ASAN xidmət

Vikipediya, açıq ensiklopediya
Keçid et: naviqasiya, axtar
ASAN xidmət
azərb. "ASAN xidmət" mərkəzləri
Asan xidmət.jpg
"ASAN xidmət" mərkəzlərinin loqosu
Ölkə: Flag of Azerbaijan.svg Azərbaycan
Yaradılıb: 13 iyul 2012
Tabeçilik: Vətəndaşlara Xidmət və Sosial İnnovasiyalar üzrə Dövlət Agentliyi
Ünvan: AZ1600, Bakı şəhəri, Həsən Əliyev küçəsi 36.
Rəhbərlik
Rəhbər: İnam Kərimov
Müavin: Rəşad Abbasov
Sayt
asan.gov.az

ASAN xidmətAzərbaycan Respublikasında dövlət orqanları tərəfindən vətəndaşlara göstərilən xidmətlərin həyata keçirilməsini təmin edən mərkəzlər[1].

Tarixi[redaktə]

ASAN - Azərbaycan Xidmət və Qiymətləndirmə Şəbəkəsi Azərbaycan Respublikasının Prezidentinin təşəbbüsü ilə 13 iyul 2012-ci il tarixli, 685 nömrəli Fərmanla Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin himayəsi altında yaradılmışdır.

"ASAN xidmət" mərkəzi klassik onestop-shop qurumu kimi müxtəlif dövlət orqanlarının nümayəndələrinin cəmləşdiyi vahid məkandır. Bu tez-tez bir qapı və ya bir dam yanaşması kimi təsvir olunur. Beləliklə bu "vahid məkanın" yeni nəsli kimi qiymətləndirilə bilər ki, bir pəncərədən bir addım da irəlidədir.

"ASAN xidmət" mərkəzləri dövlət qulluqçularının fəaliyyətində əhaliyə münasibətdə vətəndaş məmnunluğunun təmin edilməsi istiqamətində yeni yanaşmanın formalaşdırılmasına, ölkədə dövlət qulluqçusu-vətəndaş münasibətlərinin keyfiyyətcə yeni müstəviyə keçməsinə xidmət edir.

Vahid hüquqi struktur[redaktə]

ASAN-ın dünyada olan digər oxşar qurumlarla müqayisədə unikallığı odur ki, Dövlət Agentliyi dövlət orqanlarını birbaşa öz xidmətlərini göstərdiyi yerlə təmin edir.

Bununla "ASAN xidmət" mərkəzinin tabe olduğu Dövlət Agentliyi standartların yaradılması, iş prinsipləri və rejimi, dövlət qurumları tərəfindən işin keyfiyyətli yerinə yetirilməsinə görə məsuliyyət daşıyır. Buna görə də, "ASAN xidmət" mərkəzinin mahiyyətinin 2 sütunu arasında maraq toqquşması yoxdur. Bundan əlavə, Dövlət Agentliyinin özü tamami ilə yeni heç bir dövlət xidməti göstərməyən neytral qurumdur. Onun Əsasnaməsinin müddəalarında istinad olunduğu kimi o standartın yaradılması, optimallışdırılması və xidmət göstərən orqanların nəzarət və qiymətləndirilməsinə məsuliyyət daşıyır.

Bunun fonunda dünyanın bəzi hissələrində vahid məkan sturukturunun xidmət göstərənlə nəzarətçinin eyni olduğu bir sıra nümunələri tapıla bilər. Bir çox hallarda bu çoxda bəri mövcud olan lakin bu məqsədlə bağlı hər hansı xüsusi səlahiyyəti olmayan köhnə bir qurumdan söhbət gedir.

Disproporsionallığın bu növü aşağıdakı səbəblərə görə dövlət xidmətlərinin göstərilməsinə görə məsuliyyət daşıyan dövlət orqanının etimadını və obyektivliyini və bütün prosesi şübhə altına ala bilər:

- sözügedən qurum xidmət göstərən tərəf qismində həm təhqiqatçı həm də xidmətə nəzarət edən tərəf qismində hakim funksiyalarını həyata keçirir.
- bu maraq toqquşması ilə və ya obyektivliyə böyük şübhələr ilə başa çatır
- onun funksiyaları tələb olunan kriteriyalara uyğun olmayan yeni çağırışlara cavab vermir
- Bu klassik vahid məkanın xüsusisiyyətlərinə uyğu deyil
- Onun əhatə dairəsi yalnız "Nazirliyin" alt qurumları ilə məhdudlaşır

"ASAN xidmət" Azərbaycan məhsulu, Azərbaycan ixtirası və Azərbaycan brendi olaraq beynəlxalq tərəfdaşlar və ekspertlər tərəfindən yüksək maraq və rəğbətlə xarakterizə olunur.

