Ermənistan
| Himn: Ermənistan dövlət himni | |
.svg) |
|
| Paytaxt | İrəvan |
| Rəsmi dil | erməni dili |
| Prezident | Serj Sarqsyan |
| ' |
|
| Ərazi • Ümumi • Su sahəsi (%-lə) |
29 800 km² (139-cu) 4.7 |
| Əhali • Təxmini sayı • Əhali sıxlığı |
3 268 500[1] nəfər (134-ci) 100 nəfər/km² |
| Pul vahidi | Dram (AMD) |
| İnternet domeni | .am |
| Telefon kodu | +374 |
Ermənistan (ermənicə: Հայաստան - Hayastan), Ermənistan Respublikası (ermənicə: Հայաստանի Հանրապետություն) — Cənubi Qafqazda dövlət. Türkiyə, Gürcüstan, Azərbaycan və İran ilə həmsərhəddir. Pakistan tərəfindən tanınmır.
Mündəricat |
[redaktə] Tarix [2][3]
Rusiya Elmlər Akademiyasının müxbir üzvü Anatoli Petroviç Novoseltsev[4] və Z. İ. Yampolski[5] belə hesab edir ki, erkən orta əsrlərdə indiki Ermənistanın böyük hissəsi Qafqaz Albaniyasına aid olmuşdur.
Bəzi tədqiqatçılar Uti və Artsak vilayətlərini II Tiqranın işğal sahələri sayırlar. Yunan və Roma mənbələri isə sübut edir ki, II Tiqran alban torpaqlarını işğal etməmişdir[6]. II Tiqran Ermənistanın Şərq və Qərb hissələrini birləşdirib, vaxtilə Ermənistanın olan 70 vahəni parfiyalılardan almışdır. C.Markvarta görə isə həmin vahələr I Artaşesin işğal etdiyi Atropatenanın Şimal – Qərb torpaqları idi.[7] II Tiqran Lukull və Pompey tərəfindən məğlub ediləndən sonra onun dövləti dağıldı. E.ə. 66 – cı ildə bağlanmış müqaviləyə görə, II Tiqran vaxtilə ələ keçirdiyi torpaqlardan imtina elədi. Yalnız Şimali Mesopotomiya və Korduena Ermənistanın hakimiyyəti altında qaldı. Əgər Artsak və Utinin vaxtilə II Tiqran tərəfindən işğal olunduğunu fərz edilsə belə, məğlubiyyətdən sonra başqa torpaqlar kimi, həmin yerlər də Ermənistandan ayrılmışdır. Bununla da Arsaq və Utinin II Tiqran tərəfindən zəbt olunması mülahizəsinin əsassızlığ üzə çıxır.[8][9]
İrəvan xanlığı (ingiliscə: Erivan khanate) – 1747-ci ildə Nadir şah Əfşarın ölümündən sonra əsası qoyulmuş müstəqil xanlıq. Ərazisi müasir Ermənistanı habelə indiki Naxçıvan Muxtar Respublikasının Şərur və Sədərək rayonlarını və indiki Türkiyənin İğdır vilayətini əhatə etmişdir. 1828-ci ildə Rusiya İmperiyası ilə Qacar İran dövləti arasında imzalanmış Türkmənçay müqaviləsinə əsəsən Rusiyanın tərkibinə daxil edilmışdir.
1828-ci ildə Rusiya ilə İran arasında imzalanan Türkmənçay müqaviləsinə əsasən Şimali Azərbaycanın Naxçıvan xanlığı və İrəvan xanlığı ərazisində Erməni vilayəti təşkil edilmişdir. Cəmisi 25 min erməninin yaşadığı həmin ərazilərə Qacar İran və Osmanlı İmperiyasından kütləvi surətdə ermənilər köçürülmüşdür ki, vilayətin etnik tərkibi rusların daha loyal qəbul etdiyi xristianların say üstünlüyü ilə nəticələnsin və bununla da erməni vilayətinin inzibati-ərazi bölgüsü möhkəmləndirilsin.
