Dağlıq Qarabağ Muxtar Vilayəti

Vikipediya, açıq ensiklopediya
Keçid et: naviqasiya, axtar
Location Nagorno-Karabakh.png
Nagorno Karabakh03.png

Dağlıq Qarabağ Muxtar Vilayəti — Azərbaycan SSR-in dağlıq Qarabağ bölgəsində 1923-1991-ci illərdə mövcud olmuş inzibati ərazi vahidi.

Mündəricat

Tarixi [redaktə]

1923-cü il iyulun 7-də Azərbaycan SSR Sovetləri Mərkəzi İcraiyyə Komitəsinin dekreti ilə Azərbaycan Sovet Sosialist Respublikasının tərkibində Dağlıq Qarabağ Muxtar Vilayəti yaradılır. 1981-ci il iyunun 16-da isə Azərbaycan SSR Ali Soveti "Dağlıq Qarabağ Muxtar Vilayəti haqqında" qanun qəbul edib və muxtariyyətin səlahiyyətlərində yeniliklər edilib. Dağlıq Qarabağdakı muxtariyyətin sonuncu rəsmi statusu da bu qanunla müəyyənləşib.

1991-ci il noyabrın 26-da Azərbaycan Respublikası Ali Sovetinin qərarı ilə Dağlıq Qarabağ Muxtar Vilayəti inzibati ərazi vahidi ləğv olunub.[1] Həmin gün müstəqil Azərbaycanın parlamentinin qərarı ilə həm 1923-cü il iyulun 7-də Azərbaycan Sovetləri Mərkəzi İcraiyyə Komitəsinin qəbul etdiyi dekret, həm də 1981-ci il iyunun 16-da Azərbaycan SSR Ali Sovetinin qəbul etdiyi "Dağlıq Qarabağ Muxtar Vilayəti haqqında" qanun qüvvədən salınıb. Ermənistan və Azərbaycan SSR arasında 1987-ci ildə Dağlıq Qarabağ münaqişəsinin başlanmasının ardından, bu münaqişə 1991-ci ilin sonuna tam miqyaslı müharibəyə çevrilmişdir. 26 noyabr 1991-ci ildə Azərbaycan Parlamenti DQMV-nin muxtariyyət statusu ləğv edir və onun ərazisini qonşu Xocavənd, Tərtər, Goranboy, Şuşa və Kəlbəcər inzibati rayonları arasında bölüşdürür.

İnzibati ərazi quruluşu [redaktə]

Dağlıq Qarabağ Muxtar Vilayətində Əsgəran rayonu, Hadrut rayonu, Mardakert rayonu, Martuni rayonu, Şuşa rayonu və vilayət tabeli Stepanakert şəhəri daxil idi.[2]

Əhalisi [redaktə]

DQMV əhalisi (1989 sa.)[3]
İnzibati-ərazi vahidi Ermənilər Azərbaycanlılar Digərləri Toplam
Stepanakert ş. ə/d 52 607 3 385 713 56 705
Mardakert rayonu 40 085 6 200 762 47 047
Martuni rayonu 23 103 4 997 102 28 202
Əsgəran rayonu 15 623 5 123 208 20 954
Şuşa rayonu 1 430 18 679 265 20 374
Hadrut rayonu 12 555 1 932 ... 14 487
DQMV, toplam 145 403 40 316 2 050 187 769

Mənbə [redaktə]

VikiMənbədə Dağlıq Qarabağ Muxtar Vilayətinin yaradılması haqqında dekret mövzusunda məlumatlar var.

Həmçinin bax [redaktə]

İstinadlar [redaktə]

  1. ↑ AZƏRBAYCAN RESPUBLIKASININ DAĞLIQ QARABAĞ MUXTAR VILAYƏTINI LƏĞV ETMƏK HAQQINDA Azərbaycan Respublikasının Qanunu
  2. ↑ "Dağlıq Qarabağ Muxtar Vilayəti haqqında" Azərbaycan SSR Ali Sovetinin Qanunu
  3. ↑ Dağlıq Qarabağ 1920-1980-ci illərdə
Mənbə — "http://az.wikipedia.org/w/index.php?title=Dağlıq_Qarabağ_Muxtar_Vilayəti&oldid=2682653"