Abdullah Gül

Vikipediya, açıq ensiklopediya
Keçid et: naviqasiya, axtar
Abdulla Gül
Abdullah Gül
Abdulla Gül
19 mart 2004
Bayraq
Türkiyə Respublikasının 11-ci prezidenti
Bayraq
28 avqust 2007 — 28 avqust 2014
Baş nazir: Rəcəb Tayyib Ərdoğan
Sələfi: Əhməd Necdət Sezər
Bayraq
Türkiyə Respublikasının 46-cı xarici işlər naziri
14 mart 2003 — 28 avqust 2007
Prezident: Əhməd Necdət Sezər
Sələfi: Yaşar Yakış
Xələfi: Əli Babacan
Bayraq
Türkiyə Respublikasının 35-ci baş naziri
18 noyabr 2002 — 14 mart 2003
Prezident: Əhməd Necdət Sezər
Sələfi: Bülənt Əcəvit
Xələfi: Rəcəb Tayyib Ərdoğan
 
Partiya: Ədalət və İnkişaf Partiyası
Təhsili: İstanbul Universiteti
Ekseter Universiteti
Dini: İslam
Təvəllüdü: 29 oktyabr 1950 (1950-10-29) (64 yaş)
Kayseri, Türkiyə
Atası: Əhməd Həmdi Gül
Anası: Ədəviyə Gül
Həyat yoldaşı: Hayrunnisə Gül
 
Saytı: TCCB.Gov.Tr
 
İmzası: İmzası
 
Mükafatları:
"Heydər Əliyev" ordeni

Abdulla Gül (türk. Abdullah Gül; d. 29 oktyabr 1950, Kayseri, Türkiyə) - Türkiyə Respublikasının 11-ci prezidenti.

Həyatı[redaktə]

29 oktyabr 1950-ci ildə Kayseridə dünyaya gəlmişdir. Anası Adeviye xanım ve atası Əhməd Həmdi Güldür. 21 avqust 1980-ci ildə Hayrünnisə Özyurt ilə ailə həyatı quran Gülün Əhməd Münir, Kübra və Mehmed Əmrə adlarında üç övladı vardır.

Karyerası[redaktə]

Orta təhsilini Kayseri liseyində bitirdikdən sonra İstanbul Universitetinin İqtisadiyyat fakültəsinə daxil olmuşdur. Həmin universitetin məzunu olduqdan sonra doktorluq dissertasiyalarını müadafiə etmək üçün London və Ekseterdə staj keçmişdir. Türkiyəyə qayıtdıqdan sonra Sakarya Universitetində sənaye mühəndisliyi bölməsinin təsis edilməsində iştirak etmiş və İqtisadiyyatdan mühazirə demişdir.

1983-1991-ci illər arasında mərkəzi Ciddədə yerləşən İslam İnkişaf Bankının iqtisadiyyat üzrə müşaviri olmuşdur.

1991-ci ildə Beynəlxalq İqtisadiyyat sahəsində dosent dərəcəsi almışdır. Həmin il vaxtından əvvəl keçirilən seçkilərdə Rifah partiyasının Kayseri millət vəkili kimi parlamentə daxil olmuşdur.

1991-1995-ci illər arasında parlamentin Plan və maliyyə komissiyasının üzvü olmuşdur.

1993-cü ildə Rifah partiyasının Xarici işlər üzrə sədr müavini vəzifəsinə seçilmişdir. Bu vaxt ərzində Avropa və Amerikadakı bir çox qurumlarda iştirak etdiyi konfranslarda partiyasının siyasi xətti haqqındakı fikirlərini ifadə etmişdir.

1995-ci ildə keçirilən ümumxalq seçkilərində ikinci dəfə Rifah partiyasının Kayseri millət vəkili seçilmişdir.

1995-2001-ci illər arasında parlamentin Xarici işlər komissiyasının üzvü olmuş, 54-cü hökumətdə, Dövlət naziri və hökumətin rəsmi nümayəndəsi vəzifələrini icra etmişdir.

1999-cu ildə Fəzilət partiyasından üçüncü dəfə millət vəkili seçilmiş, 14 may 2000-ci ildə keçirilən Fəzilət partiyasının növbədənkənar Konqresində partiya sədrliyinə namizəd olmuşdur. Sədrliyə cüzi səs fərqi ilə seçilməsə də, konqresdə əldə etdiyi nəticə bütün siyasi dairələrdə böyük bir müvəffəqiyyət kimi dəyərləndirildi.

Fəzilət partiyasının bağlanması ilə birlikdə Yenilikçi hərəkatın liderlərindən biri oldu. Fəaliyyətinin ilk dövründən etibarən xalqın böyük rəğbət göstərdiyi Yenilikçi hərəkat 2001-ci ilin avqustunda Ədalət və İnkişaf Partiyası adı ilə türk siyasi həyatındakı yerini aldı.

Abdulla Gül Ədalət və İnkişaf partiyasının təsisçilərindən biri kimi partiyalaşma dövründəki rolunu davam etdirmiş, Siyasi və hüquqi işlər üzrə məsul sədr müavini işləmişdir.

1992-ci ildən Avropa Şurası Parlament Assambleyasının üzvü olaraq Assambleyanın Mədəniyyət, Nizamnamə, Siyasi və iqtisadi inkişaf komitələrində işləmişdir. Avropa Şurasında 2001-ci ilə qədər davam etdirdiyi fəaliyyətlərinə görə "Pro metrio" medalı və Şuranın daimi "fəxri üzvü" adına layiq görülmüşdür.

3 noyabr 2002-ci ildə millət vəkili seçimlərində millət vəkili kimi təkrar seçildi.

16 noyabr 2002-ci il tarixində Baş nazir kimi 58-ci hökuməti qurdu.

14 mart 2003-cü il tarixində Ədalət və İnkişaf partiyasının sədri Tayyib Ərdoğanın baş nazirliyində qurulan yeni kabinetdə Baş nazirin müavini və Xarici işlər naziri oldu.

24 aprel 2007–ci ildə partiyası tərəfindən Türkiyə prezidentliyinə namizədliyi irəli sürüldü. 2007-ci il avqustun 28-dən prezident vəzifəsinin icrasına başlamışdır.

11 noyabr 2013-cü ildə Türkiyə Cümhuriyyəti ilə Azərbaycan Respublikası arasında dostluq və əməkdaşlıq əlaqələrinin inkişaf etdirilməsindəki xüsusi xidmətlərinə görə Azərbaycan Respublikası Prezidentinin Sərəncamı ilə "Heydər Əliyev" ordeni ilə təltif edilmişdir[1].

Evlidir 3 övladı var. İngilisərəb dillərini bilir. Beşiktaş PFK-nın azarkeşdir.

Mükafatları[redaktə]

İstinadlar[redaktə]

  1. Abdullah Gülün “Heydər Əliyev” ordeni ilə təltif edilməsi haqqında Azərbaycan Respublikası Prezidentinin 11 noyabr 2013-cü il tarixli Sərəncamı
  2. Abdullah Gülün “Heydər Əliyev” ordeni ilə təltif edilməsi haqqında Azərbaycan Respublikası Prezidentinin Sərəncamı. president.az (azərb.)

Xarici keçidlər[redaktə]

VikiAnbarda Abdullah Gül ilə əlaqəli mediafayllar var.

Bu məqalənin azərbaycan dili əlifbasının ərəb qrafikası ilə qarşılığı vardır. Bax: عبد الله گل