Portal:Azərbaycan

Azərbaycan, rəsmi Azərbaycan Respublikası — Avrasiyanın Qafqaz regionunda ən böyük ölkədir. Cənubi Qafqazda, Avropa və Mərkəzi Asiyanın kəsişməsində olan Xəzər dənizi hövzəsində yerləşir. Azərbaycan şərqdə ilk demokratik və dünyəvi dövlət qurmuşdur. Hazırda Azərbaycan qədim tarix və mədəniyyət irsinə malik dünyəvi və unitar dövlət olub, etnik türk və müsəlman çoxluğuna sahib ölkədir. Azərbaycan altı müstəqil türk dövlətindən biridir. Respublika 158 ölkə ilə diplomatik münasibəti var. 38 beynəlxalq təşkilat üzvüdür. Azərbaycan GUAM və Kimyəvi silahdan istifadə qadağası təşkilatlarının təsisçilərindən biridir. 1993-cü ilin sentyabrından Müstəqil Dövlətlər Birliyinin üzvüdür. 9 may 2006-cı ildə Azərbaycan yeni yaradılan BMT insan haqları assambleyasına üzv oldu. Səlahiyyətli nümayəndəlik 19 iyul 2006-cı ildən başlayıb. Azərbaycan həmçinin BMT, ATƏT, Avropa Şurası və NATO-nun sülh naminə tərəfdaşlıq proqramının üzvüdür. Bundan əlavə ölkə Birləşməyənlər Hərəkatı, Beynəlxalq Ticarət Təşkilatı və Beynəlxalq Elektrorabitə İttifaqında müşahidəçi statusuna malikdir. redaktə

Seçilmiş Məqalə Azərbaycanda Respublika Günü — dövlət müstəqilliyinin bərpası günü. 1990-cı ildən dövlət bayramı kimi qeyd olunur. Azərbaycanda Respublika Günü (28 may 1918-ci il) Azərbaycanın ən parlaq və unudulmaz tarixi günlərindən biri - Azərbaycanın istiqlal günüdür. Respublika Günü hökumət və ictimaiyyət tərəfindnə hər il bayram edilir. Məmməd Əmin Rəsulzadə tərəfindən əsası qoyulan Demokratik Cümhuriyyəti Türk və İslam dünyasında ilk Parlamentli Respublika və ilk demokratik, hüquqi və dünyəvi dövlət nümunəsi idi. 1918–ci ilin May aynının 28–də Azərbaycan milli şurası İstiqlaliyyət Bəyannaməsi ilə Azərbaycanın şimal torpaqlarında Azərbaycan Demokratik Cümhuriyyəti yarandığını elan etdi. 1991-ci ildə SSRİ dağıldıqdan sonra Azərbaycan özünü Xalq Cümhuriyyətinin varisi elan edib və ölkənin müsətqiliyii yenidən bərpa olunub. (Davamı...) Arxiv/Redaktə

Seçilmiş məkan Xınalıq — (xın. Хыналыкъ) və ya yerli dildə: Kətiş (xın. Каьтиш) — Azərbaycan Respublikasının Quba rayonunun eyni adlı inzibati ərazi vahidində kənd və həmin ərazi vahidinin mərkəzi. Qafqaz Albaniyasının qədim tayfalarından, Şahdağ xalqlarının nümayəndələrindən biri olan xınalıqlıların tarixi və mərkəzi məskəni. Quba xanlığı dövründə Xınalıq mahalının, SSRİ dövründə Xınalıq kənd sovetliyinin, hazırda Xınalıq bələdiyyəsinin mərkəzi (1999-cu ildən). Dünyanın ən yüksək yaşayış məntəqələrindən biri (dəniz səviyyəsindən 2350 metr yüksəklikdə). 5000 illik tarixə malik olan Xınalıq fenomeni təkcə Azərbaycan tarixində deyil, həm də bəşər tarixində ən zəngin etnoqrafik dəyərlərdən biri, əfsanəvi yaşayış məntəqəsidir.(Davamı...) Arxiv/Redaktə

Seçilmiş Şəkil Bakı şəhərində İstiqlliyyət küçəsində neoklassizm üslublu bina görünüşü Arxiv/Redaktə

Seçilmiş Bioqrafiya Şirvanşah İbrahim ibn Sultan Məhəmməd ibn Keyqubad — (?, Şəki – 15 sentyabr 1417, Şamaxı) — Şirvanşahlar dövlətinin otuz dördüncü hökmdarı, Şirvanşahların Dərbəndilər sülaləsinin banisi. I İbrahim 1382 - ci ildə Şirvanşah Huşəng ibn Kavusun ölümündən sonra taxta gətirilmiş və 1417 - ci ilə kimi ölkəni idarə etmişdir. Uzaqgöən siyasətçi olan I İbrahim, Əmir Teymur və Toxtamış arasında siyasi manevrlər edərək, Azərbaycanı mümkün qədər dağıntılardan qurtarmağa çalışmış, eyni zamanda Əmir Teymurun, Gürcüstana, Rumelinə olan yürüşlərində iştirak etmişdir. Bütün Azərbaycan ərazisini vahid siyasi hakimiyyət altında birləşdirməyə cəhd edən I İbrahim 1406 - cı ildə Təbriz şəhərinə girmiş, qısa müddətə olsa da Azərbaycanın böyük bir hissəsini Şirvanşahların hakimiyyəti altında birəşdirməyə nail olmuşdur. 6 noyabr, 1412 - ci ildə Kür çayı sahilində baş verən döyüşdə Qaraqoyunlu Qara Yusifə əsir düşən I İbrahimi Təbriz əhalisi xərac verərək xilas etmişdir. I İbraimin hakimiyyəti dövründə Azərbaycan mədəniyyətinin inkişafına qayğı ilə yanaşılmışdır. (Davamı...) Arxiv/Redaktə

Sitatlar “ Qələm əyri yonulsa da düz yazar. ” Azərbaycan atalar sözü Vikisitatda Azərbaycan atalar sözləri Arxiv/Redaktə

Bilirdinizmi... Qafqazın ən qədim kilsəsi Şəkinin Kiş kəndindəki Kiş məbədidir. Sasani şahları tacqoymadan əvvəl Azərbaycanın Qazaka şəhərindəki Azərgüşnasp məbədinə piayada gələrək məbədi ziyarət edirdilər. Arxiv/Redaktə

Kateqoriyalar Bütün alt kateqoriyalar üçün "+" klikləyin: [+] Azərbaycan Arxiv/Redaktə

Panorama Bakı şəhərinin panoramı Arxiv/Redaktə

Əlaqəli portallar Cənubi Azərbaycan Türkiyə Gürcüstan İran Qazaxıstan Rusiya Türkmənistan Özbəkistan Avropa İslam Asiya Arxiv/Redaktə

Digər resurslar Arxiv/Redaktə

Keşi təmizlə