Avstriya

Vikipediya, açıq ensiklopediya
Keçid et: naviqasiya, axtar

Bu məqalənin azərbaycan dili əlifbasının ərəb qrafikası ilə qarşılığı vardır. Bax: اوتریش

Avstriya Respublikası
Republik Österreich
Avstriya bayrağı Avstriya gerbi
Bayrağı Gerbi
Himn: "Land der Berge, Land am Strome"
Avstriya – xəritədə yeri
Paytaxt Vyana
Böyük şəhərlər Vyana -1 720 min sakin
Rəsmi dil alman dili və s.
Etnik qruplar avstriyalılar-91%, keçmiş yuqoslavlar -4%, türklər -1,6%, almanlar -0,9%.
İdarəetmə forması Parlament respublikası
Prezident Haynz Fişer[8.VII.2004 ~]
Kansler Verner Fayman[2.XII.2008 ~]
'
Aİ-yə qəbul 1 Yanvar 1995
Ərazi
• Ümumi
• Su sahəsi (%-lə)

83 871[1] km² (114-cü yer)
1,7
Əhali
• Təxmini sayı (2014)
• Siyahıyaalma (15.V.2001)
Əhali sıxlığı

8 340 min [2] nəfər (94-cü yer)
8 032 926[3] nəfər
99 nəfər/km²
ÜDM (AQP)
  • Cəmi (2013-ci il)
  • Adam başına

$361 milyard  (38 yer)
$42 600  (21-ci yer yer)
İnsan inkişafı indeksi (2013) 0,895  (çox yüksək) (18-ci yer)
Pul vahidi Avro (EUR)
Saat qurşağı UTC+1 (UKV)
İnternet domeni .at, .eu
Telefon kodu +43

Avstriya (almanca: Österreich), rəsmi adı Avstriya Respublikası (almanca: Republik Österreich) – Mərkəzi Avropada bir dövlət. Dövlətin adı qədim alman dilindən tərcümədə Ostarrichi — " şərqi ölkə " deməkdir.

Şimaldan Çexiya (362 km sərhəd uzunluğu), şərqdən Slovakiya(91 km) və Macarıstan (366 km), cənubdan Sloveniya (330 km) və İtaliya (430 km), qərbdən İsveçrə (164 km), Lixtenşteyn (35 km) və Almaniya (784 km) ilə həmsərhəddir.

Paytaxtı Vyana şəhəridir. Ölkə 9 federal torpaqdan və ya vilayətdən (Aşağı Avstriya, Burqenland, Forarlberq, Karintiya, Ştiriya, Tirol, Yuxarı Avstriya, Vyana və Zaltsburq) ibarətdir.

Dövlət bayrağındakı qırmızı rəng Avstriya Respublikasının azadlığı və müstəqilliyi üçün tökülən qan, ağ rəng isə qərbdən şərqə axan Dunay çayının rəngidir.Avstriya bayrağı dünyanın ən qədim dövlət simvollarından biridir.

Tarixi[redaktə]

Əsas məqalə: Avstriya tarixi

Çox köhnə tarixlərdən bəri insanların yaşadığı bu ölkə, əsrlərlə Romalıların işğalında olmuşdur. Almaniya ilə birgə olan Avstriyaya 803 ildə Şarlman tərəfindən "Şərq Marklığı" adı verildi. Bununla da o German İmperiyasının bir hissəsi kimi quruldu.

Daha sonra hakimiyyətə keçən Habsburg Qraflıqı ölkənin ərazisini genişləndirdi. XV əsrdə Avropanın və xristianların ən güclü dövləti olan Avstriya, Osmanlılara qarşı arxası kəsilməyən hücumlara liderlik etmişdir. XVİ əsrdən başlayaraq Osmanlı dövləti müxtəlif səfərlər ilə 1529-cu ildə Macarıstanı, daha sonra isə 1540-ci ildə Avstriyanı məğlub etdi, İmperator I. Ferdinand , Macarıstanın Osmanlı dövlətinə verilməsi və 30 min duka qızılı vergi vermək şərtləri ilə bir andlaşma imzaladı. Bununla da Avstriyanın hücumları sona çatdı.