Vahid hüquqi sturuktur Azərbaycan modelini bütün dünyada tamamilə müstəsna edir.

"ASAN" xidmət mərkəzlərinin fəaliyyəti operativlik, şəffaflıq, nəzakətlilik, məsuliyyət və rahatlıq prinsipləri əsasında qurulur. "ASAN" xidmət mərkəzləri dövlət orqanları tərəfindən göstərilən xidmətlərin vahid və əlaqələndirilmiş şəkildə həyata keçirilməsini təmin edən orqanlardır.

Bir neçə orqan və xidmətlər bir arada[redaktə]

ASAN xidmət" mərkəzləri 10 dövlət orqanın standartlaşdırılmış 30 qrup hüquqi xidmətini həyata keçirir. Ümumilikdə özəl şirkət və müəssisələrin funksional yardımçı xidmətləri ilə birlikdə göstərilən xidmətlərin sayı 220-dən çoxdur.

Dövlət orqanları[redaktə]

  1. Ədliyyə Nazirliyi;
  2. Daxili İşlər Nazirliyi;
  3. Vergilər Nazirliyi;
  4. Əmlak Məsələləri Dövlət Komitəsi;
  5. Dövlət Gömrük Komitəsi;
  6. Dövlət Miqrasiya Xidməti;
  7. Dövlət Torpaq və Xəritəçəkmə Komitəsi;
  8. Dövlət Sosial Müdafiə Fondu;
  9. Milli Arxiv İdarəsi
  10. Səfərbərlik və Hərbi Xidmətə Çağırış üzrə Dövlət Xidməti

"ASAN xidmət"lər[redaktə]

- doğumun qeydə alınması;
- ölümün qeydə alınması;
- nikahın qeydə alınması;
- nikahın pozulmasının qeydə alınması;
- övladlığa götürmənin qeydə alınması;
- atalığın müəyyən edilməsinin qeydə alınması;
- adın, ata adının və soyadın dəyişdirilməsinin qeydə alınması;
- vətəndaşlıq vəziyyəti aktlarının dövlət qeydiyyatı haqqında şəhadətnamələrin (təkrar şəhadətnamələrin) verilməsi;
- notariat fəaliyyəti;
- xaricdə istifadə üçün nəzərdə tutulan sənədlərə dair apostil verilməsi üçün sənədlərin qəbulu;
- şəxsiyyət vəsiqələrinin verilməsi və dəyişdirilməsi;
- ümumvətəndaş pasportlarının verilməsi və dəyişdirilməsi;
- sürücülük vəsiqələrinin dəyişdirilməsi;
- məhkumluq barədə arayışların verilməsi;
- mənzilləri üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;
- daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;
- fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi;
- kommersiya hüquqi şəxslərin və vergi ödəyicilərinin qeydiyyatı;
- hüquqi və fiziki şəxslərə arxiv arayışlarının verilməsi;
- gömrük bəyannamələrinin, gömrük rəsmiləşdirilmələri üçün sənədlərin qəbulu;
- əcnəbilərə və vətəndaşlığı olmayan şəxlərə Azərbaycan Respublikasının ərazisində müvəqqəti və daimi yaşamaq üçün icazələrin, habelə haqqı ödənilən əmək fəliyyətini həyata keçirmələri üçün fərdi icazələrin verilməsi;
- torpaq kadastrı məlumatları barədə arayışların verilməsi;
- əmək pensiyalarının təyin edilməsi;
- yaşayış yeri üzrə qeydiyyata alındığı və ya qediyyatdan çıxarıldığı hallarda çağırışçıların və hərbi vəzifəli vətəndaşların hərbi qeydiyyata alınması və hərbi qeydiyyatdan çıxarılması;
- dövlət orqanlarının göstərdikləri bütün xidmətlər üzrə informasiya xidmətinin həyata keçirilməsi.

