Can Bonomo

Vikipediya, açıq ensiklopediya
Keçid et: naviqasiya, axtar
Can Bonomo
CanBonomo.jpg
Ümumi məlumatlar
Doğum adı Can Bonomo
Doğum tarixi 16 may 1987 (1987-05-16) (27 yaş)
Flag of Turkey.svg Türkiyə, İzmir
Üslublar caz , indi-rok
Peşələri Müğənni, aktyor
Fəaliyyət illəri 2011-dən
Albom şirkəti We Play
Veb saytı www.canbonomo.com

Can Bonomo (16 may 1987; İzmir, Türkiyə) — yəhudi əsilli türk müğənni.

Musiqi həyatına, səkkiz yaşında, gitara çalmaqla başladı. Orta məktəb illəri boyunca və daha sonra getdiyi İstanbulda bunu davam etdirdi. Bilgi Universitetində kino-televiziya bölümündə oxudu. Səs istehsalı stajı üçün getdiyi Radio Klas və Number 1 FM-ə sonra radio aparıcılığı üçün müraciət etdi və qəbul edildi. Bundan sonra "Can Bonomo Show" adlı proqramını təqdim etməyə başladı. Bir müddət sonra Radio N101-ə keçərək proqramına burada davam etdi. MTV Türkiyədən gələn təklifi qəbul edərək "Rock'n Dark Express" adlı televiziya proqramını təqdim etməyə başladı. Universitet tapşırığı üçün hazırladığı "Hoppala" adlı qısa filmi daha sonra Facebook-a yüklədi və film internetdə paylaşılaraq xeyli maraq yaratdı. Serial layihəsi üzərində işləyən Səray Sevər, filmi izlədikdən sonra Can Bonomonu tapıb görüşməyə dəvət etdi. Görüşməyə gedən Bonomo təklifi qəbul edərək "+18" adlı serialda baş rol oynamağa başladı. Tanış olduğu albom prodüsseri Can Sabana bir demo yazıb göndərdi. İki il davam edən proyektin ardından, Can Sabanın prodüserliyində "Meczup" adlı ilk albomu Yanvar 2011-də nəşr olundu. 24 və 26 mayda Bakıda keçirilmiş 2012 Avroviziya Mahnı Müsabiqəsində Türkiyəni "Love me back" adlı mahnı ilə təmsil etmişdir.

Təltifləri[redaktə]

  1. Radio 8 Musiqi Medalı - Ən yaxşı çıxış edən gənc müğənni
  2. Altun Kəpənək Medalları - Ən yaxşı çıxış edən solist
  3. OMÜ Media Təltifi - Ən yaxşı çıxış edən gənc mügənni

Xarici keçidlər[redaktə]

Əvvəlki:
Yüksək Sədaqət
Türkiyə Avroviziya Mahnı Müsabiqəsində
2012
Sonrakı:
'