2012 Avroviziya Mahnı Müsabiqəsi
| Avroviziya Mahnı Müsabiqəsi 2012 "Light Your Fire!" "Öz məşəlini alovlandır!" |
|
|---|---|
 |
|
| I yarımfinal | 22 may 2012 |
| II yarımfinal | 24 may 2012 |
| Final | 26 may 2012 |
| Direktor |  Yon Ola Sand |
| Kanal |  İTV |
| Keçirilən yer | Azərbaycan, Bakı[1][2], Dövlət Bayrağı Meydanı, Bakı Kristal Zalı[3] |
| Qalib mahnı | Euphoria (  İsveç) |
| Seçki sistemi | Münsif səsləri və telesəsvermə. |
| İştirakçıların sayı | 42 |
| Yenidən iştirak edən ölkələr |  Çernoqoriya |
| İştirakdan imtina edən ölkələr |  Polşa Ermənistan |
|
İştirakçıların xəritəsi
|
|
| Avroviziya Mahnı Müsabiqəsi | |
◄ 2011 .svg){kind=small} 2013 ► |
|
2012 Avroviziya Mahnı Müsabiqəsi (ing. Eurovision Song Contest 2012; fr. Concours Eurovision de la chanson 2012) — 57-ci Avroviziya Mahnı Müsabiqəsidir. Müsabiqə Azərbaycanın paytaxtı Bakı şəhərində təşkil olunub. I yarımfinal mayın 22-i, II yarımfinal mayın 24-ü, final mayın 26-da keçirilib. Müsabiqəyə 42 ölkənin təmsilçisi qatılıb. Azərbaycan, Almaniya, Böyük Britaniya, Fransa, İspaniya və İtaliya təmsilçiləri birbaşa finalda iştirak ediblər.
Mündəricat |
Təşkilat komitəsi [redaktə]
2012-ci ilin may ayında Bakı şəhərində Avroviziya 2012 mahnı müsabiqəsinin keçirilməsi üzrə Təşkilat Komitəsi Azərbaycan Respublikası Prezidentinin 19 may 2011-ci il tarixli Sərəncamı ilə yaradılmışdır[4].
- Təşkilat Komitəsinin sədri
- Mehriban Əliyeva – YUNESKO-nun xoşməramlı səfiri, Heydər Əliyev Fondunun prezidenti
- Təşkilat Komitəsinin üzvləri
- Elmar Məmmədyarov – Azərbaycan Respublikasının xarici işlər naziri
- Ramil Usubov – Azərbaycan Respublikasının daxili işlər naziri
- Şahin Mustafayev – Azərbaycan Respublikasının iqtisadi inkişaf naziri
- Əbülfəs Qarayev – Azərbaycan Respublikasının mədəniyyət və turizm naziri
- Əli Abbasov – Azərbaycan Respublikasının rabitə və informasiya texnologiyaları naziri
- Azad Rəhimov – Azərbaycan Respublikasının gənclər və idman naziri
- Hacıbala Abutalıbov – Bakı Şəhər İcra Hakimiyyətinin başçısı
- Cahangir Əsgərov – "Azərbaycan Hava Yolları" Qapalı Səhmdar Cəmiyyətinin prezidenti
- Etibar Pirverdiyev – "Azərenerji" Açıq Səhmdar Cəmiyyətinin prezidenti
- Baba Rzayev – "Bakıelektrikşəbəkə" Açıq Səhmdar Cəmiyyətinin sədri
- İsmayıl Ömərov – Azərbaycan Respublikasının İctimai Televiziya və Radio Yayımları Şirkətinin baş direktoru
- Əli Əsədov – Azərbaycan Respublikası Prezidentinin iqtisadi məsələlər üzrə köməkçisi
- Fatma Abdullazadə – Azərbaycan Respublikası Prezidenti Administrasiyasının Humanitar siyasət məsələləri şöbəsinin müdiri
Maliyyələşdirilmə [redaktə]
Azərbaycan Respublikası Nazirlər Kabinetinin 6 fevral 2012-ci il tarixli, 21 s nömrəli Sərəncamı ilə 2012-ci il Avroviziya Mahnı Müsabiqəsinin keçirilməsi ilə bağlı xərclərin maliyyələşdirilməsi üçün dövlət büdcəsindən 50 milyon manat vəsait ayrılmışdır[5]. Ümumilikdə isə tədbirə 3 milyard dollar vəsaitin xərcləndiyi iddia olunur[6].