Şimali Azərbaycanın İrəvan xanlığı ərazisində yaradılmış İrəvan quberniyası
[redaktə] 1897 ci il üzrə milli tərkib[13]
(ana dili üzrə)
| Qəzalar | ermənilər | azərbaycanlılar | kürdlər | ruslar | assuriyalılar |
|---|---|---|---|---|---|
| Aleksandropol qəzası | 85,5 % | 4,7 % | 3,0 % | 3,4 % | … |
| Naxçıvan qəzası | 34,4 % | 63,7 % | … | … | … |
| Yeni Bəyazid qəzası | 66,3 % | 28,3 % | 2,4 % | 2,2 % | … |
| Sürməli qəzası | 30,4 % | 46,5 % | 21,4 % | … | … |
| Şərur-Dərələyəz qəzası | 27,1 % | 67,4 % | 4,9 % | … | … |
| İrəvan qəzası | 38,5 % | 51,4 % | 5,4 % | 2,0 % | 1,5 % |
| Eçmiədzin qəzası | 62,4 % | 29,0 % | 7,8 % | … | … |
| Cəmi quberniya üzrə | 53,2 % | 37,8 % | 6,0 % | 1,6 % | … |
Ermənilərin İran və Türkiyədən indiki Ermənistan ərazisinə kütləvi surətdə köçürülməsi ilə paralel olaraq Erməni vilayətinə daxil edilən İrəvan əyalətinin Qırxbulaq, Zəngibasar, Körpübasar, Vedibasar, Şərur, Sürməli, Dərəkənd-Parçanis, Səədli, Talın, Seyidli-Ağsaqqallı, Sərdarabad, Gərnibasar, Abaran, Dərəçiçək, Göyçə (bir hissəsi) mahallarının, Naxçıvan əyalətinin Əlincəçay, Məvazixatun, Xok, Naxçıvan, Dərələyəz mahallarının, Ordubad dairəsinin Ordubad, Əylis, Dəstə, Biləv və Çənnəp mahalları türklərinin əksəriyyəti əsasən Türkiyə və İrana köçməyə məcbur olmuşlar. 1918-ci ildə mayın 26-da Zaqafqaziya Seymi buraxıldıqdan sonra əvvəlcə Gürcüstan, mayın 28-də isə Azərbaycan və Ermənistan öz müstəqilliyini elan edir. İyunun 4-də Türkiyə ilə Ermənistan arasında Batumda sülh müqaviləsi imzalanır. Bu müqaviləyə əsasən Ermənistan Respublikasının ərazisi təqribən 9 min kv.km, əhalisi isə 321 min nəfər (o cümlədən 200 min erməni, 100 min Azərbaycanlı, 5 min yezidi kürdləri, 6 min digər millətlər) təşkil edirdi. Bu respublikanın ərazisinə Yeni-Bəyazid qəzası, İrəvan qəzasının beşdə üçü, Eçmiədzin qəzasının dörddə biri, Aleksandropol qəzasının dörddə biri daxil idi. (Kazım Karabekirin Kaleminden, Doğunun Kurtuluşu, Ərzurum, 1990, səh. 371.)
Alman diplomatı Bernsdorf bu mənzərəni belə təsvir etmişdi: "Türkiyə ermənilərə ancaq Sevan(Göyçə-müəllif) gölünü saxlayıb, hansı ki, çimə bilərlər, ancaq çıxmağa və özlərini qurutmağa yer qalmayıb. Batum müqaviləsinə əsasən Ermənistan Respublikasının ərazisi Birinci Dünya müharibəsinə qədər ermənilərin İrəvan quberniyasında kompakt yaşadıqları ərazilərə məhdudlaşırdı.
[redaktə] 1918-ci illərdə erməni təcavüzü
1918-ci ildə Şərqi Anadoluda qırğınlar törətdikdən sonra türk qoşunlarının önündən qaçan erməni silahlı qüvvələri general Andranikin komandanlığı altında Gümrüdən Qarakilsəyə, oradan Dilican dərəsinə və Göyçəyə, sonra Naxçıvana, oradan da Zəngəzura adlayaraq, həmin ərazilərdəki müsəlman kəndlərini viran qoymuşdu. Erməni silahlı qüvvələrinin Zəngəzurdan Qarabağı təhdid etməsi Azərbaycan hökumətini ciddi narahat edirdi.
