Süleyman Sani Axundov
| SÜLEYMAN SANİ AXUNDOV | |
| Süleyman Sani Rzaqulu bəy oğlu Axundov | |
 |
|
| Doğum tarixi: | 3 oktyabr 1875-ci il |
|---|---|
| Doğum yeri: | Şuşa |
| Vəfatı: | 29 mart 1939-cu il (63 yaşında) |
| Vəfat yeri: | Bakı,  Azərbaycan SSR |
| Atası: | Rzaqulu bəy Axundov |
| Anası: | Dürnisə xanım Vəlibəyova |
| Peşəsi: | yazıçı |
Axundov Süleyman Sani Rzaqulu bəy oğlu (3 oktyabr 1875, Şuşa – 29 mart 1939, Bakı) Azərbaycan dramaturqu, mühərriri, uşaq ədəbiyyatı yazıçısı və müəllimi, görkəmli ziyalı Səfərəli bəy Vəlibəyov bacısı oğlu. Qori müəllimlər seminariyasının məzunu. Ədəbiyyatda həmsoyadı Mirzə Fətəli Axundovdan fərqlənmək üçün ərəbcə "ikinci" mənasını daşıyan Sani sözünü özünə ləqəb götürmüşdür.
[redaktə] Həyatı
Süleyman Sani Axundov Şuşada bəy ailəsində dünyaya gəlib və 1894-cü ildə Qori Müəllimlər Seminariyasını bitirib. Ömrünün axırınadək tədris və jurnalistika ilə məşğul olub.
1906-cı ildə işıq üzü görən və "İkinci il" adlanan "Azərbaycan dili" dərsliyinin müəllifidir. Sovet İttifaqının yaranmasından sonra qısa müddət ərzində Dağlıq Qarabağ Muxtar Vilayətinin təhsil naziri vəzifəzində çalışıb. İlk bədii əsərini - "Tamahkar"ı 1899-cu ildə qələmə alıb.
1912–1913-cü illərdə beş hissədən ibarət "Qorxulu nağıllar" kitabını yazıb. Kasıbçılıqdan və haqsızlıqlardan bəhs etdiyinə görə bu nağıllar sovet zamanı uşaq ədəbiyyatı aləmində böyük şöhrət qazanıb.
1920-ci ildən sonra yazılan əsərlərdə qəddarlığı, köhnə mühafizəkar ənənələri və geriliyi tənqid atəşinə tutmağa davam edib...S
