Şahrux Xan
| ŞAHRUX XAN | |
| ing. Shahrukh Khan | |
 |
|
| Doğum tarixi: | 2 noyabr 1965-ci il |
|---|---|
| Doğum yeri: | Yeni Dehli,  Hindistan |
| Vətəndaşlıq: | Hindistan |
| Peşələri: | aktyor, prodüser, ssenarist |
| Karyera: | 1988-bu günə qədər |
| Mükafatları: | FilmFare |
| IMDb: | ID 0451321 |
| http://www.shahrukhkhan.org | |
Şahrux Xan (ing. Shahrukh Khan) — məşhur hind aktyoru, prodüser və televiziya aparıcısı.
[redaktə] Həyatı
Şahrux Xan 1965-ci il 2 noyabrda Yeni Dehlidə anadan olmuşdur. Əslən puştundur və dini etiqadına görə müsəlmandır. Ailədə 2 uşaqdırlar - yaşca ondan böyük olan Şahnaz adlı bacısı var. Atası Tac Məhəmməd Xan hüquqşünas olmuşdur. Hindistanın bölünməsinə qədər Peşəvərdən Yeni Dehliyə köçmüşdür. Anası Fatimə Xan xalq hakimi idi.
Şahrux Xan məktəbi Dehlidə oxumuş, 1988-ci ildə Dehli Universitetinin iqtisadiyyat fakültəsini bitirmişdir. Daha sonra kütləvi rabitə ixtisası üzrə magistr dərəcəsini almışdır. Lakin buna baxmayaraq o, aktyor sənətini daha üstün tutmuşdur.
1991-ci ildə valideynlərinin ölümündən sonra o, Mumbay şəhərinə köçmüşdür. 1991-ci il 25 oktyabr tarixində Qauri Çibber ilə ailə həyatı qurmuş və bu nikahdan 1997-ci ildə oğlu Aryan və 2000-ci ildə qızı Suanna anadan olmuşdur.
[redaktə] Kino karyerası
Şahrux Xan ilk aktyorluq debütünü 1988-ci ildə etmiş və bir neçə televiziya serialında çəkilmişdir. Kino fəaliyyətinə isə Bollivud adlandırılan Mumbay şəhərinə gəldikdən sonra başlamışdır. İlk rolunu 1992-ci ildə "Dəlisov məhəbbət" filmində ifa edir. Bu filmdəki roluna görə Şahrux Xan Hindistanın ən məşhur kino jurnalı olan "Filmfare" tərəfindən Ən Yaxşı Debütə görə mükafatını almışdır.
1993-cü ildə eyni vaxtda iki filmdə - "Qorxu altında həyat" və "Ölümlə oyun" filmlərində mənfi obrazlar yaratmışdır. İkinci filmdə ifa etdiyi Viki Malhotra rolundan sonra Ən Yaxşı Baş Rola görə yenidən "Filmfare" kino jurnalının mükafafatına layiq görülür. Növbəti mükafatını 1995-ci ildə "Qaçırılmamış gəlin" filmində ifa etdiyi Rac roluna görə alır. Bu film kinoteatrlarda 12 milyard rupi qazanmışdır və bununla Hindistan kino tarixində ən böyük kassa gəliri olan film hesab olunur.
Uğurlu rolları Şahrux Xanı məşhur kino aktyoruna çevirdi. Bəzən o, bir ildə 5-6 filmə dəvət alırdı. Nəticədə o, daha 5 dəfə "Ən Yaxşı Aktyor" adını almağa nail oldu. Bunların sonuncusu 2007-ci ildə çəkilən "İrəli, Hindistan" filmindəki otüstü xokkey üzrə qadınlardan ibarət komandanın baş məşqçisi rolu olur. Bundan əlavə, Şahrux Xan 17 dəfə müxtəlif mükafatlara namizəd olmuşdur.
2007-ci ildə əvvələr Amitabh Baççanın apardığı "Milyonçu" teleoyununun aparıcısı olmuşdur. 2008-ci ilin aprelində isə "Kim 5-ci sinif şagirdindən ağıllıdır?" teleoyununun hind versiyasının aparıcılığını etmişdir. İndiyə qədər 70-ə yaxın filmdə çəkilmişdir.