1918-ci ilin yayında erməni silahlı qüvvələri Göyçəni darmadağın etdikdən sonra Naxçıvanı işğal etmiş oradan da Zəngəzur qəzasına daxil olmuş, Gorus nahiyəsini və Şuşa yolunu ələ keçirmişdilər. Bununla əlaqədar Azərbaycan hökuməti avqustun 15-də Ermənistan hökumətinə etiraz notası göndərmiş, erməni silahlı qüvvələrinin bu addımını təcavüz kimi qiymətləndirərək, əgər erməni qoşunlarının Azərbaycan ərazisindən çıxarılmasına qarşı tədbir görülməzsə, hadisələrin sonrakı inkişafı üçün məsuliyyətin Ermənistan hökumətinin üzrinə düşəcəyini kəskinliklə bildirmişdi. Lakin Ermənistan hökuməti hiylə işlədib Andranikin silahlı qüvvələrinin Ermənistan hökumətinə tabe olmadığını bəhanə edərək, avqustun 1-də bildirmişdi ki, general Andranik və onun dəstəsi bütünlüklə Ermənistan ordusunun tərkibindən silinmişdir. Buna səbəb isə Andranik və onun dəstəsinin Ermənistan daşnak hökumətini tanımadıqlarını bəyan etmələri olmuşudu. Elə buna görə də Ermənistan hökuməti Andranikin və onun dəstəsinin əməllərinə cavabdeh olmadığını bildirmişdi[14].
1921-ci ildə sovet əsgərləri Ermənistana daxil olub, müstəqilliyi ləğv edib SSRİnin tərkibində Ermənistan Sovet Sosialist Respublikasını yaratdılar. 1922-1936-cı illərdə Zaqafqaziya Sovet Federativ Sosialist Respublikasına daxil idi. 1988-ci ildə Azərbaycanla Dağlıq Qarabağ Muxtar Vilayətinin statusu üstündə münaqişəyə cəlb olunmuşdu. Bu səbəbə görə 1988-1991-ci illərdə 200 min Azərbaycan türkü , 18 minə yaxın kürd və 4 min nəfər Rus ölkədən çıxarılmışdır.[15] Münaqişə indiyədək davam edir. 1991-ci ildən Ermənistan Respublikası müstəqil ölkədir.
[redaktə] İndiki Ermənistanın etnik tarixi
N.N.Şavrov Rusiyanın Zaqafqaziyadakı müstəmləkəçilik siyasəti haqqında yazır: "Biz müstəmləkəçilik fəaliyyətimizə Zaqafqaziyada rusların deyil, bizə yad olan xalqların yerləşdirilməsindən başladıq... 1826-28-ci illər müharibəsinin qurtarmasından sonrakı iki il ərzində 1828-ci ildən 1830-cu ilədək Zaqafqaziyaya 40 min İran və 84 min Türkiyə erməniləri köçürmüş və onları Yelizavetpol (Gəncə) və İrəvan quberniyalarının ən yaxşı dövlət torpaqlarında yerləşdirmişdik ki, orada erməni əhalisi cüzi idi. Onları həmçinin Tiflis quberniyasının Borçalı, Axıska və Axılkələk qəzalarında yerləşdirdik, onların yerləşdirilməsi üçün 200 min desyatindən artıq dövlət torpağı ayrılmış, 2 milyon rubldan artıq məbləğdə müsəlmanlardan xüsusi mülkiyyət torpaqları satın alınmışdı. Yelizavetpol quberniyasının dağlıq hissəsi (Dağlıq Qarabağ, Xanlar və Şəmkir rayonları nəzərdə tutulur – müəllif.) və Göyçə gölünün sahili həmin ermənilərlə məskunlaşdırılmışdı. Nəzərə almaq lazımdır ki, 124 min rəsmi köçürülən ermənilərlə yanaşı, qeyri-rəsmi şəkildə köçənlər də çox olmuşdur və ümumiyyətlə, köçənlərin sayı 200 min nəfərdən xeyli artıqdır.
Ermənilərin indiki Ermənistan ərazisinə axını 1877-1878-ci illər Rusiya-Türkiyə müharibəsindən sonra bir daha güclənmişdi. 90-cı illərdə Türkiyədə baş verən erməni üsyanları nəticəsində 400 minə yaxın erməni yenə də Qafqaza köçüb gəlmişdi. N.Şavrov qeyd edir ki, 20-ci əsrin əvvəlində Zaqafqaziyada yaşayan 1300000 ermənidən bir milyonu yerli əhali deyil, rusların vasitəsilə məskunlaşdırılmışdı[16].