Osmanlı-Müqəddəs İttifaq döyüşləri nəticəsində Osmanlı dövləti ndən ayrılan Macarıstan ilə birləşən Avstriya Avstriya-Macarıstan İmperiyasını qurdu.Avstriya Birinci dünya müharibəsində parçalanan Avstriya-Macarıstan İmperiyasından ayrılaraq müstəqil dövlət qurdu.Muharibədən sonra Almaniya ilə birləşmək istəməsinə baxmayaraq, qalib dövlətlər buna razılıq vermədilər.

Avstriya Respublikası İkinci dünya müharibəsi ərəfəsində Hitler tərəfindən 1938-ci ildə də Almaniyaya birləşdirildi. Muharibədən sonra Almaniyanın məğlub olması ilə Avstriya Amerika Birləşmiş Ştatları, SSRİ, Böyük BritaniyaFransa tərəfindən işğal edildi. 1955-ci ildə bu dövlətlərlə bağlanan sülh müqaviləsi nəticəsində dövlət birləşdirildi və müttəfiq dövlətlərin qoşunları oradan çıxarıldı.

Coğrafiya[redaktə]

IMG 9039-Innsbruck.JPG

Avstriya Qərbdə Konstans Gölündən şərqdə Neusiedl Gölünə qədər uzanır. Ən şərq nöqtəsindən ən qərb nöqtəsinin uzaqlığı 570 kilometr, ən şimal nöqtəsindən ən cənub nöqtəsinin uzaqlığı təxminən 300 kilometrdir. Şərq Alplar üzərində qurulmuş olan ölkənin aşağı yuxarı dörddə üçü dağlıq ərazidir. Şimalda ölkəni qərbdən şərqə qət edən Tuna Çayının ölkədəki uzunluğu 350 kilometrdir. Bu qisimlər ən alçaq yerlərdir. Alplar Avstriyada ölkəni qərbdən şərqə doğru üç sıra halında örtmüşlər. Ölkənin ən yüksək dağı 3798 m ilə "Gross Glockner"dir. Göllər baxımından çox zəngin olmasına baxmayaraq bu göllər çox kiçikdir. Ən böyük gölü Neusiedl Gölüdür ki, sahə 320 km² dir. Bunun bir qisimi də Macarıstana aiddir.

İqlim[redaktə]

Avstriyanın böyük hissəsi, yer və okean təsirləri göstərən, orta-Avropa keçiş iqliminin təsiri altındadır. Sıx yağmur və Qərb küləyi iqlimi təsir edən əhəmiyyətli faktorlardır. Alp bölgəsinin özünə aid bir iqlim xüsusiyyəti vardır. Bu bölgədə yazlar sərin, qışlar bol qar yağmurludur. Burada illik yağmur 3000 mm səviyyəsinə çatır. Ölkənin şimal və qərbini təsiri altına alan okean təsiri səbəbiylə bu bölgələrdə yağmurlar daha aşağı (illik 2000 mm) və il içində istilik fərqliləşmələri daha stabildir. Qışlar bu bölgələrdə nisbi olaraq yumşaq və yazlar da isti keçir. Salzburgda ortalama istilik Yanvar ayında -2 °C İyulda 18 °C'dir. Ölkənin şərqində yer iqlim suverendir. Bu bölgədə qışlar çox sərt və yağışlı keçər. Yağmurlar ümumiyyətlə qarlı şəklində olub, alçaq yerlərdə yağış halında olar. Hava istiliyi qışda ümumiyyətlə 0 °C'ın altında olur. Bu zamanda da daymi hava açıq və aydın olduğundan qış idmanlarına əlverişlidir. Ortalama istilik Yanvar ayında -4 °C, İyul ayında 18 °C'dir. Bu bölgədə illik yağmur nisbəti 600 mm ətrafındadır. Tuna Çayı qış aylarında donduğundan, nəqliyyatın axsamaması üçün buz qırma işləri davamlı edilər. Yüksəklərdə fırtınalar bəzən çox şiddətli olar. Quru iqlimi xüsusiyyətindən ötəri yaz ayları isti keçir. İstilik ortalaması 20 °C'ın üzərindədir. Bu mövsümdə az miqdarda da olsa yağmur yağır.

