Avroviziya Mahnı Müsabiqəsi

Vikipediya, açıq ensiklopediya
Keçid et: naviqasiya, axtar
Müsabiqə emblemi

Avroviziya Mahnı Müsabiqəsi (ing. Eurovision Song Contest, fr. Concours Eurovision de la Chanson) — Avropa Yayım İttifaqı tərəfindən təşkil olunan ən yaxşı mahnı üzrə illik televiziya müsabiqəsidir.[1]

Müsabiqədə Avropa Yayım İttifaqına üzv ölkələrdən bir nümayəndə iştirak edir. Hər ölkədən 3 dəqiqədən çox olmayan mahnı ifa edən yalnız bir nümayəndə (solist və ya qrup) iştirak edir. Çıxışdan sonra yarımfinalda və ya finalda ən sevilən mahnı telesəsvermə yolu ilə müəyyən edilir.

Müsabiqə 1956-cı ildən başlayaraq hər il keçirilir və dünyada ən məşhur qeyri-idman yarışlarından biridir.[2] Ümumi izləyiciləri 100 milyondan, 800 milyon arasıdır.[3][4]. Avroviziya həmçinin Avropadan kənar da yayımlanır. Avstraliya, Kanada, Qazaxıstan, Misir, Honkonq, Hindistan, İordaniya, Livan, Yeni Zelandiya, CAR, Cənubi Koreya, VyetnamABŞ kimi ölkələr müsabiqədə iştirak etməsələr də, müsabiqə bu ölkələrdə də yayımlanır.[5][6] 2000-ci ildən başlayaq internetdə də yayımlanmağa başlayıb[7] 2006-cı ildə onlayn yayıma dünyanın 140 ölkəsindən 74 000 insan baxmışdır. [8]

2008-ci ildə Avroviziya müsabiqəsindən birbaşa yayımı 50 ölkədən 400 milyon insan seyr etmişdir.

Müsabiqənin bütün intellektual mülkiyyət hüquqları Avropa Yayım İttifaqına məxsusdur.[9]

Tarix[redaktə]

50-ci illərin ortalarında Avropa Yayım İttifaqının (AYİ) üzvləri Avropanın mədəni cəhətdən birləşməsi üçün baxımlı əyləncəli proqram yaratmaq fikrinə düşdülər. 1955-ci ilin yanvarında İsveçrə televiziyasının direktoru Marsel Bezanson Avropanın ən yaxşı mahnısını təyin edən beynəlxalq müsabiqənin keçirilməsini təklif etdi. [10] Onun təklifi AYİ-nın 1955-ci il 19 oktyabr tarixində Romadakı Assambleyasında bəyənilmişdir. İlkin nümnunə olaraq San-Remoda (İtaliya) keçirilən musiqi festivalı götürüldü.[11]

İlkin olaraq "Qran-pri Avroviziya" adlanan müsabiqə, ilk dəfə 24 may 1956-cı ildə Luqana şəhərində (İsveçrə) keçirilmişdir. Hərəsi 2 mahnı ilə çıxış edən, 7 ölkə iştirak edirdi. Bu hər ölkənin birdən artıq mahnı ilə iştirak etdiyi ilk və son müsabiqə olmuşdur. [12] Müsabiqədə ev sahibi olan ölkənin nümayəndəsi Liz Assia "Refren" (Refrain) mahnısı ilə qalib gəldi.

Vaxt ötdükcə müsabiqədə iştirak etmək istəyənlərin sayı artdı və onların eyni zamanda çıxış etmələri mümkünsüz oldu. Bu səbəbdən ən pis nəticə göstərən ölkələrin müsabiqədən kənarlaşdırılması qərarı qəbul edildi. Ancaq 2004-cü ildə AYİ üzvlərinin hamısının yarışmada iştirak etməsi üçün müsabiqə yarımfinal və final hissələrinə bölündü.

