Azərbaycan Xalq Cəbhəsi Partiyası
| Azərbaycan Xalq Cəbhəsi Partiyası | |
| Azərbaycan Xalq Cəbhəsi | |
| Qurucusu: | Əbülfəz Elçibəy |
|---|---|
| Lideri: | Əli Kərimli |
| Sədri: | Əli Kərimli |
| Quruluş tarixi: | avqust 1989 |
| Qərargahı: | Bakı, Azərbaycan |
| İdeologiyası: | Liberalizm, milli-demokratiya |
| Müttəfiqləri və bloklar: | Müsavat Partiyası Azərbaycan Liberal Partiyası Azərbaycan Demokrat Partiyası |
| Gənclər təşkilatı: | AHC Gənclər Təşkilatı |
| Parlamentdə yerləri: | Milli Məclis |
| Aşağı palatada yerləri: | 0/125 |
| Mətbuat orqanı: | Azadlıq (qəzet) |
| Saytı: | http://www.axcp.az |
Azərbaycan Xalq Cəbhəsi Partiyası - Azərbaycanın əsas müxalifət partiyalrından biri. Partiya 1989-cu ildə Əbülfəz Elçibəy tərəfindən yaradılıb. 2000-ci ildən etibarən partiyanın sədri Əli Kərimlidir.
Mündəricat |
Tarixi [redaktə]
1989-cu ilə qədər Əbülfəz Elçibəy Azərbaycan Xalq Cəbhəsinin lideri idi. Azərbaycan Respublikasının müstəqil olmasından və 1992-ci ildə Ayaz Mütəllibovun Azərbaycan Respublikası Prezidenti postundan istefasından sonra Əbülfəz Elçibəy Azərbaycan Xalq Cəbhəsinin partiyaya transformasiyasını keçirir. Bundan sonra o 1992-ci il Azərbaycan Respublikası prezidenti seçkilərində qalib gəlir. 1995-ci il Azərbaycan Respublikasının Milli Məclisinə seçkilərdə partiya Milli Məclisə 4 yer, 2000-ci il Azərbaycan Respublikasının Milli Məclisinə seçkilərdə isə 6 yer qazanır. 2000-ci ildə Əbülfəz Elçibəyin ölümündən sonra AXCP 2 qola bölünür: konservativ (Klassik Xalq Cəbhəsi Partiyası) və progressiv (Azərbaycan Xalq Cəbhəsi Partiyası). 2000-ci ildən etibarən Əli Kərimli Azərbaycan Xalq Cəbhəsi Partiyasının sədridir. 2005-ci il Azərbaycan Respublikasının Milli Məclisinə seçkilər ərəfəsində partiya Müsavat Partiyası, Azərbaycan Liberal Partiyası, Azərbaycan Demokrat Partiyası və Vətəndaş və İnkişaf Partiyası ilə birləşərək Azadlıq Siyasi Partiyalar Blokunun tərkibində seçkilərdə iştirak edir. Bu seçkilərdə AXCP yalnız 1 yer qazana bilir. 2008-ci il Azərbaycan Respublikası prezidenti seçkilərini baykot edir və bu seçkilərdə iştirak etmir. 2010-cu il Azərbaycan Respublikasının Milli Məclisinə seçkilərdə partiya Milli Məclisə yer qazana bilmiyiblər.
Bayrağı və emblemi [redaktə]
AXCP-nin emblemi Azərbaycan Xalq Cəbhəsinin emblemidir. Belə ki, emblem “AHC” (Azərbaycan Halk Cəbhəsi) yazılmış sözdən ibarətdir. C hərfinin içərisində isə Azərbaycanın üç rəngli bayrağı yerləşdirilib. Partiyanın hazırkı rəhbərliyində təmsil olunan şəxslər emblemin yaranma tarixi ilə bağlı hər hansı konkret məlumat verməyiblər. AXCP sədrinin müavini Fuad Qəhrəmanlının sözlərinə görə, bu emblem meydan hərəkatı zamanı yaradılıb. Partiyanın bayrağı ağ rəngdədir. Bu isə sülh və təmizliyə işarədir[1].
Partiya qərargahı [redaktə]
Azərbaycan Xalq Cəbhəsi Partiyası 2005-ci ildən bəri qərargahsız fəaliyyət göstərmək məcburiyyətində qalıb. Uzun illər Xaqani 33 ünvanında “Azadlıq” qəzetinin balansında olan binada yerləşib. Həmin il bina Hesablama Palatasının balansına verildi. Bundan sonra dövlət qurumları tərəfindən partiyaya Keşlə qəsəbəsində yerləşən tikililərin birində qərargah təklif olunsa da bundan imtina edildi. Partiyanın rəhbər qurumlarının toplantıları digər müxalifət partiyalarının qərargahlarında keçirilir[2].