[redaktə] Filmoqrafiya
- Yeni əsgər (1988) / Fauji
- Enninin bədbəxtliyi (1989) / In Which Annie Gives It Those Ones
- Sirk (1989) / Circus
- Dəlisov məhəbbət (1992) / Deewana
- Kabare rəqqasəsi (1992) / Dil Aashna Hai
- Centlmenin arzuları (1992) / Raju Ban Gaya Gentleman
- Maya xanım (1993) / Maya
- Ölümlə oyun (1993) / Baazigar
- Qorxu altında həyat (1993) / Darr
- Aşiq kral (1993) / King Uncle
- Məhəbbət mövsümü (1994) / Kabhi Haan Kabhi Naa
- Ərköyünlük (1994) / Anjaam
- Fədakar məhəbbət (1995) / Guddu
- Qaçırılmamış gəlin (1995) / Dilwale Dulhania Le Jayenge
- Dəli aşiqlərin zamanı (1995) / Zamaana Deewana
- Əziz Hindistan (1995) / Oh Darling Yeh Hai India
- Üç qardaş (1995) / Romi Singh
- Tanrı bilir (1995) / Ram Jaane
- Karan və Arcun (1995) / Karan Arjun
- Ehtiraslı məhəbbət (1996) / Chaahat
- Məhəbbət və nifrət (1996) / Dushman Duniya Ka
- Qisasçı qadın (1996) / Army
- İngilis ailəsinin hind varisi (1996) / English Babu Desi Mem
- Sözsüz məhəbbət (1997) / Koyla
- Bəli, boss (1997) / Yes Boss
- Dəli ürək (1997) / Dil To Pagal Hai
- Aldadılmış ümidlər (1997) / Pardes
- Oxşar iki adam (1998) / Duplicate
- Qəlbdən (film, 1998) / Dil Se...
- Həyatda hər şey olur (film, 1998) / Kuch Kuch Hota Hai
- Badşah (1999) / Baadshah
- Titrək ürəklər (2000) / Phir Bhi Dil Hai Hindustani
- Zamanın nəfəsi (2000) / Hey Ram
- Qızğın ehtiras (2000) / Josh
- Hər bir sevən ürək (2000) / Har Dil Jo Pyar Karega...
- Aşiqlər (2000) / Mohabbatein
- Qadın sirri (2000) / Gaja Gamini
- Qəyyum (2001) / One 2 Ka 4
- Aşoka (2001) / Asoka
- Kədərdə və sevincdə (2001) / Kabhi Khushi Kabhie Gham...
- Devdas (film, 2002) / Devdas
- Yeganə (2002) / Hum Tumhare Hain Sanam
- Oğulu qaytarmaq (2002) / Hakthi: The Power
- Sevgi anatomiyası (2002) / Saathiya
- Məhəbbət yolları ilə (film, 2003) / Chalte Chalte
- Sabah açılacaq, yoxsa yox? (film, 2003) / Kal Ho Naa Ho
- Sevdiklərinizdən ayrılmayın (2004)
- Mən indi yanındayam (2004) / Main Hoon Na
- Vir və Zara: Məhəbbət əhvalatı (film, 2004) / Veer-Zaara
- Vətənə qayıdış (2004) / Swades: We, the People
- Pələngin gözü (2005) / Kaal
- Sevmək sənəti (2005) / Silsiilay
- Sirr (2005) / Paheli
- Yad (2006) / Alag: He Is Different... He Is Alone...
- Heç vaxt "əlvida" demə (2006) / Kabhi Alvida Naa Kehna
- Don. Mafiyanın başçısı (2006) / Don
- Mən səni görürəm (2006) / I see you
- İrəli, Hindistan (film, 2007) / Chak De! India
- Salam, balaca (2007) / Heyy Babyy
- Om Şanti Om (film, 2007) / Om Shanti Om
- Nathov villasındakı ruh (2008) / Bhoothnath
- Xoşbəxt ulduz (2008)
- Bu cütlüyü Tanrı yaradıb (film, 2008) / Rab Ne Bana Di Jodi
- Bərbər Billu (film, 2009) / Billu
- Adaxlı axtarılır (2010) / Dulha Mil Gaya
- Mənim adım Xandır (film, 2010) / My Name is Khan
- Ra. Bir (2011) / Ra.One
- Don. Mafiyanın başçısı-2 (2011) / Don 2