Ən uğurlu iştirakçı ölkələr — İrlandiya (7 dəfə qalib olub), Birləşmiş Krallıq, Fransa və Lüksemburqdur (hərəsi 5 qələbə). Avroviziyanın ən gənc qalibi 1986-cı ildə 13 yaşlı Belçika nümayəndəsi Sandra Kim olmuşdur. İndiki qaydalara əsasən iştirakçıların yaşı 16-dan yuxarı olmalıdır.

Müsabiqənin adı Avropa Yayım İttifaqına məxsus Avroviziya teleproqramı adındandır. Müsabiqəni əksər hallarda sadəcə "Avroviziya" adlandırırlar.

Avroviziya Mahnı Müsabiqəsinin yayımından əvvəl və sonra səsləndirilən musiqi parçası - Mark Antuan Şerpantyenin "Te Deum" (Səni, Tanrını mədh edirik) mahnısına müqəddimədir.[10]

Birincilər[redaktə]

İl Ölkə Mahnı Müğənni/Qrup Bal Fərq İkinci ölkə Tarix Ev sahibi olan şəhər
1956 Flag of Switzerland.svg İsveçrə "Refrain" Liz Assia Bilinmir Bilinmir Bilinmir 24 may 1956 Luqano
1957 Flag of the Netherlands.svg Niderland "Net als toen" Kori Brokken 31 14 Flag of France.svg Fransa 3 mart 1957 Frankfurt
1958 Flag of France.svg Fransa "Dors, Mon Amour" Andre Klevü 27 3 Flag of Switzerland.svg İsveçrə 12 mart 1958 Hilversum
1959 Flag of the Netherlands.svg Niderland "Een beetje" Teddi Şolten 21 5 Flag of England.svg İngiltərə 11 mart 1959 Cannes
1960 Flag of France.svg Fransa "Tom Pillibi" Jacqueline Boyer 32 7 Flag of England.svg İngiltərə 25 mart 1960 London
1961 Flag of Luxembourg.svg Lüksemburq "Nous les amoureux" Jean-Claude Pascal 31 6 Flag of England.svg İngiltərə 18 mart 1961 Cannes
1962 Flag of France.svg Fransa "Un premier amour" Isabelle Aubret 26 13 Flag of Monaco.svg Monako 18 mart 1962 Lüksemburq
1963 Flag of Denmark.svg Danimarka "Dansevise" Grethe ve Jørgen Ingmann 42 2 Flag of Switzerland.svg İsveçrə 23 mart 1963 London
1964 Flag of Italy.svg İtaliya "Non ho l'età" Gigliola Cinquetti 49 32 Flag of England.svg İngiltərə 21 mart 1964 Kopenhagen
1965 Flag of Luxembourg.svg Lüksemburq "Poupée de cire, poupée de son" France Gall 32 6 Flag of England.svg İngiltərə 20 mart 1965 Neapol
1966 Flag of Austria.svg Avstriya "Merci Chérie" Udo Jürgens 31 15 Flag of Sweden.svg İsveç 5 mart 1966 Lüksemburq
1967 Flag of England.svg İngiltərə "Puppet on a String" Sandie Shaw 47 25 Flag of Ireland.svg İrlandiya 8 aprel 1967 Vyana
1968 Flag of Spain.svg İspaniya "La, la, la" Massiel 27 1 Flag of England.svg İngiltərə 6 aprel 1968 London
1969 Flag of Spain.svg İspaniya "Vivo Cantando" Salomé 18 N/A N/A 29 mart 1969 Madrid
Flag of England.svg İngiltərə "Boom Bang-a-Bang" Lulu
Flag of the Netherlands.svg Niderland "De troubadour" Lenny Kuhr
Flag of France.svg Fransa "Un jour, un enfant" Frida Boccara
1970 Flag of Ireland.svg İrlandiya "All Kinds of Everything" Dana 32 6 Flag of England.svg İngiltərə 21 mart 1970 Amsterdam