Vorderhopfreben Üntschenspitze 1.jpg

Meşə örtüyü və heyvanat aləmi[redaktə]

Ölkənin cəmi sahəsinin yarıya yaxını meşəlikdir. Şimal Alpların ön bölgəsini daha çox palıd və qayın ağaclarının hakim olduğu meşələr əhatə edir. Waldviertel və Hausruck bölgələriylə mərkəzi Alpların şərq qisimi qayın, palıd, akçaağaç, ladin ağırlıqlıdır. Avstriyanın ən əhəmiyyətli ətraf problemi sənaye, turizmin gətirib çıxardığı sıx trafik və ətraf ölkələrin ətraf çirkliliyinin böyük iştirak etdiyi turşu yağışıdır. Meşəlik sahənin dörddə biri bu problemdən təsirlənməkdədir və kimi bölgələrdə ağac sayında sürətli bir azalma müşahidə edilməkdədir. Sıx əkinçilik, elektrik enerjisi əldə etmək üzrə edilən anbarlar və meşələrin azalmasıyla ortaya çıxan ozon qatının deşilməsi ölkənin digər əhəmiyyətli ətraf problemləridir. Avstriyanın heyvanlar dünyası Orta Avropanın müxtəlifliyini göstərər. Dağlıq bölgələrin tipik növləri dağ keçiləri və dağ siçanlarıdır. Meşələrdə ayrıca cüyür, və çöl donuzları da yaşayır .Ölkədə 1997-ci ildən bəri qoruma altında olan iki cins ayı növləri yaşamaqdadır. Ölkənin şərqində tarla siçanı və tarla sincabına rast gəlinər. Ölkənin cəmi sahəsinin % 24 təbii qoruma altındadır. Avstriyada üç təbii park, yüzlərlə də qoruma sahəsi və vətəqələr mövcütdur. Avstriya konstitusiyasına görə ölkə demokratik federal bir respublikadır. Burgenland, , Aşağı Avstriya, Yuxarı Avstriya, Salzburg, Steiermark, Tirol, Vorarlberg və Viyana olmaq üzrə doqquz əyalətdən meydana gəlməkdədir.

Şəhərlər[redaktə]

Təhsil[redaktə]

Əsas məqalə: Avstriyada ali təhsil

Ali təhsil[redaktə]

Avstriyada fəaliyyət göstərən 23 cəmiyyət və 11 özəl ali məktəblərdə təhsil almaq üçün bütün şərait yaradılıb. Bu ali təhsil ocaqları çox geniş spektrda təhsil almaq imkanı verir. Qeyd edək ki, 2001-ci ildə Avstriyada ali məktəblərdə ləğv olunan pulsuz təhsil 2009-cu ildən Avropa ittifaqı və bir sıra digər ölkələrin vətəndaşları üçün (Azərbaycan da daxil olmaqla) yenidən bərpa olundu.

Avstriyanın paytaxtı Vyanada 13 universitet fəaliyyət göstərir.

Avstriyada ali təhsil müəssisələri sırasına universitet, incəsənət universitetləri, kolleclər (bu təhsil müəssisələrində müəllimlər və sosial işçilər kimi mütəxəssislər hazırlanır) və digər ali məktəblər daxildir. Ali məktəblərdə tələbələrə ümumi nəzəri biliklər verilir. Praktiki təcrübə və bacarıqlar əmək fəaliyyəti dövründə əldə edilir.

Avstriyada bütün universitetlər dövlət tərəfindən maliyyələşdirilir. Universitet əməkdaşları və müəllimlər dövlət qulluqçusu hesab olunurlar. Universitetlər federal büdcədən maliyyələşir.

1994-cü ildən ölkədə tətbiqi elmlər universitetləri fəaliyyətə başlayıb. Bu ali təhsil müəssisələrinin fəaliyyətinə Avstriyanın elm və tədqiqat naziri tərəfindən on altı nəfər ekspertdən təşkil olunmuş müstəqil agentlik nəzarət edir. Tətbiqi elmlər universitetlərinin təhsil proqramları digər ali məktəblərin təhsil proqramlarından fərqlənir. Bu universitetlərin təhsil proqramlarında peşə təhsili ali təhsil səviyyəsində öyrənilir və əmək bazarının tələbləri daha çox nəzərə alınır.