Daha sonralar, Sovet hakimiyyəti illərində xarici ölkələrdə yaşayan 100 mindən artıq erməni Ermənistana köçüb gəlmişdi.
| Sıra | Şəhər | Marz | Əhalisi | Sıra | Şəhər | Marz | Əhalisi | |||
|---|---|---|---|---|---|---|---|---|---|---|
| 1 | İrəvan | İrəvan | 1.107.800 | 11 | Çarentsavan | Kotayk | 24.800 | |||
| 2 | Gümrü | Amasiya | 147.000 | 12 | Gorus | Sünik | 23.100 | |||
| 3 | Vanadzor | Lori | 105.000 | 13 | Sevan | Geğarkunik | 23.100 | |||
| 4 | Üçkilsə | Armavir | 57.300 | 14 | Masis | Ararat | 22.100 | |||
| 5 | Axta | Kotayk | 52.900 | 15 | Aştarak | Aragatsotn | 21.600 | |||
| 6 | Ellər | Kotayk | 45.700 | 16 | Ararat | Ararat | 20.700 | |||
| 7 | Qafan | Sünik | 45.500 | 17 | İcevan | Tavuş | 20.500 | |||
| 8 | Sərdarabad | Armavir | 33.700 | 18 | Ərtik | Amasiya | 17.300 | |||
| 9 | Kəvər | Geğarkunik | 25.800 | 19 | Sisian | Syunik | 16.700 | |||
| 10 | Artaşat | Ararat | 25.300 | 20 | Alaverdi | Lori | 16.600 | |||
[redaktə] Əhali
Ermənistan əhalisinin 98%-i ermənilər, qalanları ruslar, yunanlar, ukraynalılar və s. etnik qruplardır. Erməni Ortodoksluğu əsas dindir.
| Milliyət | Sayları[17] | Əhali içində nisbəti |
|---|---|---|
| Bütün ölkə əhalisi | 3,213,011 | 100% |
| Erməni | 3,145,354 | 97,9% |
| Yezidi Kürd | 40,620 | 1,2% |
| Rus | 14,660 | 0,4% |
| Assuriyalı | 3,409 | 0,1% |
| Ukraynalı | 1,633 | ** |
| Müsəlman Kürd | 1,519 | ** |
| Yunan | 1,176 | ** |
| Digərləri | 4,640 | ** |
Qeyd : **əhalinin 0,4%-ni təşkil edirlər .
[redaktə] İnzibati bölgü
Ölkə 11 vilayətə (marz) bölünür: Araqatsotn (Aştarak), Ararat (Artaşat), Armavir (Armavir), Geğarkunik (Qavar), Kotayk (Razdan), Lori (Vanadzor), Şirak (Gümrü), Syunik (Qafan), Tavuş (İjevan), Vayotsdzor (Exeqnadzor), İrəvan.
[redaktə] Ermənistan vilayətlərinin tarixi adları
[redaktə] Şəhərlər
| Əsil adı | Dəyişdirilmiş adı |
|---|---|
| İrəvan | Yerevan |
| Sərdərabad | Hoktemberyan |
| Kəvər | Kamo |
| Gümrü | Leninakan |
| Qarakilsə | Kirovakan |
| Cəlaloğlu | Stepanavan |
| Hamamlı | Spitak |
| Üçkilsə | Eçmiadzin |
[redaktə] Rayonlar
| Əsil adı | Dəyişdirilmiş adı |
|---|---|
| Basarkeçər | Vardenis |
| Qəmərli | Artaşat |
| Vedi | Ararat |
| Hacı Nəzər | Kamo |
| Molla Dursun | Şaumyan |
| Karvansaray | İcevan |
| Ağbaba | Amasiya |
| Ellər | Abovyan |
| Çəmbərək | Krasnoselsk |
| Uluxanlı | Masis |
[redaktə] Qəsəbələr
| Əsil adı | Dəyişdirilmiş adı |
|---|---|
| Alagöz | Araqaş |
| Arpaçay | Axuryan |
| Ortakilsə | Mnasyan |
| Göyçə | Maralik |
| Abilkənd | Kalino |
| Taliboğlu | Şuşakent |
| Tovuzqala | Berd |
| Allahverdi | Tumanyan |
[redaktə] İqtisadiyyat