1971 Flag of Monaco.svg Monako "Un banc, un arbre, une rue" Séverine 128 12 Flag of Spain.svg İspaniya 3 aprel 1971 Dublin
1972 Flag of Luxembourg.svg Lüksemburq "Après toi" Vicky Leandros 128 14 Flag of England.svg İngiltərə 25 mart 1972 Edinburq
1973 Flag of Luxembourg.svg Lüksemburq "Tu te reconnaîtras" Anne-Marie David 129 4 Flag of Spain.svg İspaniya 7 aprel 1973 Lüksemburq
1974 Flag of Sweden.svg İsveç "Waterloo" ABBA 24 6 Flag of Italy.svg İtaliya 6 aprel 1974 Briqton
1975 Flag of the Netherlands.svg Niderland "Ding-A-Dong" Teach-In 152 14 Flag of England.svg İngiltərə 22 mart 1975 Stokolm
1976 Flag of England.svg İngiltərə "Save Your Kisses for Me" Brotherhood of Man 164 17 Flag of France.svg Fransa 3 aprel 1976 Lahey
1977 Flag of France.svg Fransa "L'oiseau et l'enfant" Marie Myriam 136 15 Flag of England.svg İngiltərə 7 may 1977 London
1978 Flag of Israel.svg İsrail "A-Ba-Ni-Bi" İzhar Kohen & Alphabeta 157 32 Flag of Belgium (civil).svg Belçika 22 aprel 1978 Paris
1979 Flag of Israel.svg İsrail "Hallelujah" Gali Atari & Milk and Honey 125 9 Flag of Spain.svg İspaniya 31 mart 1979 Qüds
1980 Flag of Ireland.svg İrlandiya "What's Another Year?" Johnny Logan 143 15 Flag of Germany.svg Almaniya 19 aprel 1980 Lahey
1981 Flag of the United Kingdom.svg Böyük Britaniya "Making Your Mind Up" Bucks Fizz 136 4 Flag of Germany.svg Almaniya 4 aprel 1981 Dublin
1982 Flag of Germany.svg Almaniya "Ein bißchen Frieden" Nicole 161 61 Flag of Israel.svg İsrail 24 aprel 1982 Harrogate
1983 Flag of Luxembourg.svg Lüksemburq "Si la vie est cadeau" Corinne Hermès 142 6 Flag of Israel.svg İsrail 23 aprel 1983 Münhen
1984 Flag of Sweden.svg İsveç "Diggi-Loo Diggi-Ley" Herreys 145 8 Flag of Ireland.svg İrlandiya 5 may 1984 Lüksemburq
1985 Flag of Norway.svg Norveç "La det swinge" Bobbysocks 123 18 Flag of Germany.svg Almaniya 4 may 1985 Gothenburg
1986 Flag of Belgium (civil).svg Belçika "J'aime la vie" Sandra Kim 176 36 Flag of Switzerland.svg İsveçrə 3 may 1986 Bergen
1987 Flag of Ireland.svg İrlandiya "Hold Me Now" Johnny Logan 172 31 Flag of Germany.svg Almaniya 9 may 1987 Brüksel
1988 Flag of Switzerland.svg İsveçrə "Ne partez pas sans moi" Selin Dion 137 1 Flag of the United Kingdom.svg Böyük Britaniya 30 aprel 1988 Dublin
1989 Flag of FR Yugoslavia.svg Yuqoslaviya "Rock Me (Riva)" Riva 137 7 Flag of the United Kingdom.svg Böyük Britaniya 6 may 1989 Lozan
1990 Flag of Italy.svg İtaliya "Insieme: 1992" Toto Cutugno 149 17 Flag of Ireland.svg İrlandiya/Flag of France.svg Fransa[13] 5 may 1990 Zaqreb
1991 Flag of Sweden.svg İsveç "Fångad av en stormvind" Carola 146 0[14] Flag of France.svg Fransa 4 may 1991 Roma
1992 Flag of Ireland.svg İrlandiya "Why Me" Linda Martin 155 16 Flag of the United Kingdom.svg Böyük Britaniya 9 may 1992 Malmö
