəyanları və s. amillər də iqlim əmələ gəlməsinə böyük təsir göstərir.

Bu amillər birlikdə iqlimin əsas ünsürlərinin – temperatur, rütubət, külək və s.-in paylanmasını müəyyən edir.

Azərbaycan Respublikasının əksər ərazisi subtropik iqlim qurşağında, yalnız Böyük Qafqaz dağlarının şimal-şərqi mülayim iqlim qurşağında yerləşir.

Böyük Qafqaz dağları şimaldan gələn soyuq hava kütlələrinin, Kiçik Qafqaz dağları isə cənubdan gələn isti quru tropik hava axınlarının qarşısını kəsir, onların təsirini zəiflədir. Xəzər dənizi respublikamızın iqliminin mülayimləşməsinə təsir göstərir.

[redaktə / تحریر] İqtisadiyyat

Əsas məqalə: Azərbaycan iqtisadiyyatı
10 iqtisadiyyat bölmələri

Azərbaycan Respublikasının milli pul vahidi olan manat 1992-ci il avqustun 15-də Prezident Əbülfəz Elçibəy tərəfindən dövriyyəyə buraxılmışdır. 2006-cı il yanvarın 1-dən ölkədə köhnə manatla (AZM) bərabər yeni manat (AZN) da dövriyyəyə buraxılıb (1 AZN = 5000 AZM). Xırda pul qəpik adlanır və 1 manat 100 qəpiyə bərabərdir. Hazırda köhnə manat əskinasları tamamilə dövriyyədən çıxarılıb.

Azərbaycan Respublikasına aid son (31 dekabr 2010-cu ilə olan məlumata əsasən) göstəricilər[10] :

  • Əhalinin sayı : 9,111,100 nəfər .
  • Ümumi daxili məhsul  : 41,574,700,000 manat və ya 51,799,900,000 ABŞ dolları .
  • Adambaşına ümumi daxili məhsul  : 4653,3 manat və ya 5797,8 ABŞ dolları .

[redaktə / تحریر] Dövlət bayramları və xüsusi günlər

Əsas məqalə: Azərbaycanın dövlət bayramları və xüsusi günləri

[redaktə / تحریر] Rəsmi

Bayram Tarix
Yeni İl Bayramı 1 yanvar
Beynəlxalq Qadınlar Günü 8 mart
Novruz bayramı 20 mart-21 mart
Respublika Günü 28 may
Milli Qurtuluş günü 15 iyun
Silahlı Quvvələr Günü 26 iyun
Dövlət Mustəqilliyi Günü 18 oktyabr
Dövlət Bayrağı Günü 9 noyabr
Konstitusiya Günü 12 noyabr
Milli Dirçəliş Günü 17 noyabr
Dünya Azərbaycanlılarının Həmrəyliyi günü 31 dekabr

[redaktə / تحریر] Dini bayramlar

[redaktə / تحریر] Xüsusi günlər

  • 20 yanvar – Ümumxalq hüzn günü ( Sovet Ordusunun Azərbaycan xalqına qarşı törətdiyi qırğın,20 yanvar 1990-cı il )
  • 26 fevral – Xocalı soyqırımı günü
  • 31 mart – Azərbaycanlıların soyqırımı günü

[redaktə / تحریر] Şəkillər

[redaktə / تحریر] Həmçinin bax

[redaktə / تحریر] İstinadlar

  1. ↑ 1,0 1,1 Azərbaycan Dövlət Statistika Komitəsi :Azərbaycan Rəqəmlərdə
  2. ↑ http://news.day.az/society/282609.html
  3. ↑ Azərbaycan Dövlət Statistika Komitəsi : 1.1. Əhalinin sayının dəyişilməsi
  4. ↑ Эксперты: Российско-азербайджанская граница закрепит статус разделенных народов
  5. ↑ Иран — Общие сведения о стране
  6. ↑ США и Россия разыграют новый "кавказский гамбит". Теперь — в Азербайджане
  7. ↑ http://news.day.az/politics/295243.html
  8. ↑ Administrative Department of the President of the Republic of Azerbaijan – Presidential Library – Religion (Azərbaycan Respublikası Prezidentinin İşlər İdarəsi. Prezident Kitabxanası)
  9. ↑ Azərbaycan Respublikasının Prezidenti yanında Dövlət Qulluğu məsələləri üzrə Komissiya : Azərbaycan dili
  10. ↑ Azərbaycan Dövlət Statistika Komitəsi : Ümumi daxili məhsul