Sovet dönəmində Ermənistan inkişaf etmiş sənayeyə malik bir respublika idi. Kimya, maşınqayırma, elektronika, yeyinti sənayesi və toxuculuq bu ölkədə çox yüksək dərəcədə inkişaf etmişdi. Lakin bu sənaye sahələrinin əksəriyyəti xaricdən gələn xammaldan asılı idi. Kənd təsərrüfatı həm işçi sayına görə, həm də istehsal miqdarına görə iqtisadiyyatda 20%-lik həcmə malik idi. Sovet İmperiyasının dağılması nəticəsində Ermənistanda çalışan bir çox müəssisələr öz fəaliyyətini dayandırdı, onlar hissələrə bölünərək metal parçaları kimi satıldılar. Nəticədə kənd təsərrüfatı ilə məşğul olan əhalinin miqdarı 40%-ə, kənd təsərrüfatı məhsullarının ÜDM-də payı isə 30%-ə qalxdı. Bundan başqa Qarabağ Müharibəsi nəticəsində ölkə iqtisadiyyatına ağır zərbə dəydi. Ermənistanın Azərbaycana qarşı işğalçılıq siyasəti aparması qonşu Azərbaycan və Türkiyənin Ermənistanla olan sərhədlərini bağlaması ilə nəticələndi. Bundan başqa qonşu Gürcüstanın da Ermənistana gedən mallara yüksək tranzit haqqı tətbiq etməsi (Gürcüstan Ermənistana gedən mallar üçün Azərbaycana gedən mallara tətbiq etdiyi tranzit haqqından iki dəfə yüksək vergi tətbiq edir) etməsi də Ermənistan iqtisadiyyatında olan tənəzzülü dərinləşdirirdi. Digər tərəfdən Ermənistan özünün ən yaxın iqtisadi tərəfdaşı olan Rusiya ilə yerüstü əlaqəyə malik deyildi. Gürcüstanla Rusiya arasındakı münasibətlərin gərginləşməsi nəticəsində Rusiyanın Gürcüstanla olan sərhədini 2006-cı ildə bağlaması da Ermənistanın blokada vəziyyətini daha da dərinləşdirdi. Bununla belə Ermənistan rəhbərliyi iqtisadiyyatda olan çətinliklərdən çıxış yolu kimi ölkədəki sənaye müəssisələrini Rusiyaya təhvil verməklə həll etməyə çalışırdı. Rusiya isə bunun qarşılığında Ermənistanın dövlət borcunun bir hissəsini ləğv edirdi. Rusiyanın idarəçiliyinə verilmiş iri sənaye müəssisələri Metsamor Atom Elektrik Stansiyası, Ermənistan Dəmir Yolları Konserni, Razdan İstilik Elektrik Stansiyası, İrəvanda yerləşən (fəaliyyətdə olmayan) Mars Elekronika və Robot Zavodu, Ermənistanın qazpaylayıcı şəbəkəsi olan ArmRosQazprom şirkəti və digər sənaye müəssisələridir. Lakin 2008-ci ildə dünyada baş vermiş iqtisadi böhran Ermənistan iqtisadiyyatında qəfil tənəzzül yaratdı. ÜDM 2009-cu ildə 15% azaldı. Həmin ildə Ermənistan ÜDM azalmasına görə dünyada ikinci yeri tutmuşdu. Ölkədəki bir çox müəssisələr işini dayandırdı, fəaliyyətdə olan müəssisələr isə ziyanla işləməkdə idi. Buna görə də Rusiya Ermənistanın ziyanla işləyən sənaye müəssisələrini borc əvəzində əldə etmək təkliflərindən imtina etdi. Nəticədə ölkədəki bir çox sənaye müəssisələri iflas etməyə başladı. 2010-cu ildə Ermənistandakı ən böyük kimya zavodu olan Nairit borclara görə öz fəaliyyətini dayandırdı. [18] 2011-ci ildə dünyadakı nüfuzlu Forbes jurnalı Ermənistanı dünyada ən pis iqtisadiyyata malik ölkələr siyahısında ikinci yerdə göstərdi. [19]
Ermənistan iqtisadiyyatı çox böyük ölçüdə xaricdəki ermənilərin ölkəyə göndərdiyi yardımlardan və investisiyalardan asılıdır. ABŞ, Avropa Birliyi, Rusiya hökümətləri, eləcə erməni diasporu hər il Ermənistana yüz milyonlarla dollar yardım edirlər. Təkcə ABŞ dövləti Ermənistana müstəqillik qazandıqdan sonra indiyə kimi 2 milyard ABŞ dolları dəyərində yardım edib. [20]
Ermənistan təbii ehtiyatlardan filizlərlə nisbətən zəngin ölkədir. Ölkədə qurğuşun, qızıl, mis, molibden və sink ehtiyatları var. Ölkədə istehsal olunan elektrik enerjisinin böyük hissəsi Metsamor Atom Elektrik Stansiyasında istehsal olunur (təxminən 40%).