1993 Flag of Ireland.svg İrlandiya "In Your Eyes" Niamh Kavanagh 187 23 Flag of the United Kingdom.svg Böyük Britaniya 15 may 1993 Millstreet
1994 Flag of Ireland.svg İrlandiya "Rock 'n' Roll Kids" Paul Harrington & Charlie McGettigan 226 60 Flag of Poland.svg Polşa 30 aprel 1994 Dublin
1995 Flag of Norway.svg Norveç "Nocturne" Secret Garden 148 29 Flag of Spain.svg İspaniya 13 may 1995 Dublin
1996 Flag of Ireland.svg İrlandiya "The Voice" Eimear Quinn 162 48 Flag of Norway.svg Norveç 18 may 1996 Oslo
1997 Flag of the United Kingdom.svg Böyük Britaniya "Love Shine a Light" Katrina & the Waves 227 70 Flag of Ireland.svg İrlandiya 3 may 1997 Dublin
1998 Flag of Israel.svg İsrail "Diva" Dana International 172 6 Flag of the United Kingdom.svg Böyük Britaniya 9 may 1998 Birmingham
1999 Flag of Sweden.svg İsveç "Take Me to Your Heaven" Şarlotta Perelli 163 17 Flag of Iceland.svg İslandiya 29 may 1999 Kudüs
2000 Flag of Denmark.svg Danimarka "Fly on the Wings of Love" Olsen Brothers 195 40 Flag of Russia.svg Rusiya 13 may 2000 Stockholm
2001 Flag of Estonia.svg Estoniya "Everybody" Tanel Padar, Dave Benton & 2XL 198 21 Flag of Denmark.svg Danimarka 12 may 2001 Kopenhagen
2002 Flag of Latvia.svg Latviya "I Wanna" Marie N 176 12 Flag of Malta.svg Malta 25 may 2002 Tallinn
2003 Flag of Turkey.svg Türkiyə "Everyway That I Can" Sertab Erener 167 2 Flag of Belgium (civil).svg Belçika 24 may 2003 Riqa
2004 Flag of Ukraine.svg Ukrayna "Wild Dances" Ruslana 280 17 Flag of Serbia and Montenegro.svg Serbiya və Monteneqro 15 may 2004[15] İstanbul
2005 Flag of Greece.svg Yunanıstan "My Number One" Elena Paparizu 230 68 Flag of Malta.svg Malta 21 may 2005[15] Kiyev
2006 Flag of Finland.svg Finlandiya "Hard Rock Hallelujah" Lordi 292 44 Flag of Russia.svg Rusiya 20 may 2006[15] Afina
2007 Flag of Serbia.svg Serbiya "Molitva" Mariya Şerifoviç 268 33 Flag of Ukraine.svg Ukrayna 12 may 2007[15] Helsinki
2008 Flag of Russia.svg Rusiya "Believe" Dima Bilan 272 42 Flag of Ukraine.svg Ukrayna 24 may 2008[16] Belqrad
2009 Flag of Norway.svg Norveç "Fairytale" Aleksandr Rıbak 387 169 Flag of Iceland.svg İslandiya 16 may 2009 Moskva
2010 Flag of Germany.svg Almaniya "Satellite" Lena 246 76 Flag of Turkey.svg Türkiyə 29 may 2010 Oslo
2011 Flag of Azerbaijan.svg Azərbaycan "Running Scared" Eldar Qasımov & Nigar Camal 221 32 Flag of Italy.svg İtaliya 14 may 2011 Düsseldorf
2012 Flag of Sweden.svg İsveç "Euphoria" Lorin 372 113 Flag of Russia.svg Rusiya 26 may 2012 Bakı
2013 Flag of Denmark.svg Danimarka "Only Teardrops" Emmili de Forest 281 49 Flag of Azerbaijan.svg Azərbaycan 18 may 2013 Malmö
2014 Flag of Austria.svg Avstriya Rise Like a Phoenix Konçita Vurst 290 52 Flag of the Netherlands.svg Niderland 10 may 2014 Kopenhagen

