Dmitri Medvedyev
| Dmitri Medvedyev rus. Дмитрий Анатольевич Медведев |
|||||
 |
|||||
|
|||||
|---|---|---|---|---|---|
| 7 may 2008 — hal-hazırda fəaliyyətdədir | |||||
| Baş nazir: | Vladimir Putin | ||||
| Xələfi: | Vladimir Putin | ||||
| Partiya: | bitərəf | ||||
| Təhsili: | ali, Sankt-Peterburq Dövlət Universiteti, hüquqşünas | ||||
| Elmi dərəcəsi: | hüquq elmləri namizədi | ||||
| Dini: | Pravoslav | ||||
| Təvəllüdü: | 14 sentyabr 1965-ci il Leninqrad, RSFSR, SSRİ |
||||
| Atası: | Anatoli Afanasyeviç Medvedyev | ||||
| Anası: | Yuliya Veniaminovna Şapoşnikova | ||||
| Həyat yoldaşı: | Svetlana Vladimirovna Меdvedyeva | ||||
| Uşaqları: | oğlu: İlya Dmitriyeviç Medvedyev | ||||
| Saytı: | http://www.kremlin.ru ; президент.рф | ||||
| İmzası: |  |
||||
| Mükafatları: |
|
||||
Dmitri Anatolyeviç Medvedyev (rus. Дмитрий Анатольевич Медведев; 14 sentyabr 1965, Leninqrad) — Rusiya dövlət və siyasi xadimi, Rusiya Federasiyasının 2 mart 2008-ci ildə seçilmiş üçüncü Prezidenti, RF Silahlı Qüvvələrinin Ali Baş Komandanı, RF Təhlükəsizlik Şurasının Sədri.
D. Medvedyev hüquq elmləri namizədi, dosent, Sankt-Peterburq Dövlət Universitetinin hüquq fakültəsinin fəxri doktorudur.
Mündəricat |
[redaktə] Həyatı
Dmitri Medvedyev 1965-ci il sentyabr ayının 14-də Rusiyanın Sankt-Peterburq şəhərində ziyalı ailəsində anadan olub. Atası Anatoli Medvedyev Leninqrad Texnologiya İnstitutunun professoru, anası Yuliya Venyaminova isə Leninqrad Pedoqoji İnstitutunun müəllimi olub. Dmitri ailənin yeganə övladıdır.
Dmitri Medvedyev 1987-ci ildə Leninqrad Dövlət Universitetinin hüquq fakültəsini, 1990-cı ildə isə həmin universitetin aspiranturasını bitirir.
Tələbəlik illərində rok musiqisinə maraq göstərən Dmitri, ( onun sevimli rok qrupları "Black Sabbath" və "Ossi Osborn" idi ) bununla yanaşı, idmanın ağır atletika növündə də özünü sınayıb.
Dmitri Medvedyev 1990-cı ildən 1999-cu ilə qədər Sankt-Peterburq Dövlət Universitetində pedaqoq kimi fəaliyyət göstərir. Digər tərəfdən, Sankt-Peterburq Şəhər Sovetinin sədri Anatoli Sobçakın müavini, Sankt-Peterburq meriyasının xarici əlaqələr komissiyasının sədri Vladimir Putinin rəhbərlik etdiyi komissiyanın eksperti olur.
[redaktə] Fəaliyyəti
Dmitri Medvedyev 1993-cü ildə meşə sənayesi bazarında Rusiyanın nəhəng şirkətlərindən hesab edilən "İLİM PALP İNTERPRİCE" şirkətinin qurucularındandır. Bu şirkətdə hüquqi məsələlər üzrə direktor vəzifəsini icra edən D.Medvedyev səhmlərin 20%-ə malik idi.
O, 1999-cu ildə Rusiya Federasiyası Hökumət Aparatının rəhbəri Dmitri Kozakın müavini təyin olunur.
1999-2000-ci illərdə o, RF-nin prezident administrasiyası rəhbərinin müavini postuna təyin olunur. D.Medvedyev prezident seçkiləri zamanı V. Putinin seçkiqabağı qərargahına rəhbərlik edir.
2000-2003-cü illərdə RF-nin Prezident administrasiyası rəhbərinin birinci müavini olan D.Medvedyev 2003-cü ilin noyabr ayından 2005-ci ilədək Rusiya Federasiyası Prezident Administrasiyasının rəhbəri vəzifəsini icra edib.
2005-ci ilin noyabrında D.Medvedyev baş nazirin birinci müavini təyin olunur və Rusiya milli proqramlarına rəhbərlik edir.
2007-ci il dekabr ayının 10-da "Yedinaya Rossiya" partiyasından prezidentliyə namizədliyini irəli sürülən Dmitri Medvedyevin namizədliyini digər bir neçə partiya da dəstəkləyib. Bundan sonra Prezident V.Putin də onun namizədliyini dəstəklədiyini bildirir.
D.Medvedyevin prezidentliyə namizədliyi keçmiş Yeltsin komandasının üzvlərinin və Putinin maraqları ilə üst-üstə düşürdü.
2008-ci ilin mart ayında keçirilən prezident süçkilərində Rusiya Federasiyasının növbəti, üçüncü Prezidenti seçilir. 7 may 2008-ci ildə onun andiçmə mərasimi keçirilir.
Dmitri Medvedyev 2012-ci il Rusiya Federasiyası Prezidenti seçkilərində iştirak etməyəcəyini və bu vəzifəyə Vladimir Putinin namizədliyini irəli sürdüyünü elan edib.[1]
[redaktə] İstinadlar
- ↑ http://www.mediaforum.az/az/2011/09/30/MEDVEDYEV-PUTİNİN-QARŞISINDAN-NİYƏ-ÇƏKİLDİYİNİ-021711649c00.html