Müəyyən olunmuş vaxt ərzində ali təhsil proqramlarını mənimsəyən Avstriya və Avropa ölkələrinin vətəndaşları üçün ali təhsil ödənişsizdir. Universitetlərdə verilən bakalavr, magistr və doktor dərəcələri ABŞ, Kanada və digər Avropa ölkələrindəki müvafiq dərəcələrə uyğundur.

Hazırda Avstriyada 22 ali təhsil müəssisəsi, 18 tətbiqi elmlər universiteti, 11 özəl universitet fəaliyyət göstərir. 1365-ci ildə təsis olunmuş Vyana Universiteti Avropada qədim tarixi ənənələrə malik olan ikinci ən böyük universitet hesab olunur. Ali təhsil müəssisələrində dərs ili 8-12 semestrdən ibarət olur. Qış semestri oktyabrın 1-dən, yay semestri isə martın 1-dən başlayır. Hər bir semestrin sonunda imtahan verilir. Son kursda tələbələrdən diplom işi yazmaq tələb olunur.

Akkreditasiya Şurası tam müstəqil qərarvermə hüququna malikdir. Bu qurum özəl universitetlərin, akademik proqramların, akkreditasiyadan keçmiş özəl universitetlərin yenidən akkreditasiyası və onların fəaliyyətinə nəzarət məsələlərini həyata keçirir.

Ən məşhur ali təhsil müəssisələrinin sırasına Vyana Universiteti, Vyana Tibb Universiteti, Təbii Resurslar və Tətbiqi Həyat Elmləri Universiteti, Vyana İqtisadiyyat və Biznes Administrasiyası Universiteti, Vyana Tətbiqi İncəsənət Akademiyası, Vyana Musiqi Universiteti daxildir.

Avstriya ali məktəblərində kifayət qədər əcnəbi tələbələr təhsil alır. Ölkə universitetlərində oxumaq istəyən əcnəbilərdən alman dilini yüksək səviyyədə bilmək, orta məktəbi bitirmək haqqında sertifikat və sağlamlıq haqqında arayış tələb olunur.

Avstriya universitetləri digər inkişaf etmiş ölkələrdə olduğu kimi, ən yüksək səviyyəli elmi-tədqiqat qurumları hesab olunur. 2004-cü ildən universitetlərin hamısı elmi-tədqiqat işlərində və təhsil fəaliyyətlərində muxtar status qazanıb, tam müstəqil hüquqi qurum kimi fəaliyyət göstərirlər.

Siyasət[redaktə]

Dövlət Başçısı, Federal Respublika başçısı sifəti daşıyar. Konstitusiya, altı illik bir dövrə üçün dövlət başçısının xalq tərəfindən seçilməsini şərt qaçmışdır. Federal Respublika başçısı xarici məsələlərdə dövləti təmsil edir. Razılaşma və qanunları imzalar Başçı eyni zamanda məclisi toplayır ləğv edər və tətilə göndərə bilər. Avstriyanın bu andakı baş naziri (Almanca: Bundeskanzler) Avstriya İctimai Demokratik Partiyası (SPÖ) üzvü Werner Faymanndir.

Hökumət başçısı isə Şansölye olaraq da bilinən Federal Baş nazirdir.

Viyanada da parlament binası

Parlament iki kameralıdır: Bundesrat (Əyalətlər Məclisi), əyalət parlamentləri tərəfindən seçilən 62 millət vəkilindən; Nationalrat (Milli Məclis) isə doğrudan seçilən 183 üzvdən meydana gəlməkdədir. Nationalrat namizədlərinin ən az 19 yaşını doldurma şərti vardır. Bundesratda hansı əyalətin neçə parlamentarla təmsil ediləcəyi, əyalətin əhalisinə bağlı olaraq təyin olunar. Bu məclis yalnız məsləhətçi funksiyasına sahib olmasına qarşı, kimi qanunların çıxmasını gecikdirə bilər. Avstriyada səs vermə yaşı 16-dan başlayır.