[redaktə] Həmçinin bax
- İrəvan xanlığı
- İrəvan quberniyası
- İrəvan
- Qərbi Azərbaycan mahalları
- Azərbaycanlıların Qərbi Azərbaycandan deportasiyası
[redaktə] Xarici keçidlər
- Ermənilərin Azərbaycana qarşı ərazi iddiaları və silahlı təcavüzü
- ERMƏNİSTAN RESPUBLİKASININ AZƏRBAYCAN RESPUBLİKASINA QARŞI TƏCAVÜZÜ
- 31 MART – AZƏRBAYCANLILARIN SOYQIRIMI GÜNÜ
- К ПРОБЛЕМАМ НАГОРНОГО КАРАБАХА И ВОКРУГ НЕГО
- Azərbaycanın ilk Ermənistan portalı
[redaktə] İstinadlar
- ↑ CIA-The World Factbook
- ↑ Ənvər Çingizoğlu, Hüseynqulu xan Qovanlı-Qacar, Bakı: Mütərcim, 2011,-88 səh.
- ↑ Ö.Çələbi. Səyahətnamə. Bakı: 1997
- ↑ Новосельцев А.П. К вопросу о политической границе Армении и Кавказской Албании в античный период. Кавказ и Византия, I. Ереван, 1979.
- ↑ Ямпольский З.И. К изучению древнего пути из Каспийского моря по реке Куре через Грузию к Черному морю.//Тр. Ин-та истории АН ГССР, т. 2, 1956
- ↑ F. Məmmədova, 2006, səh 116 (azərb.)
- ↑ J. Marquart. Eransahr…, стр. 78
- ↑ Юшков С.В. К вопросу о границах древней Албании.//ИАН СССР, 1937, т. I.
- ↑ F. M.mmədova, 2006, səh 68 (azərb.)
- ↑ The Cambridge Ancient History, volume XIV, chapter 22b, page 662
- ↑ Azərbaycan Milli Ensiklopediyası "AZƏRBAYCAN" səhifə 176, Bakı – 2007
- ↑ Azərbaycan Milli Ensiklopediyası "AZƏRBAYCAN" səhifə 185, Bakı – 2007 (azərb.)
- ↑ Демоскоп Weekly — Приложение. Справочник статистических показателей
- ↑ Azərbaycan Respublikası Dövlət Arxivi, f.970, siy. 1, iş 11, v. 193
- ↑ Organiztion of Liberation of Garabagh : Statistics of Losses in Armenian-Azerbaijan Wor In Azerbaijan in 1988 before Garabagh conflict 390 thousand Armenians lived (approximately 6% of Republic's population). Of these 180 thousand lived in Baku and 145 thousand lived in Dag-lyg Garabagh Autonomic Region (DGAR). According to population census in 1989 in Armenia 85 thousand Azerbaijani lived (about 3 % of population). In fact, the figure was higher because in January of 1990 in Azerbaijan 208 thousand former Armenian citizens fled to Azerbaijan were recorded: 186 thousand of Azerbaijani, 18 thousand of Kurds and about 4 thousand Russians.
- ↑ Шавров Н.Н., Новая угроза русскому делу в Закавказье: предстоящая распродажа Мугани инородцам, СПб, 1911,səh. 63,64 (rus.)