Funksional yardımçı xidmətlər[redaktə]

- Bank xidmətləri
- Sığorta xidmətləri
- Hüquqi yardım xidmətləri
- Bütün növ sənədlərin dövlət dilinə və ya dövlət dilindən digərinə tərcümə edilməsi ilə bağlı xidmətlər
- Tibb xidmətləri
- Rəsmi internet informasiya ehtiyatı vasitəsi ilə göstərilən xidmətlər
- Mərkəzlərdə quraşdırılan xüsusi terminallar vasitəsi ilə göstərilən xidmətlər
- Foto xidmətlər
- "Azəriqaz" İB-in müştəri xidmətləri
- "Azərsu" ASC-nin müştəri xidmətləri
- "Bakıelektrikşəbəkə" ASC-nin müştəri xidmətləri
- Bakcell xidmətləri
- Azercell xidmətləri
- Mərkəzi Bank xidmətləri

Səyyar "ASAN xidmət"[redaktə]

Mobil ASAN xidmət

Azərbaycan Respublikasının Prezidentinin tapşırığına əsasən "ASAN xidmət" mərkəzlərinin təsis edilmədiyi regionlardakı əhaliyə xidmətlərin çatdırılması və mərkəzlərə gəlmədən vətəndaşların xidmətlərdən yararlanmalarının təmin edilməsi üçün zəruri müasir texnoloji avadanlıqlarla təchiz edilmiş avtobuslar səyyar formada regionlarda əhaliyə Mobil xidmətlər göstərir.

Səyyar ASAN xidmət

9108 nömrəsinə zəng etməklə vətəndaşlar sifariş əsasında qanunla nəzərdə tutulmuş qaydada əlavə ödəniş aparılmaqla onun iş və ya yaşayış yerini, habelə olduğu yeri tərk etmədən xidmətlərdən yararlana bilərlər. Sosial həmrəyliyin təmin edilməsi məqsədi ilə səyyar xidmətlər kənardan qulluğa və yardıma ehtiyacı olan əlillər və sağlamlıq imkanları məhdud uşaqlar üçün əlavə səyyar xidmət haqqı ödənilmədən həyata keçirilir.
Səyyar "ASAN xidmət" avtobusu

"Səyyar ASAN xidmət"in həyata keçirilməsinin əsas məqsədləri:

- Dövlət xidmətlərinin vətəndaşlara daha rahat, yeni və müasir üsullarla təqdimatı;
- Dövlət xidmətlərinin vətəndaşlar üçün əlçatanlığının təmin ediməsi;
- Vətəndaş məmnunluğuna nail olunması.

"Çağrı mərkəzi" - 108

Çağrı mərkəzi vasitəsi ilə vətəndaş bütün dövlət xidmətləri, müraciət üçün tələb olunan sənədlər barədə məlumat ala, növbə tuta və "ASAN xidmət" mərkələrinin faəliyyəti ilə bağlı təkliflərini verə bilər.
Respublikanın istənilən regionundan stasionar telefonlardan 108 nömrəsinə zənglər ödənişsizdir

"ASAN xidmət" mərkəzləri[redaktə]

Hazırda 6 "ASAN xidmət" mərkəzi fəaliyyət göstərməkdədir. Onlardan 4-ü paytaxt Bakı, ikisi isə Azərbaycanın ikinci və üçüncü böyük şəhərləri olan Gəncə və Sumqayıt şəhərlərindədir:

ASAN1 Baki.jpg
ASAN1 Baki 1.JPG
ASAN2 Baki.jpg
ASAN2 Baki2.JPG
1 saylı Bakı "ASAN xidmət" mərkəzi 1 saylı Bakı "ASAN xidmət" mərkəzi 2 saylı Bakı "ASAN xidmət" mərkəzi 2 saylı Bakı "ASAN xidmət" mərkəzi

1 saylı[redaktə]

1 saylı Bakı "ASAN xidmət" mərkəzi Bakı şəhərinin Nəsimi, Binəqədi və Nərimanov rayonlarının sakinlərinə xidmət göstərir.

Ünvan: Azərbaycan Respublikası, Bakı şəhəri, Akademik Həsən Əliyev küç 36 AZ 1078

2 saylı[redaktə]

2 saylı "ASAN Xidmət" mərkəzi Bakı şəhərinin Nizami, Xətai və Suraxanı rayonlarının sakinlərinə xidmət göstərir.