[redaktə / تحریر] Xarici keçidlər

Vikimedia Commonsda Azərbaycan ilə əlaqədar müxtəlif fayllar var.
g • m • r
Türk dövlətləri və Muxtar Türk Qurumları

Azərbaycan bayrağı Azərbaycan •  Flag of Gagauzia Qaqauz (Moldova) •  Qazaxıstan bayrağı Qazaxıstan •  Özbəkistan bayrağı Özbəkistan •  

Flag of the Altai Republic Altay Respublikası •  Flag of Tuva Tuva •  Flag of Bashkortostan Başqırdıstan •  Flag of Kabardino-Balkaria Kabardin-Balkar •  Flag of Tatarstan Tatarıstan •  Flag of Kabardino-Balkaria Şərqi Türküstan •  Flag of Khakassia Xakasiya •  Flag of Chuvashia Çuvaşıstan •  Flag of Karachay-Cherkessia Qaraçay-Çerkesiya •  Türkiyə bayrağı Türkiyə •  Qırğızısıtan bayrağı Qırğızıstan •  Flag of the Turkish Republic of Northern Cyprus.svg Şimali Kipr Türk Respublikası •  Flag of Karakalpakstan Qaraqalpaq (Özbəkistan) •  Flag of Turkmenistan.svg Türkmənistan •  Flag of the Sakha Republic Saxa Respublikası
g • m • r
Avropa ölkələri
Albaniya  • Almaniya  • Avstriya  • Azərbaycan  • Belarus  • Belçika  • Bolqarıstan  • Bosniya və Herseqovina  • Böyük Britaniya  • Çexiya  • Danimarka  • Ermənistan  • Estoniya  • Finlandiya  • Fransa  • Gürcüstan  • Xorvatiya  • İrlandiya  • İslandiya  • İspaniya  • İsveç  • İsveçrə  • İtaliya  • Kipr Respublikası  • Kosovo  • Latviya  • Litva  • Lixtenşteyn  • Lüksemburq  • Macarıstan  • Makedoniya  • Malta  • Moldova  • Monako  • Monteneqro  • Niderland  • Norveç  • Polşa  • Portuqaliya  • Rumıniya  • San-Marino  • Serbiya  • Slovakiya  • Sloveniya  • Şimali Kipr Türk Respublikası  • Türkiyə  • Vatikan  • Yunanıstan EU members and candidates
g • m • r
Müstəqil Dövlətlər Birliyi
MDB üzvləri Azərbaycan bayrağı Azərbaycan  • Belarus bayrağı Belarus  • Ermənistan bayrağı Ermənistan  • Qazaxıstan bayrağı Qazaxıstan  • Qırğızısıtan bayrağı Qırğızıstan  • Moldova bayrağı Moldova  • Özbəkistan bayrağı Özbəkistan  • Flag of Russia.svg Rusiya  • Tacikistan bayrağı Tacikistan Flag of the CIS.svg
MDB-nin müşahidəçi üzvləri Türkmənistan bayrağı Türkmənistan (MDB-nin nizamnaməsini təsdiq etməyib)
MDB-nin faktiki üzvləri Ukrayna bayrağı Ukrayna (MDB-nin nizamnaməsini təsdiq etməyib)
MDB-ni tərk edənlər Flag of Georgia.svg Gürcüstan (3 dekabr 1993 — 18 avqust 2009)
g • m • r
Xəzər dənizi ölkələri

Azərbaycan bayrağı Azərbaycan  ·  İran bayrağı İran  ·  Qazaxıstan bayrağı Qazaxıstan  ·  Flag of Russia.svg Rusiya  ·  Türkmənistan bayrağı Türkmənistan
Latin
بو مقاله، تورک-عرب الیفباسینداکی آزربایجان رئسپوبلیکاسی مقاله سینین قارشیلیغی دیر.


Koordinat: 40° 6' Şm, 47° 19' Şq

Mənbə — "http://az.wikipedia.org/w/index.php?title=Az%C9%99rbaycan&oldid=2010068"
Alətlər sandığı
Variantlar
Görünüş
Hərəkətlər
Bələdçi
Xüsusi
Alətlər sandığı
Başqa dillərdə