Əhali[redaktə]

  • Rəsmi siyahıyaalmalara əsasən Avstriya əhalisi:
    1869-cu il s.a. əsasən: 4,497,880[4][5] nəfər
    1880-ci il s.a. əsasən: 4,963,528[4][5] nəfər
    1890-cı il s.a. əsasən: 5,417,360[4][5] nəfər
    1900-cü il s.a. əsasən: 6,003,845[4][5] nəfər
    1910-cu il s.a. əsasən: 6,648,310[4][5] nəfər
    1923-cü il s.a. əsasən: 6,534,742[4][5] nəfər
    1934-cü il s.a. əsasən: 6,755,318[4][5] nəfər
    1939-cu il s.a. əsasən: 6,652,567[4][5] nəfər
    1951-ci il s.a. əsasən: 6,933,905[4][5] nəfər
    1961-ci il s.a. əsasən: 7,073,807[4][5] nəfər
    1971-ci il s.a. əsasən: 7,491,526[4][5] nəfər
    1981-ci il s.a. əsasən: 7,555,343[4][5] nəfər
    1991-ci il s.a. əsasən: 7,795,786[4][5] nəfər
    2001-ci il s.a. əsasən: 8,032,926[4][5] nəfər
    2006-cı il s.a. əsasən: 8,281,295[5] nəfər

Vətəndaşlıq[redaktə]

  • 15 may 2001-ci il rəsmi əhali siyahıyaalınmasının yekunlarına əsasən:
    Avstriyanın ümumi əhalisi: 8,032,926 nəfər olmuşdur.[3] Onlardan:
    Avstriya vətəndaşlarının sayı: 7,322,000 nəfər olmuşdur.[3] Onlardan:
    Avstriyada doğulanların sayı: 6,913,512[3] nəfər
    Xaricdə doğulanların sayı: 408,488[3] nəfər
    Xarici ölkələrin vətəndaşlarının sayı: 710,926 nəfər olmuşdur.[3] Onlardan:
    Avstriyada doğulanların sayı: 116,015[3] nəfər
    Xaricdə doğulanların sayı: 594,911[3] nəfər
  • 1 yanvar 2012-ci il tarixinə olan rəsmi məlumata əsasən Avstriya əhalisi 8,443,018[2] nəfərdir. Onlardan 7,472,477[2] nəfəri Avstriya vətəndaşları, 970,541[2] nəfəri isə xarici ölkələrin vətəndaşlarıdır. Bütün Avstriya əhalisinin təxminən 11,5%-ini təşkil edən xarici vətəndaşlardan 390,464 nəfəri (onlardan 212,297 nəfəri AB-nə 2004-cü ildən əvvəl daxil olan 14 ölkənin vətəndaşları, 116,755 nəfəri 2004-cü ildə AB-nə daxil olmuş 10 ölkənin vətəndaşları, 61,412 nəfəri isə 2007-ci ildə AB-nə daxil olmuş Bolqarıstan və Rumıniyanın vətəndaşları olmaqla) Avropa Birliyi ölkələrinin vətəndaşları (2004-cü ilədək Avstriya daxil olmaqla Avropa Birliyinə 15 ölkə daxil idi), 296,377 nəfəri keçmiş Yuqoslaviya ölkələrinin vətəndaşları (Sloveniya vətəndaşları istisna olmaqla, beləki Sloveniya 2004-cü ildə AB-nə daxil olmuşdur), 114,011 nəfəri Türkiyə vətəndaşları, 69,060 nəfəri Asiya qitəsində yerləşən ölkələrin vətəndaşları, 100,629 nəfəri isə dünyanın digər müxtəlif ölkələrindən olan vətəndaşlardır.[6][7]
  • 1 yanvar 2012-ci ilə olan rəsmi məlumata əsasən 8,443,018 nəfər olan Avstriya əhalisinin 7,094,012 nəfərini Avstriyada doğulanlar, 1,349,006 nəfərini isə digər ölkələrdə doğulanlar təşkil edir.[3]
    Avstriya vətəndaşı olan 7,472,477 nəfər əhalinin 6,949,643 nəfəri Avstriyada doğulmuş, 522,834 nəfəri isə xarici ölkələrdə doğulmuşdur.[3]
    Avstriya vətəndaşı olmayan 970,541 nəfər əhalinin 144,369 nəfəri Avstriyada doğulmuş, 826,172 nəfəri isə xarici ölkələrdə doğulmuşdur.[3]

