Vətəndaş Həmrəyliyi Partiyası

Vətəndaş Həmrəyliyi Partiyası
Qurucusu:	Sabir Rüstəmxanlı
Sədri:	Sabir Rüstəmxanlı
Quruluş tarixi:	26 sentyabr 1992
İdeologiyası:	vətəndaş həmrəyliyi, milli birlik
Üzvlərinin sayı:	26 000
Mətbuat orqanı:	Vətəndaş Həmrəyliyi
Saytı:	http://vhp.az/

Vətəndaş Həmrəyliyi Partiyası - Azərbaycanda fəaliyyət göstərən siyasi partiya.

Tarixi

Vətəndaş Həmrəyliyi Partiyası 26 sentyabr 1992-ci ildə təsis edilib.

Millət vəkili Sabir Rüstəmxanlı 90-cı illərin əvvəllərində gözlənilən təhlükələri hiss etdiyindən, eyni zamanda, bu günə kimi Azərbaycanı həm mənəvi, həm də coğrafi baxımdan parça-tikə edən tarixi səhvlərimizdən nəticə çıxararaq, vətəndaş həmrəyliyi ideyasının tərəfdarlarını bir araya gətirdi və 1992-ci il sentyabr ayının 26-da Vətəndaş Həmrəyliyi Partiyası (VHP) Birinci təsis qurultayını keçirdi.

1992-ci il sentyabrın 26-da Gənc Tamaşaçılar Teatrının binasında keçirdiyi təsis qurultayında Vətəndaş Həmrəyliyi Partiyasının sədri seçilən Sabir Rüstəmxanlı öz məruzəsində bu ideologiyanın mahiyyətini, partiyanın yaranma zərurətini, strateji hədəflərini açıqlamış, eyni zamanda, dövrün siyasi və ictimai mənzərəsini ortaya qoymuşdu.

VHP hazırda özündə 78 rayon təşkilatını və 26 mindən artıq üzvü birləşdirən partiyadır. Hazırda VHP bələdiyyələrdə 374, parlamentdə isə 3 deputatla təmsil olunur. Partiya 2008-ci il prezident seçkisində öz namizədi ilə iştirakdan imtina edib. Buna səbəb kimi ölkədə namizədlərə bərabər şəraitin yaradılmadığını, hakimiyyətin seçkinin nəticələrinə təsir imkanlarını saxladığını, seçki komissiyalarının hakim partiyanın nəzarətində olduğunu göstərib.Son bələdiyyə seçkilərinə (23.12.2009) 850-dən artıq namizəd irəli sürülüb, onlardan 305-i qeydə alının, 115 nəfər isə bələdiyyə üzvü seçilib. 07 noyabr 2010-ci il tarixdə keçirilən Milli Məclis seçkilərinə VHP Demokratik İslahatlar Partiyası ilə birgə "Demokratiya" siyasi partiyalar bloku tərkibində qatılıb. Blok 118 Seçki Dairəsindən 120 namizəd irəli sürüb. Onlardan 86 VHP üzvü olub. Hakimiyyətin və yerli icra strukturlarının seçkiyə müdaxiləsi nəticəsində namizədlərin coxu qeydə alınmayıb. Seçkilərdə "Demokratiya" blokunun 4 namizədi qələbə çalıb. Ondan 3 VHP üzvüdür.

Himni

AZADLIQ MARŞI

Müəllif: Elçin Mirzəbəyli

Ey ulu Vətənim, doğma torpağım,
Var tükənməz odun, sönməz ocağın,
Azadlığa çıxmaq üçün qalxsın bayrağın.

Qalx ayağa millət,
Boğmasınlar səsimizi.
Bir bayraq altında
Birləşdir bizi

Biz ki, Vətən oğlu, millət oğlu, Odlar oğluyuq,
Biz ki, xalqa bağlı, yurda bağlı, elə bağlıyıq,
Biz ki, haqq yolunda andımızdan dönmərik heç vaxt,
Vuruş zülmə qarşı, ey ulu torpaq!

Qalx ayağa millət,
Boğmasınlar səsimizi.
Bir bayraq altında
Birləşdir bizi

Yad qılınc ilə qırıldıq yetər,
Zülmə qarşı qalxaq, qul olduq yetər!
Biz ayağa qalxsaq əgər, ayrılıq bitər!

Qalx ayağa millət,
Boğmasınlar səsimizi.
Bir bayraq altında
Birləşdir bizi!