Müsabiqə və keçirilmə qaydaları[redaktə]

Müsabiqənin qaydaları mövcud olduğu dövr ərzində bir neçə dəfə dəyişilmişdir. Müsabiqə iştirakçı ölkələrdən birində keçirilir.

Müsabiqə aşağıdakı kimi keçirilir:

  • Müsabiqədə iştirak edən hər ölkə müxtəlif yollarla ifaçı və mahnı seçir.
  • Hər ölkədən, hər mahnı bir dəfə canlı səslə yazılır (musiqi fonoqrammaya yazıla bilər).
  • Əvvəlki illərdə bütün mahnılar ifa edildikdən sonra, izləyicilər 15 dəqiqə ərzində bəyəndikləri musiqiyə səs verə bilərdilər. 2010-cu ildə tətbiq olunan yeni qaydaya əsasən müsabiqə başlayan kimi səsvermə də açıq elan olunur.
  • İzləyicilər öz ölkəsinin nümayəndəsinə səs göndərə bilmirlər.
  • Bütün səslər ölkə üzrə hesablanır (yəni Azərbaycanda yığılan səslər ayrı, Türkiyədə ayrı, Macarıstanda ayrı hesablanır).
  • Hər ölkə öz nəticələrini peyk əlaqəsi vasitəsilə ötürür. Səslər 1-12 arası verilir. Ən yüksək xal 12, ən aşağı xal isə 1 sayılır.
  • Qalib ən çox xal yığan ölkə olur. Növbəti il müsabiqə həmin ölkədə keçirilir.

Müsabiqənin finalı Qərbi Avropa yay vaxtı ilə may ayında, saat 21:00-da keçirilir. 2004-cü ildən başlayaraq iştirakçı ölkələrin sayının artması səbəbindən kvalifikasiya turu — dördüncü gün keçirilən yarımfinal yarandı. 2007-ci ilin sentyabrında qəbul edildi ki, 2008-ci ildən başlayaraq 2 yarımfinal olacaq və finala yalnız ev sahibi və böyük dördlüyə daxil olan ölkələr (Böyük Britaniya, Almaniya, Fransa, İspaniya, İtaliya ) birbaşa keçəcəklər[17]

Müsabiqədə iştirak edən ölkələr[redaktə]

Avropa Yayım İttifaqına üzv olan hər bir ölkə (hətta Avropadan kənar olsa belə) müsabiqədə iştirak etmək hüququna malikdir. Belə ölkə kimi İsrailiMərakeşi misal çəkmək olar.

1956-cı ildən bəri iştirakçılar:      Ən azı 1 dəfə iştirak edənlər      İştirak etmək haqqı olub, bundan istifadə etməyənlər      İştirakı elan olunub sonradan ləğv edilənlər

Ümumilikdə müsabiqədə müxtəlif vaxtlarda 50-dən çox ölkə iştirak edib:

Həmçinin yeddi ölkə müsabiqədə iştirak etmə hüququna malik olsa da, heç vaxt iştirak ərizələrini verməmişlər. Bunlar İordaniya, Livan, Əlcəzair, Misir, LiviyaTunisdir. 2005-ci ildə Livan iştirak üçün ərizə versə də sonradan geri götürmüşdür.

Rekordçular[redaktə]

"Eurovision"un qalibi olmaqda İrlandiyanın rekordunu hələ heç bir ölkə təkrarlamayıb. Bu şimal ölkəsi 1992-1994-cü illər arasında ardıcıl olaraq üç dəfə qalib olmaqla yeddi dəfə birinci yerə çıxıb. Fransa, Lüksemburq və Böyük Britaniya beş dəfə "Eurovision"a ev sahibliyi edib.

Mahnı yarışmasının keçirildiyi ilk dövrlərdə qalibiyyət açarı Eurovisionun ənənəvi ölkələrinin – Fransa, Niderland, Lüksemburq - əllərindən verməyiblər. Lakin son on illər bu ölkələrin heç biri qalib adını qazana bilmir. Niderland sonuncu dəfə 1975-ci ildə, Fransa 1977-ci ildə, Lüksemburq 1983-cü ildə birinci yerə çıxıb. Yeri gəlmişkən, Lüksemburq sonuncu dəfə "Eurovision"-da 1993-cü ildə iştirak edib. Almaniya isə qalib adını yalnız 2010-cu ildə qazanıb.