Yaş və cins[redaktə]

  • 2011-ci ilə olan rəsmi təxminə əsasən Avstriya əhalisi 8,420,900 nəfər (4,105,493 nəfəri kişilər, 4,315,407 nəfəri qadınlar) olmuşdur.[8][9] Onlardan 0-14 yaş qrupunda olanlar 1,229,408 nəfər, 15-64 yaş qrupunda olanlar 5,705,051 nəfər, 65 yaş və yuxarı yaşda olanların sayı isə 1,486,441 nəfər olmuşdur.[8] Əhalinin 68%-i şəhərlərdə yaşayır. 2001-ci il siyahıyaalınmasına əsasən ölkə əhalisinin 1 km²-ə düşən orta sıxlığı təxminən 95,8 nəfərdir. Alp dağlarının geniş bölgələrində əhali çox azsayda yerləşmişdir. 2011-ci ilə olan məlumatlara əsasən əhalinin illik təbii artımı hər min nəfərə orta hesabla 3 nəfərdir.[10] Əhalinin orta ömrü hər iki cinsdən toplam əhali üçün 79,91 ildir.[11]

Milli tərkib və dil[redaktə]

Avstriya Konstitusiyasına görə alman dili Avstriya Respublikasının dövlət dilidir. 2001-ci il siyahıyaalınmasına əsasən alman dili Avstriya Respublikası vətəndaşlarının 95,48%-inin ana dilidir.[12] Söz tərkibi və tələffüzünə, eləcə də qrammatik quruluşuna görə, Avstriya almancası Almaniyada Bavariya vilayətində və İsveçrədə istifadə edilən almanca ilə oxşardır. 1951-ci ildə Avstriya Federal Təhsil Nazirliyinin təşəbbüsü ilə buraxılan Avstriya Lüğətində Avstriya almancasının əsas söz ehtiyatı öz əksini tapıb.

  • Milli azlıqlar: ölkədə yaşayan etnik qruplardan 6-sı - Burqenland xorvatları, slovenlər, çexlər, slovaklar, macarlar və qaraçılar avtoxton etnik qruplar olaraq rəsmən tanınmış milli azlıqlardır.[13] Burqenland vilayətində alman dili ilə yanaşı xorvat və macar dilləri, Karintiya vilayətində isə alman dili ilə yanaşı sloven dili də rəsmi statusa malikdir, belə ki xorvat və macar dillərinin Burqenland vilayətində, sloven dilinin isə Karitinya vilayətində məktəblərdə tədris olunma və dövlət idarələrində sənədləşmədə istifadə olunma hüququ vardır.
Avstriya əhalisinin ana dili əsasında milli tərkibi, 2001 s.a.[12]
Ana dili Toplam Vətəndaşlar Əcnəbilər
toplam 8 032 926 7 322 000 710 926
almanca 7 115 780 6 991 388 124 392
türkcə 183 445 60 028 123 417
serbcə 177 320 41 944 135 376
xorvatca 131 307 25 820 105 487
ingiliscə 58 582 33 427 25 155
macarca 40 583 25 884 14 699
boşnakca 34 857 3 306 31 551
polyakca 30 598 12 699 17 899
albanca 28 212 3 766 24 446
slovencə 24 855 17 953 6 902
burqenland xorvatcası 19 412 19 374 38
çexcə 17 742 11 035 6 707
ərəbcə 17 592 9 610 7 982
rumınca 16 885 4 669 12 216
italyanca 10 742 5 065 5 677
farsca 10 665 4 749 5 916
slovakca 10 234 3 343 6 891
fransızca 10 190 4 977 5 213
ispanca 9 976 5 712 4 264
çincə 9 960 5 022 4 938
rusca, ukrayınca, belorusca 8 446 2 980 5 466
qaraçıca 6 273 4 348 1 925
filippincə 5 582 3 861 1 721
bolqarca 5 388 1 885 3 503
makedonca 5 145 1 127 4 018
flamandca 3 802 1 413 2 389
hindcə 3 582 1 631 1 951
potuqalca 3 197 1 323 1 874
yunanca 3 098 1 643 1 455
isveçcə 2 683 872 1 811
vyetnamca 2 310 1 630 680
kürdcə 2 133 1 139 994
tayca 1 593 518 1 075
yaponca 1 806 405 1 401
korecə 1 264 316 948
yəhudicə 1 189 596 593
fincə 987 346 641
danca 735 296 439
norveçcə 569 237 332
indonezcə 451 174 277
digər asiya dilləri 9 018 3 674 5 344
digər avropa dilləri 2 884 1 386 1 498
digər afrika dilləri 1 816 410 1 406
digər dillər, bildirməyənlər 38 19 19