- ↑ National Statistical Service of the Republic of Armenia-Tabel 5.1 : De Jure Population (Urban, Rural) by Age and Ethnicity in 2001 census
- ↑ "Nairit" Chemical Plant interrupted work
- ↑ Ən Pis İqtisadiyyata Malik Ölkələr – Forbes.com
- ↑ ABŞ-Ermənistan münasibətləri ABŞ Dövlət Departamenti
e
|
|
||
|---|---|---|
| Albaniya • Almaniya • Avstriya • Azərbaycan • Belarus • Belçika • Bolqarıstan • Bosniya və Herseqovina • Böyük Britaniya • Çexiya • Danimarka • Ermənistan • Estoniya • Finlandiya • Fransa • Gürcüstan • Xorvatiya • İrlandiya • İslandiya • İspaniya • İsveç • İsveçrə • İtaliya • Kipr Respublikası • Kosovo • Latviya • Litva • Lixtenşteyn • Lüksemburq • Macarıstan • Makedoniya • Malta • Moldova • Monako • Monteneqro • Niderland • Norveç • Polşa • Portuqaliya • Rumıniya • Rusiya • San-Marino • Serbiya • Slovakiya • Sloveniya • Şimali Kipr Türk Respublikası • Türkiyə • Vatikan • Yunanıstan | .svg) |
|
|
|
||
|---|---|---|
| MDB üzvləri |  Azərbaycan •  Belarus •  Ermənistan •  Qazaxıstan •  Qırğızıstan •  Moldova •  Özbəkistan •  Rusiya •  Tacikistan |
 |
| MDB-nin müşahidəçi üzvləri |  Türkmənistan (MDB-nin nizamnaməsini təsdiq etməyib) |
|
| MDB-nin faktiki üzvləri |  Ukrayna (MDB-nin nizamnaməsini təsdiq etməyib) |
|
| MDB-ni tərk edənlər |  Gürcüstan (3 dekabr 1993 — 18 avqust 2009) |
|
|
|
||
|---|---|---|
| Azərbaycan • Banqladeş • Bəhreyn • BƏƏ • Bruney • Butan • Cənubi Koreya • Çin • Ermənistan • Əfqanıstan • Filippin • Gürcüstan • Hindistan • İsrail • İndoneziya • İordaniya • İraq • İran • Kamboca • Kipr Respublikası • Qazaxstan • Qətər • Qırğızıstan • Koreya Xalq Demokratik Respublikası • Kuveyt • Laos • Livan • Malayziya • Maldiv • Misir • Monqolustan • Myanma • Nepal • Oman • Özbəkistan • Pakistan • Rusiya • Səudiyyə Ərəbistanı • Sinqapur • Suriya • Şərqi Timor • Şimali Kipr Türk Respublikası • Şri-Lanka • Tacikistan • Tayland • Türkmənistan • Türkiyə • Vyetnam • Yaponiya • Yəmən |  |
|
|
|
||
|---|---|---|
| Üzvlər | Belorusiya • Qazaxıstan • Qırğızıstan • Rusiya • Tacikistan • Özbəkistan |
 |
| Müşahidəçilər | Ermənistan • Moldova • Ukrayna | |
|
|
|
|---|---|
| Şəhərlər | Sərdarabad • Kəvər • Gümrü • Cəlaloğlu • Hamamlı • Üçkilsə • Qafan • Manas • Aşağı Axta • Elər • Ərtik • Əştərək • Karvansaray • Dilican • Gorus |
| XX əsrin ortalarına qədər mövcud olmuş rayonlar | Agin • Amasiya • Allahverdi • Aparan • Axta • Aşağı Qaranlıq • Barana •Basarkeçər • Cəlaloğlu • Qızıl Qoç • Qəmərli • Qafan• Düzkənd • Ellər • Ərtik • Əştərək • Böyük Qarakilsə • Talin • Zəngibasar • Vedi • Karvansaray • Qarakilsə • Keşişkənd • Kəvər • Soylan • Gorus • Çəmbərək • Meğri • Şəmşəddin • Sərdarabad • Üçkilsə |
| Mahallar | Ağbaba mahalı • Loru mahalı • Abaran mahalı • Dərəçiçək mahalı • Göyçə mahalı • Şörəyel mahalı • Qaraqoyunlu mahalı• Qırxbulaq mahalı • Karbi mahalı • Pəmbək mahalı • Talin mahalı • Zəngibasar mahalı • Vedibasar mahalı • Zəngəzur mahalı • Dərələyəz mahalı • Sərdarabad mahalı |
Bu məqalənin azərbaycan dili əlifbasının ərəb qrafikası ilə qarşılığı vardır. Bax: ائرمنیستان
|
Ermənistan ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
[rm[an:Armenia]] cedo:Ā-mī-nà̤-ā eon:Armenio hifi:Armenia e r ermenistan poxustan gotustan canina azar