Ünvan: Azərbaycan Respublikası, Bakı şəhəri, Nobel pr 23 Amay Ticarət mərkəzinin 2-ci mərtəbəsi
ASAN Yasamal.JPG
ASAN4 Baki.JPG
3 saylı Bakı "ASAN xidmət" mərkəzi 4 saylı Bakı "ASAN xidmət" mərkəzi

3 saylı[redaktə]

3 saylı "ASAN xidmət" mərkəzi Bakı şəhərinin Yasamal, Səbail və Qaradağ rayonlarının sakinlərinə xidmət göstərir.

Ünvan: Azərbaycan Respublikası, Bakı şəhəri, A.M. Şərifzadə küçəsi 39

4 saylı[redaktə]

4 saylı Bakı "ASAN xidmət" mərkəzi Bakı şəhərinin Sabunçu, Pirallahı və Xəzər rayonlarının sakinlərinə xidmət göstərir.

Ünvan: Azərbaycan Respublikası, Bakı şəhəri, Sabunçu rayonu, Bakıxanov qəs, Sülh küç, 8A
ASAN Sumqayit1.JPG
ASAN Sumgayit.jpg
ASAN Gence.jpg
Sumqayıt "ASAN xidmət" mərkəzi Sumqayıt "ASAN xidmət" mərkəzi Gəncə "ASAN xidmət" mərkəzi

Sumqayıt[redaktə]

Sumqayıt "ASAN xidmət" mərkəzi Sumqayıt şəhəri ilə yanaşı Abşeron, Xızı, Siyəzən, Şabran, Quba, Qusar, Xaçmaz, Şamaxı və Qobustan rayonlarının sakinlərinə xidmət göstərir.

Ünvan: Azərbaycan Respublikası, Sumqayıt şəhəri, Bakı küçəsi 15-ci məhəllə 42 d

Gəncə[redaktə]

Gəncə "ASAN xidmət" mərkəzi Gəncə şəhəri ilə yanaşı Şəmkir, Goranboy, Göygöl, Gədəbəy, Kəlbəcər, Xocalı, Samux, Daşkəsən rayonlarının və Naftalan şəhərinin sakinləri olan vətəndaşlara da xidmət göstərir.

Ünvan: Azərbaycan Respublikası, Gəncə şəhəri, AZ 2000, Heydər Əliyev prospekti 87a

4 saylı Bakı "ASAN xidmət" mərkəzi 15 may 2014-cü il tarixində istifadəyə verildikdən sonra Bakı şəhəri üzrə qeydiyyat məhdudiyyəti aradan qaldırıldı və paytaxt sakinləri onlara yaxın olan mərkəzə müraciət edib xidmətlərdən yararlana bilər.

2014-cü ilin sonunadək bütün ölkə ərazisinin müvafiq "Asan xidmət" mərkəzləri ilə əhatə olunması nəzərdə tutulur.

Statistika[redaktə]

Statistikaya müvafiq olaraq 11 iyul 2014-cü il tarixinə qədər "ASAN xidmət" mərkəzlərinə 2.160 .000–dən artıq vətəndaşın müraciəti qeydə alınmışdır.

Hər gün orta hesabla 7000 - 8000 nəfər "ASAN xidmət" mərkəzlərində göstərilən xidmətlərdən yararlanır.

Dövlət Agentliyi vətəndaşları rəsmi websəhifə - www.asan.gov.az saytı vasitəsi ilə gündəlik əsaslarla vətəndaşlara xidmətlər, rüsumlar, prosedur barədə məlumatlandırır.

Websəhifə 2013-cü ilin ən yaxşı dövlət saytı nominasiyasında Netty.az tərəfindən Milli İnternet Mükafatına layiq görülmüşdür.

Rəsmi facebook səhifəsi https://www.facebook.com/www.asan.gov.az ASAN xidmət mərkəzlərində işin təşkili və göstərilən xidmətlərin keyfiyyəti barədə vətəndaşların münasibətini interaktiv sürətdə öyrənməyin başqa üsuludur.

Facebook səhifəsinin bəyənənlərin sayı 11 iyul 2014-cü il tarixinə qədər 200 000-dən artıqdır.

İstinadlar[redaktə]

  1. "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin yaradılması və dövlət orqanları tərəfindən vətəndaşlara göstərilən xidmətlərin təkmilləşdirilməsi ilə bağlı tədbirlər haqqında" Azərbaycan Respublikası Prezidentinin 13 iyul 2012-ci il tarixli, 685 nömrəli Fərmanı (azərb.)

Xarici keçidlər[redaktə]

VikiAnbarda ASAN xidmət ilə əlaqəli mediafayllar var.

Həmçinin bax[redaktə]