İqtisadiyyat[redaktə]

Avstriyada ali təhsil[redaktə]

Əsas məqalə: Avstriyada ali təhsil

Avropanın mərkəzində yüksək səviyyəli ali təhsil sistemidir. Dövlət universitetlərində maksimum təhsil haqqı semestrdə 363 avrodur. Avropa məkanında ali və ikinci ali təhsil almağın ən əlverişli şəhərlərinin Avstriyada olduğu hesab edilir.[14]

Əsas üstünlükləri[redaktə]

Siyasi partiyalar və başçıları[redaktə]

  • Avstriya İctimai Demokratik Partiyası (SPÖ) – Verner Faymann
  • Avstriya Xalq Partiyası (ÖVP) – Mixael Spindelegger
  • Avstriya Azadlıq Partiyası (FPÖ) – Heinz-Kristian Straşe
  • Yaşıllar (GRÜNE) – Dr. Evə Qlavişniq

İstinadlar[redaktə]

  1. Central Intelligence Agency - CİA - The World Factbook: Country Comparison :: Area :: Austria :: 114
  2. 2,0 2,1 2,2 2,3 Bundesanstalt Statistik Österreich: Population since 2001 by nationality and country of birth or Population since 2001 by nationality and country of birth
  3. 3,00 3,01 3,02 3,03 3,04 3,05 3,06 3,07 3,08 3,09 3,10 Bundesanstalt Statistik Österreich: Bevölkerung seit 2001 nach Staatsangehörigkeit und Geburtsland or Bevölkerung seit 2001 nach Staatsangehörigkeit und Geburtsland
  4. 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 4,13 Population statistics of Eastern Europe (pop-stat.mashke.org): Division of Austria (1869-2009)
  5. 5,00 5,01 5,02 5,03 5,04 5,05 5,06 5,07 5,08 5,09 5,10 5,11 5,12 5,13 5,14 Bundesanstalt Statistik Österreich: Population since 1869 by Länder
  6. Bundesanstalt Statistik Österreich: Bevölkerung nach Staatsangehörigkeit und Geburtsland
  7. Bundesanstalt Statistik Österreich: Population by citizenship and country of birth
  8. 8,0 8,1 Bundesanstalt Statistik Österreich: Population since 1869 by sex and age groups or Population since 1869 by sex and age groups
  9. Bundesanstalt Statistik Österreich: Bevölkerung
  10. Central Intelligence Agency - CİA - The World Factbook: Country Comparison :: Population growth rate :: Austria :: 187
  11. Central Intelligence Agency - CİA - The World Factbook: Country Comparison :: Life expectancy at birth :: Austria :: 33
  12. 12,0 12,1 Bundesanstalt Statistik Österreich: Bevölkerung 2001 nach Umgangssprache, Staatsangehörigkeit und Geburtsland or Bevölkerung 2001 nach Umgangssprache, Staatsangehörigkeit und Geburtsland
  13. Council of Europe: Cultural Policy and Action Department Directorate General IV - Education, Culture and Heritage, Youth and Sport: National Report Austria---Prepared by: Österreichische Kulturdokumentation. Internationales Archiv für Kulturanalysen, Vienna. Andrea Ellmeier (author), Veronika Ratzenböck (director)/in co-operation with Gerhard Baumgartner Bernhard Perchinig (authors)/February 2000/The views expressed in this paper do not represent official positions of the Government of Austria
  14. Образование в Австрии: Высшее образование в Австрии

Həmçinin bax[redaktə]