Keçirildiyi yer [redaktə]
Azərbaycanda müsabiqənin hansı məkanda keçiriləcəyi ilə bağlı müxtəlif versiyalar səslənirdi. Əsas namizəd kimi Tofiq Bəhramov adına Respublika Stadionu göstərilsə də, müsabiqənin keçiriləcəyi yer haqqında qərar 2012-ci ilin yanvar ayında təşkilat komitəsinin iclasında verildi və tikilməkdə olan "Bakı Kristal Zalı" məkan kimi seçildi. Avropa Yayım Birliyi də bu seçimi dəstəklədi. "Bakı Kristal Zalı" təxminən 23 min tamaşaçı tutur.
Səsvermə [redaktə]
2012 Avroviziya Mahnı Müsabiqəsində 2010-cu ilə qədər istifadə olunan səsvermə sistemi tətbiq olunub. Belə ki, səsvermə ancaq şou bitəndən sonra 15 dəqiqə ərzində həyata keçirilib. EBU-dan bildirilib ki, bütün şou ərzində həyata keçirilən səsvermə zamanı əsas səslər iştirakçılara şounun sonunda gəlib və bu durumdan dolayı EBU belə bir dəyişiklik etmək qərarı verib. Yeni qərara görə sms nömrələri ekranda daha kiçik ölçüdə verilib. Buna kimi sms nömrələri ekranın 25 faizini tuturdu, lakin bundan sonra daha kiçik ölçüdə olacaq. EBU hesab edir ki, bu yazıların böyüklüyü tamaşaçıların diqqətini mahnıdan yayındırır.[7]
Konsepsiya və vizual dizayn [redaktə]
Bakıda baş tutan 2012 Avroviziya Mahnı Müsabiqəsi "Öz məşəlini alovlandır"" (ing. Light your fire!)[8] şüarı altında keçirilib. Bu onunla əlaqədardır ki, Azərbaycanı çox vaxt "Odlar Yurdu" adlandırırlar və bu günün özündə də Azərbaycanda simvol kimi od və alovdan geniş istifadə olunur; azərbaycanlılar bu assosiasiya ilə fəxr edirlər. Bu səbəbdən müsabiqənin loqotipi kimi də alov-gül seçilmişdir[8].
Müsabiqənin mövzusunu fikirləşib tapanlar özlərinin vizual dizayn ideyalarını belə izah edirlər:
"Qədim zamanlardan insanlar hekayət danışmaq, mahnı oxumaq, rəqs etmək üçün od ətrafına toplaşmışlar. Avroviziya isə insanların bayram etmək, mahnı və rəqs vasitəsilə ünsiyyət qurmaq üçün bir araya gəldiyi yerdir"[8]
-
Eurovision 2012 billboard.jpg
Bakıda reklam lövhəsi
-
Bakıda turistlər üçün nəzərdə tutulmuş avtobuslar
-
Bakı taksiləri
-
Eurovision 2012 Azercall.jpg
Azercell-in (müsabiqənin baş sponsorunun) 1 manat dəyərində olan ödəmə kartı
İştirakçılar [redaktə]
2012-ci ilin may ayında Bakıda keçirilən 57-ci Avroviziya Mahnı Müsabiqəsində iştirak etmək üçün 43 ölkə müraciət etmişdi. Bunların sırasında müsabiqəyə ötən il qayıtmış İtaliya, Macarıstan, Avstriya da vardı. Həmçinin Avroviziya Mahnı Müsabiqəsində son 3 ildə iştirak etməyən Çernoqoriya da builki yarışmaya qatılıb. Bununla da Avroviziya Mahnı Müsabiqəsində iştirak edən ölkələrin sayı 2008 və 2011-ci illərdəki rekordu təkrarlayıb.
Yarımfinallara bölünmə səbətləri [redaktə]
| 1-ci Səbət | 2-ci Səbət | 3-cü Səbət |
|---|---|---|
| 4-cü Səbət | 5-ci Səbət | 6-cı Səbət |
.svg){kind=small}
.svg){kind=small}
- ↑ Ermənistan yarımfinal püşkləri reallaşdırıldıqdan təxminən yarım ay sonra yarışmada iştirakdan imtina etmişdir.
