Azərbaycan Dövlət Gənc Tamaşaçılar Teatrı

Vikipediya, açıq ensiklopediya
Keçid et: naviqasiya, axtar
Azərbaycan Dövlət Gənc Tamaşaçılar Teatrı
{{{Orijinal adı}}}
Azərbaycan Dövlət Gənc Tamaşaçılar Teatrı.jpg
Ünvanı Nizami küçəsi 72, Bakı
Flag of Azerbaijan.svg Azərbaycan
Əsası qoyulub 1928

Azərbaycan Dövlət Gənc Tamaşaçılar Teatrı — XX əsrin 20-ci illərində yaranmış Azərbaycan teatrı.

1927-ci il mart ayının 15-də, Bakıda, Uşaq Teatrı pioner və məktəblilərin bədii özfəaliyyət dram dərnəklərinin əsasında yaranıb. 14 yaşlı Ağadadaş Qurbanovun təşəbbüsü ilə hazırlanan «Fırtına» tamaşası respublikamızda uşaq teatrının yaranmasının təməlini qoymuşdur.

1928-ci ildə Azərbaycan Xalq Maarif Komissarlığının qərarı ilə Bakı Uşaq teatrı rəsmi olaraq fəaliyyətə başlamışdır. Teatrın ilk aktyorları və rejissorları Ağadadaş Qurbanov, Məmmədağa Dadaşov, Yusif Əminli, Minə Abdullayeva, Yusif Dadaşov, Susanna Məcidova, Cavahir İskəndərova, Süleyman Ələsgərov, Hüseynağa Sadıqov, Kərim Həsənov, Zəfər Nemətov, Məhərrəm Haşımov, Əliməmməd Atayev və başqaları olmuşlar.

1936-cı il iyul ayının 18-dən etibarən Bakı Uşaq teatrı Azərbaycan Xalq Maarif Komissarlığının əmrinə əsasən «Azərbaycan Dövlət Gənc Tamaşaçılar Teatrı» adlandırılıb və ona Maksim Qorkinin adı verilmişdir.

Ötən müddət ərzində teatrda 513 yeni tamaşa hazırlanmış, 33505 tamaşa göstərilmiş və 8042000 tamaşaçı cəlb etmişdir.[1]

2009-cu ilin aprel ayından əsaslı təmir və yenidənqurma işlərindən sonra yeni texnika və müasir dizaynla təmin edilmiş binada fəaliyyətini davam etdirən Azərbaycan Dövlət Gənc Tamaşaçılar teatrına daha iki kollektiv - Dövlət Gənclər və Bakı Kamera Teatrı birləşdirilmişdir.

Tamaşaları[redaktə]

  • "Göyçək Fatma", xalq nağılı
  • "Yatmış gözəl", B. Marvin
  • "Oliver Tvistin macəraları", Ç. Dikkens
  • "Tıq-tıq xanım", A. Şaiq
  • "Sərgüzəşti -vəziri – xani Lənkəran", M.F. Axundzadə
  • "Hekayəti xırs quldurbasan", M.F. Axundzadə
  • "Otello", U. Şekspir
  • "Viktoriya", K. Hamsun və s.

İstinadlar[redaktə]

  1. Azərbaycan Dövlət Gənc Tamaşaçılar Teatrı

Həmçinin bax[redaktə]