Şiriyazaki mayakı
| Şiriyazaki mayakı | |
|---|---|
 | |
| Ölkə | |
| Yerləşir | Hiqaşidori[d] |
| Koordinatlar | 41°25′48″ şm. e. 141°27′43″ ş. u. |
| Yandırılma ili | 1951 |
| Memar | Riçard Henri Branton |
| Tikilmə tarixi | 1876 |
| Tikinti materialı | kərpic |
| Linza növü | ikinci sıra Fresnel linzası[d] |
 |
|
 Vikianbarda əlaqəli mediafayllar | |
Şiriyazaki mayakı (尻屋埼灯台, Şiriyazaki today?) – Yaponiyanın Aomori prefekturasının Şiriya burnunda yerləşən dəniz mayakı. Tohoku regionundakı ilk Qərb üslubundakı mayakdır. Yaponiyadakı azsaylı kərpic mayaklardan biridir.
Tarixi[redaktə | mənbəni redaktə et]
Şiriyazaki mayakı britaniyalı mayak inşaatçısı Riçard Henri Branton tərəfindən tikilmiş və 20 oktyabr 1876-cı ildə istifadəyə verilmişdir. Yaponiyada ilk duman zəngi bu mayakda quraşdırılmışdır. 1901-ci ilin dekabrında Şiriyazaki mayakı elektrik generatoru ilə təchiz olunmuş və Yaponiyada elektriklə işləyən ilk dəniz mayakı olmuşdur. Optik cihazı Fransada yerləşən Ekmül mayakı əsasında modellənmişdir.[1]
1951-ci ildə Şiriyazaki mayakı bərpa olunmuşdur.[2] 1983-cü ildə mayakda təmir işləri aparılmış, zəlzələyə qarşı davamlı hala gətirilmişdir.[1]
Şəhər əfsanəsi[redaktə | mənbəni redaktə et]
İkinci Dünya müharibəsi zamanı – 14 iyul 1945-ci ildə Şiriyazaki mayakı ABŞ donanması tərəfindən məhv edilmiş və mayakın radio əlaqəsi otağında işləyən 42 yaşlı mühəndis Murao insident zamanı ölmüşdür.[3] Növbəti ilin yayında mayakdan işıq gəldiyi barədə şayiələr yayılmışdır. Bir neçə balıqçı mayakın işığı sayəsində güclü dumandan xilas olduqlarını və sahilə çıxa bildiklərini bildirmişdirlər. Burada ölmüş mühəndis Muraonun ruhunun mayakın işığını yandırdığına dair şəhər əfsanəsi yaranmışdır. Gəmiçilik şirkətlərindən biri mayakdan gələn işıq barədə sorğu başlatsa da, qəzalı vəziyyətdə olan mayakın işığı barədə sirrin üstü açılmamışdır. Avqust ayında mayakda müvəqqəti işığın quraşdırılmasından sonra bu şayiələr kəsilmişdir.[4]
Xüsusiyyətləri[redaktə | mənbəni redaktə et]
Şiriyazaki mayakı 32,82 metr hündürlüyəndir və dəniz səviyyəsindən 45,7 metr hündürlükdə yerləşir. Kərpicdən tikilmişdir.[1] 2017-ci ildə Maddi Mədəni Mülk statusu almışdır.[5] Yaponiya Mayak Assosiyası tərəfindən "Yaponiyanın 50 mayakı" siyahısına salınmışdır.[6] 1 iyun 2018-ci ildə Şiriyazaki mayakı 16-cı gəzinti mayakı kimi ictimaiyyətə açıq elan olunmuşdur.[7]
İstinadlar[redaktə | mənbəni redaktə et]
- ↑ 1 2 3 "Shiriya Saki". Tokokai (ingiliscə). 23 fevral 2024 tarixində arxivləşdirilib. İstifadə tarixi: 23 fevral 2024.
- ↑ "Lighthouses of Japan: Aomori". Lighthouse Directory (ingiliscə). 23 fevral 2024 tarixində arxivləşdirilib. İstifadə tarixi: 23 fevral 2024.
- ↑ "尻屋埼灯台". Nikkei (yaponca). 2022-01-17 tarixində arxivləşdirilib. İstifadə tarixi: 23 fevral 2024.
- ↑ "An Illusion of a Lighthouse at Shiriyazaki". Tokokai (ingiliscə). 23 fevral 2024 tarixində arxivləşdirilib. İstifadə tarixi: 23 fevral 2024.
- ↑ "尻屋埼灯台 しりやさきとうだい". Cultural Heritage Online (yaponca). 23 fevral 2024 tarixində arxivləşdirilib. İstifadə tarixi: 23 fevral 2024.
- ↑ "日本の灯台５０選". Tokokai (yaponca). Archived from the original on 2024-02-03. İstifadə tarixi: 23 fevral 2024.
- ↑ "青森の「尻屋崎灯台」が全国16カ所目の参観灯台に". Kanpan Info (yaponca). 2024-02-22 tarixində arxivləşdirilib. İstifadə tarixi: 23 fevral 2024.