2038-ci il problemi

Vikipediya, açıq ensiklopediya
Keçid et: naviqasiya, axtar
Zaman sayğacının necə sıfırlanacağını göstərən rəms

2038 problemi, hesablama texnikasında 19 yanvar 2038-ci ildə müəyyən proqram təminatlarında baş verməsi gözlənilən ciddi bir proqramlaşdırma xətasıdır. Bu problem zamanın POSIX standartı (UNIX-zaman) ilə təsvir olunduğu proqram və sistemlərdə baş verəcək.

Xəta, sistem zamanını 1 Yanvar 1970 tarixindən bəri saniyə əsasında hesablayan və 32-bitlik UNIX sistemlərdə 19 Yanvar 2038 Çərşənbə axşamı günü saat 03:14:07-də sayğacın başa dönməsiylə sistem tarixinin 13 dekabr 1901 20:45:52-i göstərməsiylə ortaya çıxacaq.

Demək olar ki, UNIX-bənzəri bütün 32-bitlik əməliyyat sistemlərində bu problemin yaşanacağı gözlənilir. Bundan başqa 32-bitlik Windows əməliyyat sistemləri və MySQL verilənlər bazası ilə çalışan web-layihələr üçün eyni problem aktual xarakter daşıyır.

Son illərdə bu xətanın aradan qaldırılması ilə bağlı bir çox təkliflər irəli sürülsə də heç biri faydalı olmamışdır.

Mütəxəssislər qeyd edirlər ki, 32-bitlik prosessor və əməliyyat sistemləri üçün bu ehtimal olunan problemin sadə həlli mövcud deyil. Odur ki, yaxşı olardı ki, risk halıyla qarşılaşmadan 2038-ci ilə qədər 32-bitlik bu sistemlər 64-bitlik sistemlərlə əvəz edilsin.

Mənbə[redaktə]

2038 Problemi