Bakı bulvarı

Dağüstü parkdan Bakı bulvarının görünüşü

Bakı bulvarı — Bakı şəhərində, Xəzər sahilində olan bulvar. Bakı şəhərindəki Dənizkənarı bulvara Azərbaycanın milli sərvəti kimi 29 dekabr 1998-ci ildə Azərbaycan Respublikası Prezidentinin fərmanına uyğun olaraq Milli park statusu verilmişdir.^[1] Milli Park ərazisinin böyüklüyünə görə Parisdə Sena çayı sahilindəki parkdan sonra Avropada ikinci yerdədir. ^[2]

Abadlıq layihələri[redaktə]

Bulvarda yerləşən Milli Parkda möhtəşəm layihə reallaşdırılır. Dənizə daxil olan estakadanın uzunluğu 555 m, eni 22 m təşkil edəcək. Sudan hündürlüyü 2,4 m, sahəsi 34673 m² olacaq.^[3]

Tarix[redaktə]

Dənizkənarı bulvarın salınması 1909-cu ildə Bakı şəhər Duması tərəfindən qərarlaşdırılmış və o vaxtlar Dumada çalışan məşhur mühəndis Məmməd Həsən Hacınskinin adı ilə bağlıdır. O zaman tender yolu ilə seçilmiş layihənin işlənib həyata keçirilməsində mühəndis K. V. Skureviçin və memar Adolf Eyxlerin də böyük zəhməti olmuşdur. Onların təklifi əsasında dəniz sahili ilə yeni salınmış II Aleksandr küçəsinin (indiki Neftçilər prospekti) arasında yaşıllıq zolağının salınması nəzərdə tutulmuşdu. İki il müddətində buraya kənardan münbit torpaq daşınmış, Azərbaycanın başqa bölgələrindən və hətta Avropadan belə müxtəlif nadir bitki növləri gətirilib əkilmişdir.^[4]

Bakı Bulvarı

Bakı bulvarının XX əsr əvvəli görünüşü

Bakı bulvarının XXI əsr əvvəli görünüşü

Bakı bulvarı dənizdən görüntü

Şəkil:Milli Park Bulvar Baku2.JPG

1970-ci illərdə dövlət tərəfindən respublikada və birinci növbədə Bakı şəhərində yaşıllaşdırma və abadlaşdırma işlərinin genişləndirilməsi nəticəsində Dənizkənarı bulvarda da yenidənqurma işləri aparıldı. Bulvar şərq və qərb istiqamətlərində genişləndirildi, onun uzunluğu 3,7 kilometrə çatdırıldı.^[5]

[[|center|1209px|Bakının panoramı]]

Bakının panoramı