XXI yüzilliyin ilk illəri əvvəllər ilk üçlüyə düşə bilməyən həm "yeni" ölkələr, həm də "Eurovision"un stajlı iştirakçıları üçün düşərli oldu. 45 illik iştirakdan sonra Finlandiya nəhayət ki, 2006-cı ildə birinci yerə çıxa bildi. 2010-cu ilə qədər aparılan araşdırmalara görə qələbəyə ən çox həsrət qalan ölkə Portuqaliyadı.

Rekordçu iştirakçılar[redaktə]

"Eurovision" qaliblərinin topladığı səslərə görə nisbi rekord (79%) və mütləq üstünlük (387 xal) 2009-cu ildə Moskvada Norveçi təmsil edən əslən belaruslu ifaçı və bəstəkar Aleksandr Rıbaka məxsusdu. Müsabiqənin ən gənc qalibi 1986-cı ildə Belçikanı təmsil edən 13 yaşlı ifaçı Sandra Kimdi. Yeni yüzilliyin ən gənc "Eurovision" qalibi isə 2010-cu ildə Norveçdə baş tutan müsabiqədə Almaniyaya ilk qələbə bəxş edən 19 yaşlı Lena Mayer-Lahdrutdu. Yarışmada qələbə qazanmış ən yaşlı iştirakçı isə 50 yaşlı estoniyalı ifaçı Deyv Bentondu.

Musiqi üslubu[redaktə]

Formal olaraq"Eurovision"a təqdim olunan musiqiyə heç bir məhdudiyyət qoyulmur, janrın seçimi ifaçının və seçim prosesinə cavabdeh təşkilatın öhdəsinə buraxılır. Yeganə məhdudiyyət mahnı mətnlərində senzuradan kənar ifadələrin, siyasi çağırışların və buna bənzər ifadə tərzlərinin olmasına qoyulur.

Lakin ötən illər ərzində müsabiqənin məxsusi "formatı" yaranıb və səs verən tamaşaçıların zövqü nəzərə alınaraq bu formata uyğun mahnılar yazılır. Əksər hallarda iştirakçılar pop musiqisi, caz, ya da xalq musiqisinin estrada tərzində olan işləməsini ifa edirlər. Lakin son vaxtlar bu formatda olmayan üslublarda çıxış edən ifaçıların çoxluğu müşahidə olunur.

Tənqid və insidentlər[redaktə]

"Eurovision" mahnı müsabiqəsi daha çox səsvermə sisteminə və bu zaman əsas götürülən qonşuluq prinsipinə görə tənqidə məruz qalır. Müsabiqənin nüfuzu bəzi ölkələrdə sual altında qalmaqdadır. Məsələn, Böyük Britaniyada Terri Voqanın sarkastik şəphləri sayəsində"Eurovision" zarafat janrının bir nümunəsi kimi təqdim edilir. İtaliyanlar üçün isə müsabiqənin önəmi o qədər aşağı düşüb ki, müxtəlif vaxtlarda bir neçə illiyə onu boykot ediblər. Şərqi və Cənubi Avropa ölkələri isə "Eurovision"a ölkələrini və mədəniyyətlərini tanıtmaq üçün ən yaxşı şanslardan biri kimi baxırlar.

Müxtəlif illərdə müsabiqədə plagiat, satınalma və digər iddialarla qalmaqallar, həmçinin insidentlər baş verib. İki dəfə iştirakçıların çıxışları straykerlərin hücumuna məruz qalıb: 1964-cü ildə Danimarka müsabiqəyə ev sahibliyi edəndə bir nəfər əlində "Rədd olsun Franko və Salazara!" sözləri yazılmış plakat səhnəyə çıxaraq o vaxt İspaniya və Portuqaliyada adları çəkilən liderlərin diktator rejiminə etiraz bildirilmişdi.