Mərasimin kuliminasiya nöqtəsi müsabiqədə müxtəlif illərdə iştirak etmiş və eləcə də qalib gəlmiş müğənnilərin çıxışları oldu. Onların arasında Ruslana, Aysel Teymurzadə, Aleksandr Rıbak, Safura Əlizadə, Lena Meyer-Landrut və Eldar Qasımovla Nigar Camal dueti də vardı.[9]. Konsert proqramında Alim Qasımov, İsfar Sarabski, Teymur Geokçayevin rəhbərlik etdiyi kamera teatrı, Aygün İsmayılova, Samir Cəfərov, Murad Hüseynov və Azərbaycan xalq rəqsləri dövlət ansamblı da çıxış etdilər[10].
-
Alim Qasımov "Sarı gəlin" mahnısını ifa edir
-
Azərbaycan xalq rəqsləri dövlət ansamblı
Yarımfinallar [redaktə]
I yarımfinal [redaktə]
- Birinci yarımfinal mayın 22-də keçirildi.
- Finalda birbaşa iştirak edəcək ölkələrdən Azərbaycan, İtaliya və İspaniya bu yarımfinalda səs verdilər.
- Mavi rənglə birinci yarımfinalda finala vəsiqə qazanmış ölkələr qeyd edilib.
II yarımfinal [redaktə]
- İkinci yarımfinal mayın 24-də keçirildi.
- Finalda birbaşa iştirak edəcək ölkələrdən Almaniya, Böyük Britaniya və Fransa bu yarımfinalda səs verdilər.
- Mavi rənglə ikinci yarımfinalda finala vəsiqə qazanmış ölkələr qeyd edilib.
Finalçılar [redaktə]
Qayıdış [redaktə]
Çernoqoriya — Çernoqoriyanın RTCG teleradio şirkətinin rəhbəri Rade Voyvodiç ölkənin Avroviziya Mahnı Müsabiqəsinə geri döndüyünü təsdiqləmişdir.
İmtina [redaktə]
Ermənistan — Əvvəlcə Ermənistanın müsabiqədə iştirak edəcəyi təsdiqini tapsa da və bu ölkə mayın 24-də keçiriləcək 2-ci yarımfinalda iştirak etməli olsa da,[11] sonradan Ermənistan İctimai Televiziyası Avroviziya-2012 mahnı müsabiqəsində iştirakdan imtina etmişdir. Əsas səbəb bır sıra Ermənistan ifaçılarının EİT-yə müsabiqədə iştirakdan imtina etmək tələbləri hesab olunur.
Andorra — Andorra Avropa Yayım İttifaqının üzvlüyündən çıxmışdır.[12]
Lüksemburq — Lüksemburq Teleradio Şirkəti 2012-ci ildə keçiriləcək Avroviziya Mahnı Müsabiqəsində iştirakdan rəsmən imtina etmişdir.[13]
Monako — Monakonun 2012-ci ildə keçiriləcək Avroviziyada iştirakı ehtimal olunsa da, bu cırtdan dövlət maliyyə problemləri ilə əlaqədar müsabiqədə iştirakdan yenə imtina etmiş[14] və yaxın illərdə iştirakla bağlı planlarının olmadığını bildirmişdir.[15]
Polşa — Polşa teleefirin yüklənməsini səbəb göstərərək müsabiqədə iştirakdan imtina etmişdir. Yerli teleradio şirkəti əsas diqqəti yay olimpiya oyunlarına və futbol üzrə 2012-ci il Avropa çempionatına yönəltməyi qərara almışdır.[16][17] Avropa Yayım Birliyi Polşaya teleyayım və maliyyələşdirmə ilə bağlı öz köməklərini təklif etmişdir,[18][19] amma 2012-ci il yanvarın 17-də yerli teleradio şirkəti müsabiqədən imtinanı təsdiqləmişdir.[20]
Çexiya — Çexiya 2010-cu ildə keçirilən Avroviziyadan sonra ölkənin göstərdiyi pis nəticələrə və müsabiqənin özünün ölkədə aşağı reytinqi olduğuna görə Avroviziyada iştirak etmir.[21]! colspan="22" | Voting results[22]
Baş tutmamış qayıdış [redaktə]
Mərakeş — Azərbaycan KİV-də Mərakeşin 2M TV teleradio şirkətinin müsabiqəyə qayıtmaqda israrlı olması ilə bağlı məlumatlar yayılsa da (bunun üçün əsas Fransa nümayəndə heyətinin müsahibəsi olmuşdur), AYB-nin təqdim etdiyi yekun iştirakçılar siyahısında bu ölkənin adı olmamışdır.