Bayrağı və emblemi

VHP-nin əsas atributlarından biri olan gerbin müəllifi Azərbaycanın çox istedadlı və tanınmış rəssam-heykəltaraşlarından biri Məzahir Afşardır. Gerbin rəmzləri qədim Türk Dövlətçilik ənənələrindən qaynaqlanır: Ox dövlətin rəmzidir. Üçü bir yerdə möhkəmliyi, sınmazlığı göstərir. Demokratik dövlətdə bu həm də hakimiyyət bölgüsünün göstəricisidir, Qanunvericilik, İcra və Məhkəmə orqanlarının dövlətin əsas dayağı olduğuna işarədir. Tərsinə çevrilmiş yayla birgə üç ox və onların üstündəki qalxan bir kompazisiya kimi sülhün, milli barışın, həmrəyliyin ifadəsidir. Gerbin əsas variantında "Vətəndaş Həmrəyliyi Partiyası" sözləri yazılmış dairədə 24 Oğuz boyunun Damğaları yerləşdirilmişdir. Həmin variant partiyanın qərargahında saxlanılır. Gerbin ortasında Azərbaycan dövlətçiliyinin əsas rəmzi sayılan və bu dövlətin mənəvi, ideoloji yolunu müəyyənləşdirən Üçrəngli və Ay-Ulduzlu Bayrağımız verilmişdir. Gerbin tam ortasında Azərbaycanın Odlar Yurdu olaraq əbədi rəmzlərindən biri olan Od-Ocaq çəkilmişdir.

Vətəndaş Həmrəyliyi Partiyasının bayrağı ağ rəngdədir. Ağ rəngin üzərində VHP-nin Emblemi təsvir olunub. Ağ rəng həmrəyliyin, birliyin və vətəndaş sülhünün rəmzi kimi verilib.

Partiya qərargahı

VHP 1992-ci ildən 2009-cu il aprel ayının 1-dək Səbail rayonu, Əbdülkərim Əlizadə küçəsi, 9 ünvanında yerləşmişdir. Həmin qərargah icarəyə götürülüb. 2009-cu il aprelin 1-dən 2010-cu il mayın 31-dək Səbail rayonu, Natəvan döngəsi, 1 ünvanında fəaliyyət göstərib. 2010-cu il iyunun 1-dən yeni ofisinə köçüb. Yeni ofis Xətai rayonu, Xaqani Rüstəmov küçəsi, 1210-cu məhəllədə yerləşir. Yeni ofis 6 mərtəbəli binadan ibarətdir. Bina partiyanın öz mülkiyyətidir.

Vətəndaş Həmrəyliyi Partiyasının mərkəzi qərargahının ünvanı: Bakı şəhəri, Xətai rayonu, Xaqani Rüstəmov küçəsi, 1210-cu məhəllə. Azərbaycan Respublikası.

Üzvləri və rəhbərləri

VHP özündə 78 rayon təşkilatını və 26 mindən artıq üzvü birləşdirir (2009).

VHP rəhbərliyi

Vətəndaş Həmrəyliyi Partiyası Siyasi Şurasının üzvləri:

• Sabir Rüstəmxanlı
• Rafiq Manaflı
• Fəzail İbrahimli
• Nurəddin Mehdixanlı
• Elxan Mirzəyev
• Samir Əsədli
• İbrahim Quliyev
• Əlövsət Əliyev
• Arif İsmayılbəyli
• Ofelya Rəşidqızı
• Yusif Salmansoy
• Şəmsəddin Mirzəxanlı
• Faiq Balabəyli
• Nəsimi Şərəfxanlı

VHP MNTK

• Felmar Ələkbərov
• Səidə Dadaşlı
• Sabir Kərimov
• Saleh Salayev
• Nurhəyat Rüstəmli
• Faiq Əliyev
• Zeynəlxan Fətullayev

VHP deputat qrupu

• Sabir Rüstəmxanlı
• Fəzail İbrahimli
• Rəfael Hüseynov

VHP-nin MSK-dakı təmsilçisi

• Almaz Qəhrəmanlı

VHP qurucuları

• Sabir Rüstəmxanlı, Qəmbər Əsgərov, Cəbrayıl Əlinağıyev, Çingiz Əlioğlu, Nüsrət Kəsəmənli, Eyvaz Borçalı, Bəhmən Sultanlı, Mirmahmud Mirəlioğlu (Fəttayev), İslam Qəribov, Valeh Əliyev, Malik Mehdiyev, Elxan Mirzəyev, İbrahim Əliyev, Əjdər Qasımov, İdris Dadaşov, Aydın Səlimzadə, Məsiağa Məhəmmədi, Telman Vəlixanlı, Telman Qardaşov, Ənvər Əliyev, İmamverdi İsmayılov, Zeydulla Ağayev, Şaban Şahbazov, Mədət Rüstəmxanlı, Rafiq Vəlizadə, Aslan Quliyev, Arkadi Şuyski, Sevinc Rüstəmova, Nadir İbadov, Sadıq Həşimov, Məmməd Kazım, Şəfi Daniyalov, İbrahim Yusifzadə.