2010-cu ildə Norveçdə keçirilən müsabiqənin finalında İspaniyanı təmsil edən iştirakçının çıxışı məşhur strayker Cimmi Camp tərəfindən pozulmuşdu: çıxışın ortasında o, əynində qara futbolka və başında qırmızı Kataloniya barretina-papaq səhnəyə atılaraq ifaçı qrupun qarşısında, solistlə üzbəüz dayanaraq gülümsəyə-gülümsəyə əllərini yelləmişdi. Bundan sonra müsabiqə təşkilatçıları ilk dəfə həmin iştirakçıya təkrar çıxış etmək imkanı yaratmışdılar.

Mahnılara qoyulan tələblər[redaktə]

"Eurovision"da ifa olunacaq mahnı əvvəlki ilin 1 sentyabr tarixinədək ifa edilməmiş bəstə olmalıdır. Mahnının xronometrajı isə 3 dəqiqəni keçməməlidir.

İfaçılardan canlı oxumaq tələb olunur. Yalnız"minusovka"nın, yəni bek-vokalsız müşayiətin lent yazısından istifadə etməyə icazə verilir.

Mahnının mətni istənilən dildə ola bilər. Bu qayda 1999-cu ildən qüvvədədir. 1956-cı ildən 1972-ci ilədək və 1977-ci ildən 1998-ci ilədək iştirakçı ölkə mütləq öz ölkəsinin dövlət dilində yazılmış sözlərə bəstələnmiş mahnı ifa etməli idi.

İştirakçılara qoyulan tələblər[redaktə]

"Eurovision" iştirakçısı olmağa iddialı şəxsin yaşı 16-dan aşağı ola bilməz. Yaşı bundan az olanlar üçün"Eurovision"mahnı yarışması mövcuddur.

İstənilən ifaçı istənilən ölkəni təmsil edə bilər, hətta həmin ölkənin vətəndaşı olmasa da. İştirakçılara səhnədə və Avropa evində ədəbsiz görkəmdə görünmək və təxribat xarakterli hərəkətlərə yol vermək qadağandır.

"Eurovision" qalibi Avropa Yayım Şurası ilə nəzərdə tutulmuş bütün tədbirlərdə iştirak etmək haqqında müqavilə bağlayır.

İstinadlar[redaktə]

  1. “Eurovision“ insidentləri - ARAŞDIRMA
  2. Live Webcast, eurovision.tv, 25 may 2006
  3. Finland wins Eurovision contest, Aljazeera.net, 21 may 2006
  4. Eurovision Song Contest — International Music Program, museum.tv, 15 iyul 2006
  5. Eurovision Trivia (PDF), bbc.co.uk, 5 may 2002
  6. EBU plans for the future, eurovision.tv, 9 маy 2007
  7. Webcasting and the Eurovision Song Contest, European Broadcasting Union, 21 avqust 2006
  8. Eurovision song contest 2006 — live streaming, Octoshape, 8 iyul 2006
  9. http://www.rian.ru/review/20080523/108171457.html
  10. 10,0 10,1 Eurovision’s Golden Jubilee, European Broadcasting Union, 1 dekabr 2004
  11. History of Eurovision, bbc.co.uk, 20 iyul 2006
  12. Historical Milestones, eurovision.tv, 26 may 2006
  13. 1990 yılındaki yarışmada İrlanda ve Fransa birlikte 2. oldu.
  14. Sweden won the 1991 Contest following a tie-break.
  15. 15,0 15,1 15,2 15,3 2004 yılından itibaren televizyondan da yayımlanan yarı final uygulamasına başlanmıştır. Bu tek yarı final 2004'teki yarışmada final öncesindeki çarşamba günü, 2005'teki yarışma ve sonraki iki yarışmada ise final öncesindeki perşembe günü yapılmıştır.
  16. 2008'den itibaren, yarışmanın finali öncesinde iki tane yarı final yapılmaya başlanmıştır. Bu yarı finaller, finalin yapıldığı hafta olan "Eurovision Haftası"nın salı ve perşembe günleri gerçekleştirilmektedir.
  17. [1]

Xarici keçidlər[redaktə]