Türk Şurası

Türk Şurası
Türk Şurası (Azərbaycan dili) Түрік кеңесі (Qazax dili) Түрк кеңеш (Qırğız dili) Türk Konseyi (Türk dili) Turkish Council (İngilis dili)
TŞ
Türk Şurasının üzvləri     Ola biləcək üzvlər Özbəkistan və Türkmənistan     Şimali Kipr Türk Respublikası
Yaranma tarixi	3 oktyabr 2009
Rəsmi dili	Azərbaycan dili, Qazax dili, Qırğız dili, Türk dili, İngilis dili
Sədri	Halil Akıncı
Üzvləri	Azərbaycan Türkiyə Qazaxıstan Qırğızıstan
Rəsmi saytı	Turkkon.org

Türk Şurası (qaz. Түрік кеңесі, qırğ. Түрк кеңеш, türk. Türk Konseyi, ing. Turkic Council) - Türk ölkələri birləşdirən beynəlxalq təşkilat. Türk Şurası 2009-cu ilin oktyabrın 3-də, Naxçıvanda yaradılıb.

25 avqust 2012-ci ildə Bişkekdə Azərbaycan, Qazaxıstan, Qırğızıstan və Türkiyənin daxil olduğu Türkdilli Ölkələrin Əməkdaşlığı Birliyinin (Türk Birliyinin) bayrağı qəbul edilib. Vahid bayraq üçün 4 dövlətin bayrağının hər birindən bir element götürülüb: Günəş Qırğızıstanın, ulduz Azərbaycanın, aypara Türkiyənin, rəng isə Qazaxıstanın bayrağından götürülüb.

Qurum

Türk Şurasının üç mərkəzi var. Bunlar İstanbul, Bakı və Astanadır. İstanbul inzibati mərkəzdir. Bakı Parlament Assambleyasının mərkəzi, Astana isə Türk Akademiyasının mərkəzidir.

Türkdilli Ölkələrin Əməkdaşlıq Şurası bu vahidlərdən ibarətdir:

Baş katib-İstanbul

Dövlət başçıları Şurası

Xarici işlər nazirləri Şurası

Böyük Məmurlar Komitəsi

Ağsaqqallar Şurası

Parlament Assambleyası (TürkPA)-Bakı

Türk Akademiyası-Astana

Türk Mədəniyyət və Sənətləri Ortaq İdarəsi (TÜRKSOY)-Ankara

Türk İş Şurası

Ölkə dövlət başçıları ildə bir dəfə rəsmi, bir dəfə də qeyri-rəsmi olaraq müxtəlif şəhərlərdə toplanır. Bundan başqa üzv ölkələrin xarici işlər nazirləri və rəsmiyyətçiləri də il ərzində nizamlı yığıncaqlar həyata keçirir. Məclis başçıları və məclis heyətləri Bakıda toplanır. Türk Şurasının Baş katibinə üç illiyinə təqaüdçü səfir Halil Akıncı seçilmişdir.