Təkrar iştirak edən müğənnilər [redaktə]
Müğənni kimi iştirak edənlər [redaktə]
| Müğənni | Ölkə | İştirak etdiyi il | Tutduğu yer |
|---|---|---|---|
| Jelko Yoksimoviç |  Serbiya və Çernoqoriya |
2004 | 2 |
| Jedward |  İrlandiya |
2011 | 8 |
| Younsi |  İslandiya |
2004 | 19 |
Bek-vokalçı kimi iştirak edənlər [redaktə]
| Müğənni | Ölkə | İştirak etdiyi il | Əsas müğənni | Yer |
|---|---|---|---|---|
| Mayya Sarixociç |  Bosniya və Herseqovina |
2004, 2011 | Din (2004), Dino Merlin (2011) | 9 (2004), 6 (2011) |
| Anri Coxadze |  Gürcüstan |
2008 | Diana Qurskaya (2008) | 11 (2008) |
Əvvəlki illərdə təsnifat mərhələsini keçməyənlər [redaktə]
| Müğənni | Ölkə | Nəzərdə tutulan iştirak ili |
|---|---|---|
| Kaliopi |  Makedoniya |
1996 |
Xəritə [redaktə]
|
|
İstinadlar [redaktə]
- ↑ "Евровидение-2012" пройдет в Баку. Yoxlanılıb 15 May 2011.
- ↑ Азербайджан пообещал, что "Евровидение" в Баку затмит шоу, которое прошло в Германии. Rosbalt.ru. Yoxlanılıb 15 May 2011.
- ↑ "AVROVİZİYA 2012"nin ÜNVANI BƏLLİ OLDU: "BAKI KRİSTAL ZALI" (azərb.)
- ↑ "Eurovision–2012" mahnı müsabiqəsinin Bakı şəhərində keçirilməsi haqqında Azərbaycan Respublikası Prezidentinin Sərəncamı
- ↑ Azərbaycan Respublikası Nazirlər Kabinetinin 6 fevral 2012-ci il tarixli, 21 s nömrəli Sərəncamı
- ↑ Türk kanalında Eurovisiona 3 milyard xərclənib iddiası (türk.)
- ↑ EBU restores televoting window as from 2012 (İngiliscə). EBU restores televoting window as from 2012. Yoxlanılıb 28 İyun 2011.
- ↑ 8,0 8,1 8,2 Baku 2012: Light your fire!
- ↑ Semi-final draw made for Eurovision
- ↑ ОГОНЬ, СОЛНЦЕ И АЗЕРБАЙДЖАНСКИЙ НАРОДНЫЙ ТАНЕЦ В «ЕВРОВИДЕНИЕ 2012»
- ↑ 43 countries represented at Eurovision 2012
- ↑ Eurovision Song Contest — Dusseldorf 2011 | News — Andorra to quit EBU
- ↑ Eurovision Song Contest — Dusseldorf 2011 | News — Luxembourg: No participation in Baku
- ↑ Monaco: TMC rules out a return.
- ↑ Eurovision Song Contest — Dusseldorf 2011 | News — Monaco: No plans to return in the near future
- ↑ TVP Issues Official Statement
- ↑ Poland: Confirmed no participation in Baku.
- ↑ Eurovision 2012: No List of Participants, No Venue, No Tickets… No Hope?
- ↑ EBU: List of Participants To Be Released Next Week
- ↑ 43 COUNTRIES FOR BAKU 2012 | OIKOTIMES.COM
- ↑ Eurovision Song Contest — Dusseldorf 2011 | Eurovision News
- ↑ Scoreboard: Eurovision Song Contest 2012 Semi-Final 1. European Broadcasting Union (27 May 2012). Yoxlanılıb 27 May 2012.
Xarici keçidlər [redaktə]
|
|
|
|---|---|
| Congratulations:50 ilin Avroviziya Mahnıları | |
| 1956 • 1957 • 1958 • 1959 • 1960 • 1961 • 1962 • 1963 • 1964 • 1965 • 1966 • 1967 • 1968 • 1969 • 1970 • 1971 • 1972 • 1973 • 1974 • 1975 • 1976 • 1977 • 1978 • 1979 • 1980 • 1981 • 1982 • 1983 • 1984 • 1985 • 1986 • 1987 • 1988 • 1989 • 1990 • 1991 • 1992 • 1993 • 1994 • 1995 • 1996 • 1997 • 1998 • 1999 • 2000 • 2001 • 2002 • 2003 • 2004 • 2005 • 2006 • 2007 • 2008 • 2009 • 2010 • 2011 • 2012 • 2013 |
